العيادة السنية الحديثة

العيادة السنية الحديثة العيادة السنية الحديثة
لطب الأسنان
جميع المعالجات ال?

ورجعت الضحكة من جديد .. 🙏د. محمد : 0991778819 0951778819 هاتف أرضي : 5944047 ..
02/02/2021

ورجعت الضحكة من جديد .. 🙏

د. محمد : 0991778819
0951778819
هاتف أرضي : 5944047

..

شوية لمسات ممكن تعطيك أحلى ابتسامة .. بأسنانك الطبيعية .. د. محمد ياسمينة .. .. #فينير #زرع #حشوات #تقويم #تيجان #...
26/09/2020

شوية لمسات ممكن تعطيك أحلى ابتسامة .. بأسنانك الطبيعية ..

د. محمد ياسمينة ..
..

#فينير #زرع #حشوات #تقويم #تيجان #جسور #أطفال #لبية ..

يسر العيادة السنية الحديثة بإعلامكم عن استعدادها لاستقبال جميع الحالات التقويمية والعلاج وفق أحدث الطرق .. بوجود أخصائي ...
29/08/2020

يسر العيادة السنية الحديثة بإعلامكم عن استعدادها لاستقبال جميع الحالات التقويمية والعلاج وفق أحدث الطرق .. بوجود أخصائي التقويم الدكتور ياسر النجار ..

للحجز والاستعلام يرجى التواصل :
أرضي : ٥٩٤٤٠٤٧
د. محمد : ٠٩٩١٧٧٨٨١٩

أضحى مبارك ..وكل عام وأنتم بخير .. 💚💜
31/07/2020

أضحى مبارك ..
وكل عام وأنتم بخير .. 💚💜

27/07/2020

أهضم مريضة .. وأحلى صباح ..
وبتغنيلي كمان .. 😍

نايا الحلوة .. الله يحميكي .. 🌸

حياتك أو حياة شخص بيعنيلك أوقات بتوقف على معلومة وتصرف بسيط منك .. 👇"اذا مو مهتم لا تكمل قراءة" ..----------------------...
24/07/2020

حياتك أو حياة شخص بيعنيلك أوقات بتوقف على معلومة وتصرف بسيط منك .. 👇

"اذا مو مهتم لا تكمل قراءة" ..
------------------------

🌸الانسداد الجزئي بمجرى التنفس :

أخوك قاعد عم ياكل ومستعجل ما لقيت الا حبة رز دخلت بالغلط على مجرى التنفس عندو ..
أو قاعد عم تلعب طاولة مع رفيقك راح طار النرد ودخل بتم رفيقك على جهاز التنفس .. 🤷‍♂️

وصار معو شي اسمو انسداد جزئي بالمجرى التنفسي ..

أعراضو : سعال - "صعوبة"بالتنفس والكلام - احمرار بالوجه ..

"بيضل المريض قادر يحكي ويتنفس"

🔥 شو اعمل ؟!

اتركو يسعل لحالو وحرضو عالسعال .. ما تقرب عليه طول ما انو عم يقدر يتنفس والانسداد بعدو جزئي ..
-------------------------------

🔥 دكتور يعني ما دحو ٧٥٠ دحة على ضهرو ؟؟!

لا حبيبي لا تجرب عضلاتك بلا ما تقلب الانسداد الجزئي لكامل ..

🔥 طيب دكتور ما اسقيه مي ؟؟

لا ما تسقيه لبعد خروج الجسم العالق .. لانو هو تلقائيا عندو صعوبة تنفس بتجي لتسقيه مي بيتسكر مجرى التنفس بلسان المزمار ليدخل المي عالمعدة وبتحرمو من التنفس اكتر مالو محروم ..

في حال وقف سعال ورجع التنفس الامور ممتازة ..

في حال وقف السعال وتوقف التنفس .. بيكون تحولت الحالة لانسداد كامل .. ساعتا فرجيني عضلاتك ..

‐-----------------------------

🌸 الانسداد الكامل :

قاعدة بهالبيت وعطيتي ابنك ٢٥ ليرة يشتري فيها ..
"قال يعني ضل فيه شي ينشرى ب٢٥ ليرة"

المهم راح ابنك حطا بتمو .. وبالغلط دخلت هال٢٥ على مجرى التنفس وسكرتو بشكل كامل ..

فجأة رح تلاقي ابنك بلش يتغير لونو .. شفايفو بيزرقو .. وبيعمل العلامة العالمية للاختناق .. متل بالصورة ..👇

بيكون فيه عجز تام عن التنفس مع شحوب وازرقاق .. و عدم القدرة على الكلام ..

بهيك حالة الثواني بتلعب دور بحياة الولد ..
-------------------------
🔥 شو لازم نعمل طيب !؟

أول شي بوقف خلف المريض وبسندو بحيث اذا فقد الوعي ما يوقع عالارض ..

