07/10/2026
الجير هو عبارة عن طبقة قاسية بتتكوّن على الأسنان من بقايا الأكل والبكتيريا، وبيبدأ أول اشي كطبقة لزجة اسمها “البلاك”، وإذا ما نظّفنا أسنانا منيح، هاي الطبقة بتتحجّر وبتصير جير.
المشكلة إنو الجير ما بنقدر نشيله بفرشاية الأسنان العادية، ولازم دكتور الأسنان يشيله. ولما يضل الجير متراكم، بيعمل التهابات باللثة، واللثة بصير يصير فيها تراجع يعني تنزل لتحت شوي شوي. وهذا بيسبب فراغات بين الأسنان واللثة، وبهالفراغات بتتجمع بكتيريا أكتر، وبتزيد الالتهابات.
ومع الوقت، الالتهاب ممكن يوصل للعظم اللي ماسك الأسنان، ولما العظم يضعف أو يروح، الأسنان بتصير تهتز، وفي حالات كتيرة بتوقع لأن ما عاد في شي ماسكها منيح.
يعني باختصار:
تراكم الجير → التهاب لثة → تراجع لثة → ضعف العظم → فقدان الأسنان.
عشان هيك تنظيف الأسنان اليومي والزيارة الدورية لطبيب الأسنان كتير مهمين.
