Dr. M ILyas Baloch

03/02/2026

صرف اک دانت نکالنے کے بعد آپ کے منہ میں کیا کیا تبدیلیاں آ سکتی ہیں

سب سے جہاں سے دانت نکالا جاتا ہے تو اس خالی جگہ کو پر کرنے کےلئے ساتھ والے دانت اس طرف حرکت کرتے ہیں جسے ڈرفٹنگ موومنٹ کہاجاتا ہے جس سے ساتھ والے دانت کمزور ہوجاتے ہیں

بالکل اسی طرح اس دانت کا مخالف دانت بھی اس جگہ کی طرف موو کرتا ہے جسے سپرا ایرپشن کہا جاتا ہے

ہمارے دانت قدرتی طور پر اک سنگل یونٹ کی طرح کام کرتے ہیں اس لیے اک دانت نکلنے سے سارے دانتوں کے چبانے کی خاصیت متاثر ہوتی ہے

جہاں سے دانت نکالا جاتا ہے وہاں پہ جبڑے کی ہڈی کمزور ہونا شروع ہو جاتا ہے اور کچھ عرصہ بعد وہاں سے چہرا اندر کی طرف دب جاتاہے اور چہرے پہ جھریاں نمودار ہونا شروع ہوجاتے ہیں

Dr Muhammad Ilyas Baloch
Dental Surgeon and oral physician

30/01/2026

🦷✨ "دانتوں کا علاج مہنگا نہیں… لاپرواہی مہنگی ہے!"

ہم اکثر دانتوں کے معمولی درد یا کیویٹی کو نظر انداز کر دیتے ہیں،
مگر یاد رکھیے
یہی چھوٹی لاپرواہی آگے چل کر روٹ کینال، کراؤن یا دانت نکالنے کی شکل اختیار کر لیتی ہے۔

ابتدائی علاج ہمیشہ آسان، تیز اور کم خرچ ہوتا ہے!
دیر صرف درد، خرچ اور پیچیدگی بڑھاتی ہے!

باقاعدہ ڈینٹل چیک اپ کیوں ضروری ہے
✅ دانتوں کی صفائی (Scaling & Polishing)
✅ فلورائیڈ ٹریٹمنٹ سے مضبوط دانت
✅ کیویٹی اور مسوڑھوں کے مسائل کی جلد تشخیص
✅ صحت مند مسکراہٹ اور تازگی برقرار رکھنے میں مدد

03/06/2022

عطائی اور ڈاکٹر۔
ابھی ایک بندہ مجھ سے ملا، منہ پہ ماسک رکھے، ہاتھ میں x.rays لیے درد سے نڈھال حالت میں کہنے لگے ڈاکٹر صاحب دس دن پھلے دانت نکلوانے ایک ڈاکٹر کے پاس گیا،دانت نکلوانے کے بعد شدید درد ھورھا ھے ۔کچھ کھا نہیں سکتا۔آندھر دیکھا دانت کا زخم اچھا خاصا بھر چکا تھا۔جیسے ہی میں نے X.rays دیکھے اس کا نیچے والا جبڑا بدترین ٹھوٹ چکا تھا۔
اس ڈاکٹر کے بارے میں پوچھنے پھر اس نے ایک پرچی نکالی جو ایک عطائی کی تھی۔ جب میں نے پورا معائینہ کیا تو اس کے جبڑا کے احساسات لے جانے والا رگ بھی damage هو چکا تھا۔
یہ رگ اور جبڑا دوبارہ بنانے کے لئے اس بندے کے علاج پر لاکھوں روپے خرچ ہونگے، مہینوں پرہیز اور ہسپتال آنا جانا ھوگا، لیکن ایک دانت کے نکالنے کے لیے وہ مستند ڈاکٹر کے پاس نہیں جاتا۔
ہمارے عوام میں کب شعور پیدا ہوگی؟؟۔
ہمارا ملک کے لوگ کب تک ذلیل ہونگے؟؟؟
حکومت نے کئی ادارے بنائے، لیکن میڈیکل کے شعبے میں عوام کو شفافیت نہیں دے پاسکے۔سالوں سے عطائیوں کے ہاتھوں ہمارے عوام تکلیف میں مبتلا، ہزاروں جانیں بھی چلے گئے لیکن سسٹم وہی کہ وہی۔
Copied

29/05/2022

I'm created to create beautiful smiles.
Dentistry is an art.

