عيادة الدكتورة عريب الشايب لزراعة وتجميل الأسنان

  • Home
  • Palestine
  • Tulkarm
  • عيادة الدكتورة عريب الشايب لزراعة وتجميل الأسنان

عيادة الدكتورة عريب الشايب لزراعة وتجميل الأسنان أسنانكم أفضل وابتسامتكم أجمل بإشراف الدكتورة عريب
🦷 الشايب

26/05/2026

عيد أضحى مبارك ❤️

24/05/2026

كثير ناس بفكروا إنو الحارس الليلي هو مجرد أي قطعة بتفصل بين الأسنان وبتمنع الصك… وبس.
لكن الحقيقة غير هيك تمامًا.

الحارس الليلي معمول بطريقة مدروسة وبقياسات خاصة، بحيث يوزّع القوى بشكل صحيح ويحمي الأسنان، المفصل، والعضلات.

أما إذا حطينا أي مادة سوفت أو قطعة عشوائية بين الأسنان، مش بس ما بحل المشكلة… أحيانًا بزيد نشاط العضلات والصك وبيخلي الحالة أسوأ.

مش أي شي بين الأسنان اسمه حارس ليلي… الحارس الصح هو علاج، مش مجرد فاصل

19/05/2026

الهدف من القشور هو تغيير شكل الأسنان الخارجي بدون الحاجة ل
سحب عصب
ركزو 👀
بدون سحب عصب
بدون برد كامل للأسنان
فقط جزء بسيط جدا من السطح الخارجي
القشور مش تلابيس
وما بتشبهها وبتختلف طريقة الشغل كللليا بينهم

17/05/2026

أحيانًا المراجع بكون مركز بكل التفاصيل الجمالية للتلبيسات:
اللون، الشكل، الطول
وممكن يقرر يغيّر تلبيسته بس لأنو الشكل “مش عاجبه "

لكن الحقيقة الأهم واللي كثير ناس ما بتنتبهلها:

▫️هل السن نفسه سليم؟
▫️هل في تسريب تحت التلبيسة؟
▫️هل في التهاب تحت جذر السن ؟

لأنو أحيانًا يكون تحتها مشاكل كبيرة:
التهابات لثة، تسوس، أو حتى ذوبان عظم بسبب تلبيسة غير دقيقة

15/05/2026

الزرعات حل رائع… لكن السن الطبيعي إذا حافظنا عليه ف هو الأفضل دائمًا

29/04/2026

مش كل مشكلة بالزرعات سببها الزرعة نفسها…
أحيانًا الخلل بيكون بالتركيبات فوقها 👇

الزرعات اللي بتعتمد على تلبيسات غير محكمة أو تصميم سيء ممكن تسبب مشاكل أكبر مع الوقت.
إذا لاحظتوا:
▪️ سقوط متكرر للتلبيسة
▪️ أو رائحة كريهة حوالينها

فهاي مش أشياء عابرة… غالبًا في تسريب تحت التلبيسة، وهاد بيسمح للبكتيريا تتجمع ويبدأ التهاب حول الزرعة 👎

ومع الإهمال، ممكن نوصل لمرحلة ذوبان بالعظم وخسارة الزرعة نفسها.

✔️ التركيبة الصح مش بس شكل… هي عامل أساسي لنجاح الزرعة واستمراريتها.

دائمًا انتبهوا للتفاصيل الصغيرة… لأنها اللي بتحمي النتيجة الكبيرة

23/04/2026

ما تستهينو باي تفصيل بخص علاجات العصب لانو فشل العلاج مش اشي سهل أبدا
العزل الصح والتعقيم الصح كلها تفاصيل صغيرة بس الفرق كبير بالنتيجة النهائية

20/04/2026

يمكن يكون هذا الكلام صادم للناس اللي بتقرأه
صدقو أو لا تصدقو مرات احنا دكاترة الأسنان بنشوف انو المراجعين عندهم ميزة انهم قادرين ايمتى ما بدهم يروحو يعالجو أسنانهم ويتابعو وعند الدكتور اللي بدهم اياه ،، ومرات هاي الميزة ما بتكون عنا احنا دكاترة الأسنان وهذا باكد المثل اللي بقول
"باب النجار مالوووو 🧐

19/04/2026

اسوأ كابوس ممكن يصير في حياة الإنسان انو فجأة يلاقي أسنانه صارت تتحرك وبدها توقع وما فيها اي نوع من التسوس
ويكون السبب اكفي هاي المشكلة الإهمال وعدم التنظيف

11/04/2026

“واضح إنو المنافسة صارت مش بس بين دكاترة الأسنان…
حتى مع الخوارزميات 😂

بس بالنهاية، الشغل الصح دايمًا إلو ناسه 👌
قشور خزفية بتفاصيل بتفرق من أول نظرة

06/04/2026

في حقيقة كتير ناس ما بتنتبهلها 👇
أغلب مشاكل الأسنان ما بتبدأ من الأماكن اللي بنشوفها بشكل مباشر…
بتبدأ بين الأسنان 👀

المكان اللي الفرشاية ما بتوصله ❌
والمكان الوحيد اللي بنضفه صح هو الخيط الطبي ✔️

بقايا الأكل بتظل عالقة، البكتيريا بتتجمع، وبيبدأ تسوس صغير جداً…
لا في ألم، ولا في إشي واضح
فهون احنا بنطنش 😎

بعدها التسوس بيكبر، بيوصل للعصب 🦷
بنضطر نعمل علاج عصب، ويمكن تاج
وأحياناً إذا السن تدمر… منوصل لخلع وزراعة 😔

والمفاجأة؟
كل هاد السيناريو ممكن نمنعه بعادة يومية بسيطة
خيط طبي مرتين باليوم ⏱️

لو وعي الناس لاستخدام الخيط كان مثل ما لازم…
صدقاً، شغل أطباء الأسنان كان رح يقل بشكل كبير 👀

بس الحقيقة؟
إحنا لسا بنشوف نفس المشاكل كل يوم…
لأنو الخيط لسا مش ضمن الروتين اليومي لكثير ناس

الخلاصة:
الفرشاية لحالها ما بتكفي
الخيط مش رفاهية… هو أساس 🦷

يا بتستخدم الخيط… يا بتضلك رايح جاي علينا 🤝

Address

شارع البلدة القديمة/عمارة الخاروف ٣-خلف بنك القدس
Tulkarm

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Telephone

+972599221454

Website

Alerts

Be the first to know and let us send you an email when عيادة الدكتورة عريب الشايب لزراعة وتجميل الأسنان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category