19/02/2025
دكتورة والله مبارح كان واجعني سنّي كتير ، قمت جبت (بانسا) و حاولت شيلو ، بس ما انشال
قلت بجي لعندك أحسن😀
إذا كنت مفكر انو هاد الموقف من وحي الخيال ، ف بحب خبركن انو هاد الشي من وحي العيادة!
يومياً بيجينا مرضى بقصة مرضية كالتالي:
الألم كان محمول ل فترة ، بعدين اشتد بشكل لا يحتمل ف حاول المريض يخفف ألمو ب أي طريقة!
هون منجي ل موضوعنا الأساسي
شو هيي هي الطرق ؟و ليش ما بصير نعملها؟
🔧الأدوات الحادة(إبرة ،دبوس شعر، قلم، سكين، مفك،بانسا، شاكوش…)
١_الجراثيم اللي ممكن تتدخلها ع قلب السن
٢_السن غالباً بكون بحالة احتقان و ضعف (متهدّم) و احتمال ينكسر ف تتفاقم المشكلة
٣_احتمال تئذي اللب أو اللثة المحيطة بالسن( نكون بمشكلة نصير بمشكلة تانية)
🍾الكحول(العرق ،الويسكي، الأسيتون)
١_بتحرق اللثة و بتزيد الالتهاب
٢_احتمال يتموّت العصب
🍯القرنفل الخام،العسل، الثوم، الخل
١_هي المواد قوية جداً و ممكن تسبب تهيج اللب و اللثة
٢_المواد متل الخل و الليمون ممكن تسبب تخريش الميناء و تضعفو
٣_العسل ممكن يزيد تجمع البكتيريا و يأمن بيئة جيدة الها
💊 الصادات الحيوية العشوائية و المبالغة ب المسكنات
١_ مقاومة ضد البكتيريا
٢_اذا عندك خراج ف الصاد لحالو ما بحل المشكلة
٣_المبالغة بالمسكنات و بعض المسكنات بدون وصفة ممكن تئذي الكبد ، الكلى أو المعدة
٤_ممكن تسكّن الألم ل فترة لحد ما تتطور المشكلة بدون أعراض واضحة
أما الحل الأهم ف هو أكيد
دكتور الأسنان ؛)
و دمتم سالمين🌿