07/01/2021

منہ کے چھالے ، وجوہات اور علاج

منہ میں چھالے ہونا عام بات ہے۔ یہ چھالے بہت تکلیف دہ ثا بت ہوتے ہیں۔ خاص طور پر جب ہم کھاتے پیتے ہیں۔تو ہر چیز ان چھالوں پر لگتی ہے اور تکلیف محسوس ہوتی ہے۔۔

یہ چھالے عام طور پر سفید رنگ کے ہوتے ہیں اور ان کے گرد سرخ رنگ کی لکیر ہوتی ہے۔ ذیادہ تر یہ منہ کے اندر گالوں پر، ہونٹوں پر اور زبان کے نیچے ہوتے ہیں۔ منہ کے چھالے اکثر خطرناک نہیں ہوتے اور 8 سے 10 دن میں ختم ہو جاتے ہیں۔ لیکن اگر یہ دو ہفتوں تک ختم نہ ہوں تو بروقت تشخیص کروانا ضروری ہے۔۔

وجوہات:

منہ میں چھالے ہونے کی کئی وجوہات ہو سکتی ہیں۔
1- ذہنی دباؤ یا پریشانی anxiety
2- زیادہ گرم چائے پینا /کھانا
3-ہارمونز کی تبدیلی
4-معدہ کی بہت زیادہ تیزابیت
5-بولتے ہوئے یا کھاتے ہوئے اندرونی گال یا زبان کا دانتوں میں آجانا۔ trauma
6_وٹامن بی کمپلیکس، وٹامن سی یا آئرن کی کمی
7-انفیکشن

منہ کے چھالوں کے بر وقت علاج کے لیے کسی بھی رجسٹرڈ ڈینٹل سرجن سے فوری طور پر چیک اپ کرایں۔۔

07/11/2020

Topic : Oral Submucosal Fibrosis
منہ کے پٹھوں کا اکڑ جانا

علامات :
اس بیماری میں مبتلا مریض منہ کا کم کھلنا ،کھانا چبانے میں مشکل ، منہ کم کھلنے کی وجہ سے کھانا منہ میں ڈالنے میں تنگی ، منہ میں جلن جیسی علامات کا شکار ہوتے ہیں ۔
یہ علامات بغیر درد کے یا درد کے ساتھ ظاہر ہوتی ہیں ایسے مریض زیادہ تر صحت مند ہی ہوتے ہیں

وجوہات:
اس بیماری کی وجہ منہ میں چھالیا ، پان ، تمباکو کا کئی سالوں سے منہ میں رکھنے کی عادت ہے

منہ کا معائنہ کرنے پر ایسے مریضوں کے گال کے اندرونی جانب سفید رنگ کی سخت لائنیں نظر اتی ہیں دانتوں پر تمباکو پان وغیرہ کے نشان نظر اتے ہیں زبان کی حرکت میں کمی ہوتی ہے نارمل لوگوں کا منہ 30mm- 40mm تک کھلتا ہے لیکن ان مریضوں کا منہ 25mm یا اس سےکم تک کھلتا ہے

منہ کے کینسر کے امکانات ایسے مریضوں میں زیادہ ہوتے ہیں

دانتوں کا ڈاکٹر انہیں فوری طور پر تمباکو،چھالیا ،پان کو چبانے کی عادت ترک کرنے کا مشورہ دیتے ہیں اور منہ کھولنے والیexcercise بتاتے ہیں منہ بلکل نہ کھلنے کی صورت میں سرجری بھی کرنی پڑھتی ہے ۔
dental health awareness