بحني ضهرو لقدام شوي وبخليه يفتح تمو وبعمل ٤ دحات بين لوحين الكتف بشكل خطاف باتجاه الظهر والخارج .. مع كل دحة بشوف اذا طلعت ال٢٥ اللعينة أو لأ ..
----------------------
🔥 طيب ما طلعت هال٢٥ شو بعمل ؟

بنتقل لشي اسمو مناورة هايملش .. او هيملك ..

• عفواً !؟
- اي رح اشرح طول بالك .. ورح حط فيديو كمان بالاخر ..

بضل على نفس وقفتي خلف المريض .. بحط اصبعي الوسطى على سرة المريض والسبابة فوقا تماما .. وبعمل قبضة بايدي التانية وبحطا بالمنطقة يلي فوق الاصبعين ..

بشيل اليد الاولى بحني فيها ضهر المريض شوي وبعدين بطبق فيها ضغط على التانية .. وبطلب من المريض يفتح تمو ..

هلأ بضغط باتجاه الداخل والأعلى والخارج بشكل خطاف ..

منضل نحاول حتى تطلع ال٢٥ .. ويرجع التنفس ..
ومناخدا منو ومنعطيه بدالا ١٠٠ ليرة ورق .. 🙂🙂

‐--------------------------------

طيب بركي انا كنت المريض .. !؟
بطبق نفس القبضة وبنفس المنطقة وبحني حالي على طرف كرسي مشان ساعد بالضغط .. رح حط صورة بالتعليقات ..

طيب بركي مريض سمين وما فيني حط ايديي حواليه ..!؟
بضغط بين حلمتي الثدي بنفس القبضة ..

طيب بركي كانت امرأة حامل !؟
نفس حالة السمنة .. بين حلمتي الثدي ..

طيب بركي كان طفل !؟
رح حط صورة وشرح بالتعليقات ..

-------------------------

كتير ضروري تشوفو هالفيديو .. شخص كان بمطعم باليونان صار معو انسداد كامل ..
youtu.be/1YRb2V78_k4

..

للأسف بلشت إصابات الكورونا تزيد بسوريا .. وللأسف لهلأ مو واعيين للخطر يلي ماشيين باتجاهو .. المشافي ما عاد استقبلت حالات...
18/07/2020

للأسف بلشت إصابات الكورونا تزيد بسوريا ..
وللأسف لهلأ مو واعيين للخطر يلي ماشيين باتجاهو ..

المشافي ما عاد استقبلت حالات للأسف ما ضل أماكن .. واذا بقينا بهالاهمال فالله يجيرنا من يلي جاي ..

الصورة بتوضح الفائدة الكبيرة للكمامة ..

الكمامة مو بس لتحميك .. الكمامة لتحمي الناس منك ..

اذا مو خايف على حالك .. خاف على أهلك على أخواتك على رفقاتك ..

منتمنى من الكل الالتزام بالتباعد ولبس الكمامة ..

والله يحمي الجميع ..

د. محمد ياسمينة ..
..

🔥🔥 انخلاع الأسنان .. "مهم جداً " 🔥🔥أي شخص معرض للسقوط او للحوادث .. والأطفال بشكل خاص ممكن يتعرضو لكدمات وحوادث سقوط ممك...
12/07/2020

🔥🔥 انخلاع الأسنان .. "مهم جداً " 🔥🔥

أي شخص معرض للسقوط او للحوادث .. والأطفال بشكل خاص ممكن يتعرضو لكدمات وحوادث سقوط ممكن تسبب أذية في المنطقة الفموية وعلى مستوى الأسنان ..

الأذية ممكن تكون كسر بالسن او العظم أو التنين سوا .. أو انغراس للسن ضمن العظم .. أو انخلاع للسن بشكل عمودي أو أفقي ..

وممكن توصل لانخلاع السن بشكل كامل من الفم ..

هالحالات بتقابل الاطفال اكتر من الكبار .. والذكور أكتر من الاناث .. "لأنو الذكور بيلعبو ملاكمة عن مزح"

----------------

🔥الانخلاع يعني خروج السن من مكانو بشكل كامل ..

اذا صار معك أو مع شخص بيخصك حادثة وقوع أو خناقة واكلت بوكس على أسنانك وانخلع سن او أكتر من مكانو ..😅

في خطوات لازم تكون بتعرفها لتقدر تساعد نفسك في نجاح اعادة زرع هي الاسنان ..

🔥شو لازم تعمل ؟

⚡ أهم شي لازم تعملو هو انك ما تكب هاد السن واذا وقع لازم تدور عليه ..
بعد ما تلاقي السن بتحملو من التاج وبتغسلو بماء حنفية بشكل بسيط وبدون ما تفركو ولمدة قليلة ..

