27/01/2026
π‘ πππ πππ πππ ππππ | πππππππππππ πππππππππππ
Ang barangay ang nagsisilbing unang takbuhan sa pag-aayos ng ilang uri ng alitan sa komunidad. Alinsunod sa batas, may itinatag na proseso upang bigyang-daan ang mapayapa at maayos na pagkakasundo ng mga panig. Ang prosesong ito ay isinasagawa sa ilalim ng Katarungang Pambarangay, na nakapaloob sa Republic Act No. 7160 o ang Local Government Code of 1991.
π. ππππππππ ππ πππππππ. Ang sinumang may reklamo laban sa kapwa niya indibidwal, kung sakop ng Katarungang Pambarangay, ay maaaring maghain ng reklamoβpasalita o pasulatβsa Punong Barangay, bilang Tagapangulo ng Lupon ng Tagapamayapa.
π. ππππππππ ππππ ππ πππππππππ. Sa loob ng susunod na araw ng trabaho mula nang matanggap ang reklamo, ipapatawag ng Punong Barangay ang nagrereklamo at inirereklamo, kasama ang kanilang mga saksi, para sa pagkakasundo o mediation.
π. ππππππππ ππ πππππππ. Kung hindi magtagumpay ang pagkakasundo sa loob ng 15 araw mula sa unang pagharap ng mga panig, magtatakda ang Punong Barangay ng petsa para sa pagbuo ng Pangkat ng Tagapagsundo.
π. ππππππππ ππ πππππππ ππ ππππππππππππ. Ang Pangkat ay magpupulong sa loob ng 3 araw mula sa pagkakabuo nito upang pakinggan ang magkabilang panig at ang kanilang mga saksi, at hanapan ng paraan ang maayos na pagkakasundo.
π. πππππππ ππππ ππ ππππππππππππ. Binibigyan ang Pangkat ng 15 araw mula sa unang pagdinig upang magkasundo ang magkabilang panig. Kung kinakailangan, maaari itong dagdagan ng hanggang 15 araw kung may sapat na dahilan upang pahabain ang pagdinig.
π. ππππππππ ππππππππππ. Ang lahat ng amicable settlement ay dapat nakasulat, gamit ang wikang nauunawaan ng mga panig, nilagdaan ng mga ito, at pinagtibay ng Punong Barangay o ng Tagapangulo ng Pangkat ng Tagapagsundo, kung alin ang naaangkop.
Sama-sama nating itataguyod ang mapayapang pag-aayos ng alitan sa barangay, bilang hakbang tungo sa mas matatag at nagkakaisang komunidad.