21/10/2020

بہت سے لوگ دانتوں پر ایسے نشانات کے بارے میں پریشان ہوتے ہیں اور سمجھتے ہیں کہ شاید انکے سب دانتوں میں کیڑا لگ گیا ہے اور سب دانت خراب ہو گئے ہیں حالانکہ ایسا نہیں ہے جیسے ہی آپ دانتوں پر اس طرح کے نشانات بننا نوٹ کریں تو فوری طور پر قریبی ڈینٹسٹ سے رجوع کریں ڈینٹسٹ مشین سے ان نشانات کو اتار دیتے ہیں اس طریقہ کو سکیلنگ اور پولشنگ کہتے ہیں اور اس عمل کے دوران دانتوں میں درد نہیں ہوتا اور نہ ہی اس کا کوئی نقصان ہے اور جو لوگ یہ پوچھتے ہیں کہ یہ دوبارہ اس عمل کے بعد بن جاتے ہیں تو یہ بات ذہن میں رکھیں کہ نہ برش باقاعدگی سے دو بار کرنے کی صورت میں کھانا دانتوں پر جمتا رہے گا اور یہ نشانات بنتے رھیں گے ایسے نشانات بچوں کے دانتوں پر بھی ہو جاتے ہیں بنیادی وجہ دانتوں کی باقاعدگی سے صفائی نہ کرنا ہے

سکیلنگ کے بعد بھی ضروری ہے کہ دانتوں کی صفائی کا خیال رکھا جائے کھانے کے فورا بعد کلی کریں دانتوں کا خلال کریں متناسب غذا استعمال کریں ۔ تمباکو نوشی سے پرہیز کریں ۔

22/09/2020

Oral Cancer And Smoker's Teeth
اورل کینسر سے مراد منہ کا سرطان ہے اور منہ کے
کینسر کی بہت اہم وجہ ریسرچ کے مطابق سگریٹ نوشی ہے ایک اندازے کے مطابق 80% لوگ جو منہ کے کینسر کا شکار ہوئے وہ سموکر (Smoker)تھےاور ان میں جو صحت یاب ہوئےاوران میں جنہوں نے سگریٹ پینا جاری رکھا ان میں 30% میں دوبارہ منہ کا سرطان ہوا۔
تمباکو الکوحل چھالیا وغیرہ بھی کینسر کی بنیادی وجوہات ثابت ہو رہے ہیں تمباکو کا دھواں کینسر پیدا کرنے والے مواد جن میں Nitrosamines,Aromatic Hydrocarbons وغیرہ شامل ہیں پر مشتمل ہوتا ہے
ان سب نشہ آور چیزوں کے تادیر استعمال سے لوگ منہ کے کینسر میں مبتلا ہورہے ہیں اسکے علاوہ ایسے لوگوں کے مسوڑھے بھی کمزور ہوتے ہیں دانت ایسے مریضوں کے جلد گرتے ہیں منہ اور دانتوں کے مسائل کے علاوہ جسم کے باقی اعضاء بھی متاثر ہوتے ہیں
ایسے مریض جو زیادہ عرصہ پان یا چھالیہ یا تمباکو کی کوئی بھی قسم سگریٹ وغیرہ استعمال کرتے ہیں انکے دانتوں پر بھورے یا کالے رنگ کے پکے نشانات پڑھ جاتے ہیں جو برش کرنے سے بھی نہیں جاتے اور زبان پر بھی اکثر ایسے لوگوں کے نشان ہوتے ہیں اور مسوڑھے بھی کمزور ہوتے ہیں ڈینٹسٹ دانتوں کے یہ نشان مشین سے صاف کردیتے ہیں جو دوبارہ سگریٹ نوشی جاری رکھنے کی صورت میں دوبارہ بن جاتے ہیں ان سب نقصانات کومدنظر رکھتے ہوئے بطور ڈینٹسٹ یہ مشورہ دیتے ہیں کہ سگریٹ نوشی اور تمباکو پر مشتمل دوسری نشہ آور چیزوں کے استعمال سے بچیں

10/09/2020

Thumb Sucking Habit

"بچوں میں انگوٹھا چوسنے کی عادت"

اکثر بچے انگوٹھا چوستے ہیں۔ اگر ڈھائی سے تین سال کے بچوں میں یہ عادت پائی جائے تو پریشانی والی بات نہیں ہے. لیکن اگر تین سال سے زیادہ عمر کے بچے اس عادت کا شکار ہوں تو یہ نارمل نہیں ہے. اور بچوں کے دانتوں پر برے اثرات مرتب ہو سکتے ہیں مثلاً :

