Dr. Khalil Khaddam

Dr. Khalil Khaddam Dental Clinic
MSc in Orthodontics 🦷

31/03/2022

............................سؤال شائع.....................................
كتير مننسأل ليش ما منقلع السن بعد ماشفنا انو استطبابه قلع إذا كان في حالة التهابية بالنسج حوله ؟
ليش منأجل وشو ناطرين ؟
- اذا كان في حالة التهابية بتتجمع سوائل حول السن وبتكون بنسبة أكبر من الوضع الطبيعي ، هالشي رح يأثر عالأنسجة المحيطة ، رح تصير رخوة وغير متماسكه وبهل حالة ممكن تتمزق أثناء حركات القلع غير وقت بتكون النسج المحيطة بالسن سليمة.
- من جهة تانية السوائل مابس بتكون كتيرة ، بتكون بحالة حامضية والتخدير لايمتص ولا يعطي مفعول بهك وسط.
لهل أسباب منأجل القلع فترة منوصف فيا صادات حيوية لنحاول نخفف مظاهر الالتهاب ، نرجع النسج إلى الوضع السليم المتماسك قدر الإمكان ، ونخفف حموضة الوسط إلى الحد الأدنى اللي ممكن نقدر نخدر فيه.
تضلوا بخير ⁦❤️⁩

12/03/2022

رح نبدأ بسلسة بوستات بتحكي عن مواضيع متنوعة بطب الأسنان بشكل عام .
🔴 شوية نصائح وكم معلومة مختصرة مفيدة ...
- لأن الأطفال هنن أغلى شي بيملكوا الإنسان رح نبلش بأول بوست نحكي فيه عن شي بخصهن .
🔴( فقد الأسنان اللبنية المبكر ) 🔴
بلمحة سريعة أسباب ونتائج ولوين ممكن يودي ...
🔴 مافي داعي ناخد أطفالنا لعند الدكتور اذا كان عندن نخور بأسنانن لأن بكرا رح يروحوا ويطلع محلن ❌
🔴 الطفل تعرض لرض فقد نتيجتوا أحد أسنانه بشيل السن برميه وبس يوقف الألم والنزف بنسى الموضوع ❌
ببعض الحالات للأسف ممكن هك يصير ...
الأسنان اللبنية إلها أهمية لا تقل أبداً عن الأسنان الدائمة ، ما لازم نهملا تحت أي ظرف كان .
صحيح رح تروح ويطلع بمكانا أسنان دائمة بس هون بتكمن الأهمية الكبيرة الها ، لأن هيي مسؤولة وبشكل كبير عن إرشاد السن الدائم للطريق اللي رح يسلكه ليطلع بمكانه الصحيح ، بالإضافة لوظيفتها المضغية وفعاليتها اللي لازم تكون جيدة ليقدر الطفل يبني صحته بشكل جيد ، بحيث أثبتت أحدث الدراسات بأن الأسنان الخالية من النخور عند الأطفال فعاليتها الماضغة أكبر بنسبة (20 - 30) % من الأسنان المصابة بنخور ، لهاد السبب لازم نلاحق النخر أول بأول (والأفضل الاعتناء بالصحة الفموية لتجنب حدوثه )
مافي داعي نوصل لمرحلة نكون فيها غير قادرين على العلاج ومايكون قدامنا حل غير القلع .
🔴 طيب ليش منحرص على عدم فقد السن قبل الوقت الطبيعي ؟
أسباب عديدة رح نذكر شوي منها .
1 - الفقد المبكر للأسنان اللبنية يسبب انسلال للأسنان المجاورة باتجاه منطقة الفقد والأسنان المقابلة كمان بتتحرك بجهة عامودية باتجاهه هالعوامل بتأدي لخلل إطباقي مابخلي السن الدائم يطلع بشكل صحيح اذا قدر يطلع .
2 - الفقد اذا كان ناتج عن رض ممكن يسبب تحته تليف أو ممكن يتشكل حاجز عظمي بيمنع بزوغ السن الدائم ، وهون منضطر لتداخلات قادرين نتجنبا بشوية حرص .
3 - فقد القواطع الأمامية بعمر مبكر _ الناتج عن نخور الطفولة المبكرة _ بأثر على جودة النطق عند الطفل ، وبأثر على الناحية النفسية بشكل كبير نتيجة فقد الناحية الجمالية .
لهل أسباب لازم نبقى حريصين على الصحة الفموية للأطفال لأنها ببساطة البوابة لصحة جسم كامل .
ليبقوا دوماً بصحة جيدة ⁦❤️⁩

Address

Lattakia

Telephone

+963934143189

Website

Alerts

Be the first to know and let us send you an email when Dr. Khalil Khaddam posts news and promotions. Your email address will not be used for any other purpose, and you can unsubscribe at any time.

Shortcuts

Share

Category