06/03/2021
" طب أسنان ؟! داخل #طب وداخل ليش مو طب بشري ؟! "
" ابني كان بيطلعله طب بشري ؛ بس هو سجل طب #أسنان "
" شو شغلتكم غير #تحفروا هالسنان وتسكروها ؟! "
" هاد #جزار مو طبيب !! سحبلي العصب وأخد هديك الحسبة مين قله يسحب العصب ؟! "
والعديد من العبارات والصور النمطية المُحيطة باختصاص .. أحد أهم الأفرع الطبية #المظلومة !
لوحة #مُتكاملة مرسومة بمزيج مابين الـعلوم الطبيـة والفـن والدقـة والإنسانيـة ..
حدا ممكن يتخيل كيف رح تكون حياتنا من دونه ؟!
🔵 تفيق على #وجع ضرسك بالليل يلي صُنِّف ك #أصعب ألم بعد ألم الولادة !! (يعني أنت صديقي الرجل بعمرك مارح تحس بأصعب من هيك وجع 🙃 )
وماتلاقي مين يطبّبك (علم المداواة اللّبية)
🔵 يخلق ابنك ومايطلعه أسنان #مؤقتة ؛ أو يتأخروا الأسنان الدائمة أو حتى مايطلعله ولا سن !!
🔵 تكبر البنوتة وتصير صبيّة تخاف #تبتسم لأن ببساطة أسنانها متراكبة أو فيها عيب واضح (طب تقويم الأسنان) !!
🔵 يصير مع حدا #حادث وينكسر فكه ومايلاقي مين يطبّبه ويرجعلو الوضع متل ماكان (طب جراحة الوجه والفكين) !
🔵 بتعرفو أنو العديد من أولى تظاهراتها فموية وطبيب الأسنان هوي يلي بشخصها (أمراض الفم) !!
⛔ عندكم فكرة عن #صعوبة الظروف يلي بمارس فيها طبيب الأسنان مهنته .. عن دقتها و #خطورتها وصعوبتها ؟!
وبيبقى هاد الإنسان ؛ قادر ينسى كل #تعبه لما شوف #ابتسامة مريض كان #يخاف يضحك ..
لما يعالج ويدواي ويرجع #الثقة لإنسان كان فاقدها !
لما يخلص شغل #للطفل ويخبر والدته أنو هو كمان بده يصير طبيب أسنان لما يكبر !
لكل طبيـب ؛ طـالب ؛ أو حالـم بهاد الإختصاص ..
كون #فخور !
ولا تخلي #المعوقات نفسية كانت أم جسدية سواء بكلمة أو موقف أو بنظرة تنسيك مدى إنسانيتك وعظمة مهنتك و عمق علمك ❤
بالـيوم الـعالمي لطـب الأسنـان ؛ افتخر بكونك #جزء منه !
انضموا لمنصـة مشـروع الـعلاج الـمجاني للأسنـان 👇
✅ منصة صحة الفم السورية - MedDose Dentistry