*منہ میں انگوٹھا رکھنے کی وجہ سے زبان چونکہ نیچے کی طرف دبتی ہے تو اوپر کا جبڑا تنگ ہو جاتاہے. اسکی وجہ سے دانتوں میں خلا آ جاتا ہے.
*ساتھ ہی ساتھ اوپر کے دانت باہر کی طرف نکلے ہوتے ہیں،اور نچلے دانت اندر کی جانب جھکے ہوتے ہیں.
*پیچھے کی اوپری داڑھیں نچلی داڑھوں کے اندرونی جانب ہوتی ہیں جبکہ نارمل طور پر اوپری داڑھیں باہر کو جبکہ نچلی داڑھیں اندر کی طرف ہوتی ہیں.

علاج:

والدین کو. چاہیے کہ اگر بچہ اس عادت میں مبتلا ہو تو فوری طور پر اس کی توجہ کھلونوں کی جانب لگائیں.
سوتے ہوئے بچے کے منہ سے احتیاط سے انگوٹھا منہ سے نکال دیں.
بچے کی پیار سے رہنمائی کریں کہ انگوٹھے پر جراثیم ہوتے ہیں اسلیے اسے منہ میں نہیں ڈالتے.
انگوٹھا چوسنے کی عادت کو پیار سے ختم کرنے کی کوشش کریں، ڈانٹ سے بالکل بھی کام نہ لیں کیونکہ کہا جاتا ہے کہ کچھ بچے پریشانی میں بھی انگوٹھا چوستے ہیں.
اگر بچے کی اس عادت پر قابو پانا مشکل ہو رہا ہو تو ڈینٹسٹ سے رجوع کریں. وہ بچے کو habit breaker بنا کر دیتے ہیں جس سے چند ماہ منہ میں ڈینٹسٹ کے ایڈجسٹ کرکے رکھنے سے اس عادت سے چھٹکارا حاصل کیا جا سکتا ہے.
کچھ بچوں کے انگوٹھوں پر thumb guard بھی لگایا جاتا ہے.
یہ بچے کے انگوٹھے ہر آسانی سے ایڈجسٹ ہو جاتا ہے اور جب بچہ منہ میں انگوٹھا ڈالنے لگتا ہے تو اس کی توجہ اس کیطرف ہو جاتی ہے.
یہ علاج تین مہینے تک کیا جاتا ہے.

18/08/2020

16/08/2020

For information and awerness




مسوڑوں سے خون یا پیپ کا آنا
جیسے ھی آپ اس طرح کے نشانات دانتوں کے کسی بھی حصّے چاہے زبان کی طرف کی دانتوں کیجانب ھی کیوں نہ ہوں تو ایسی صورت حال میں فورن ڈینٹسٹ سے رجوع کریں ایسے مریض زیادہ تر مسوڑوں میں سوزش جنجناہٹ درد منہ سے بدبو برش کرتے ہوئے مسوڑوں سے خون جیسی علامات کا شکار ہوتے ہیں یہ نشانات بہت سی وجوہات کی وجھہ سے ہو سکتے ہیں جن میں سے ایک دانتوں کی سہی برش ٹیکنیک کا نہ پتا ہونا ہے جب بھی برش کریں تو دانتوں کی زبان کی طرف والی سطح پر اور تالو کی جانب والی دانتوں کی سطح پر بھی برش کریں تا کہ اس جگہ کھانا جمع نہ ہو سکے اور ماس خورا سے بچا جا سکے لیکن اگر کسی کو یہ علامات ہوں اور ا یسے نشانات بھی ہوں جو پیلے سے رنگ کے ہوں اور برش کرنے پر بھی نہیں اترتے ہوں تو ڈینٹسٹ سے فوری طور پر رجوع کیا جاے ڈینٹسٹ مشین ک ذریعہ ان نشانا ت کو اتار دیتے ہیں اور اس procedure کو scaling کہتے ہیں اور اس کے نقصانات اس صورت میں بلکل بھی نہیں ہیں بلکہ نہ scaling سے اتروانے کی صورت میں ا یسے دانت کے مسوڑے اپنی جگہ چھوڑ دیتے ہیں اور دانت بھی ہلنے لگتے ہیں