09/17/2025
Հղիության ընթացքում բրեկետ կրելը հակացուցված չէ, սակայն կան կարևոր կետեր, որոնք պետք է հաշվի առնել․
🔹 Հորմոնալ փոփոխություններ – հղիության ժամանակ լնդերը դառնում են ավելի զգայուն ու հաճախ առաջանում է այտուց կամ արյունահոսություն։ Բրեկետները կարող են այդ երևույթները ավելի ուժեղացնել, եթե բերանի խնամքը ճիշտ չի պահպանվում։
🔹 Ռենտգեն հետազոտություններ – Որպես կանոն, բրեկետ տեղադրելուց առաջ պետք է իրականացնել օրթոպանտոմոգրամա (ընդհանուր ատամնաշարի ռենտգեն), իսկ հղիության ընթացքում խորհուրդ չի տրվում անել նման հետազոտություններ։ Ցանկալի է օրթոդոնտիկ բուժման անցնել մինչև հղիանալը կամ ծննդաբերությունից հետո։
🔹 Սննդային սահմանափակումներ և սթրես – բրեկետները ևս պահանջում են հատուկ սննդակարգ՝ հատկապես սկզբնական փուլում։ Դա կարող է որոշակի անհարմարություններ ստեղծել։
🔹 Բուժման երկարատևություն – Օրթոդոնտիկ բուժումը տևում է միջինը 1.5-2 տարի), ուստի որոշ բժիշկներ խորհուրդ են տալիս հետաձգել մինչև հղիության ավարտը, որպեսզի ամբողջ ընթացքը լինի առանց հավելյալ ռիսկեր։
✅ Եթե հղիությունը արդեն ընթացքի մեջ է, և կինը ցանկանում է բրեկետ դնել, դա հնարավոր է, բայց պետք է անպայման խորհրդակցել գինեկոլոգի և օրթոդոնտի հետ, որպեսզի գնահատվի բոլոր կողմերը։
✅ Ավելի հաճախ խորհուրդ է տրվում բրեկետ դնել հղիությունից առաջ կամ հետո։