⚡ بعدها بترجع السن لمكانو ضمن العظم بدون ما تلمس الجذر ..
وبتخلي المريض يعض بشكل بسيط على منديل او قطنة ..

في حال ما قدرت ترجع السن فيك تحط السن تحت لسان المريض "بشرط يكون واعي وما يبلع السن" ..

وفي حال خوفك من بلع السن فيك تحفظو بسائل ضغطو الحلولي متوازن ..

🔥شو أهم السوائل يلي بتحمل هي الصفة ؟

الحليب - بياض البيض - السالين - العكبر - جوز الهند - محلول حفظ العدسات اللاصقة - ......
--------------

🔥عوامل تانية مهمة :

مراجعة الطبيب ضمن النصف ساعة الاول بعد السقوط مهم جدا في تحديد مستقبل ونجاح اعادة الأسنان لمكانهن ..

في حال كان السن مؤقت ما منرجع منزرعو مشان ما يأثر على براعم الأسنان الدائمة ..

حالة ذروة الجذر اذا مفتوحة او مغلقة .. "حسب اديش صرلو بازغ اقل من ٣ سنين أو اكتر "

-----------

الطبيب بعدا بيتعامل مع الحالة عن طريق تهدئة الأهل اول شي .. وبعدا تقييم الحالة سريرياً وشعاعياً .. وتهيئة السن وإعادتو لموقعو ضمن الفم والاطباق .. والتثبيت بسلك مثبت على الاسنان المجاورة ..

--------------
بعد إعادة الزرع :
- حمية غذائية "مأكولات طرية فقط" ..
- ‏مضادات حيوية ..
- ‏مسكنات في حالة الألم
- ‏مضامض كلورهكسيدين مرتين في اليوم لمدة أسبوع ..

------------
الهدوء من المريض والمرافق الو ضروري جدا بهيك حالات ..
------------

ضلو بخير ولا تتخانقو مع حدا وتاكلو بوكسات .. 🌷🌷

د. محمد ياسمينة
..

قلع جراحي لرحى ثالثة سفلية "ضرس العقل" .. ..
08/07/2020

قلع جراحي لرحى ثالثة سفلية "ضرس العقل" ..

..

خمس نصائح لتفريش الأسنان بشكل صحيح :1- تفريش الأسنان مرتين في اليوم .. مرة منهم قبل النوم ..2- التفريش بشكل ترتيبي مشان ...
27/06/2020

خمس نصائح لتفريش الأسنان بشكل صحيح :

1- تفريش الأسنان مرتين في اليوم .. مرة منهم قبل النوم ..

2- التفريش بشكل ترتيبي مشان ما نترك أي منطقة بدون تفريش ..

3- تفريش السطح الداخلي من الأسنان مو بس الخارجي .. بالإضافة للسطح الطاحن للأسنان الخلفية ..

4- عدم التفريش بعد الأكل مباشرة .. مشان ما نضر طبقة الميناء ..

5- عدم المضمضة بعد التفريش مباشرة .. مشان يمتص السن المواد الدوائية أو الفلور الموجود بالمعجون ..
بيكفي تبصق المعجون وتستنى ٣ دقايق وبعدها فيك تتمضمض ..

د. محمد ياسمينة ..
..

تجميل الأسنان الأمامية .. بتيجان خزف على معدن ..للاستفسار : أرضي : ٥٩٤٤٠٤٧ د.محمد : ٠٩٩١٧٧٨٨١٩ ..
04/06/2020

تجميل الأسنان الأمامية .. بتيجان خزف على معدن ..

للاستفسار :
أرضي : ٥٩٤٤٠٤٧
د.محمد : ٠٩٩١٧٧٨٨١٩

..

تم العودة للعمل في العيادة السنية الحديثة بعد الإغلاق لشهرين بسبب فايروس كورونا ..للاستفسار .. أرضي : ٥٩٤٤٠٤٧د. محمد : ٠...
27/05/2020

تم العودة للعمل في العيادة السنية الحديثة بعد الإغلاق لشهرين بسبب فايروس كورونا ..

للاستفسار ..
أرضي : ٥٩٤٤٠٤٧
د. محمد : ٠٩٩١٧٧٨٨١٩

Address

التل/حرنة الشرقية/شارع سوق الأربعاء القديم/مقابل ثانوية حرنة للبنين/جانب المطحنة
Hurnah

Opening Hours

Monday 09:00 - 20:00
Tuesday 09:00 - 20:00
Wednesday 09:00 - 20:00
Thursday 09:00 - 20:00
Saturday 09:00 - 20:00
Sunday 09:00 - 20:00

Telephone

+963991778819

Website

Alerts

Be the first to know and let us send you an email when العيادة السنية الحديثة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category