27/02/2026
🌐Эрхэм оюутан, судлаач та бүхэнд,
АШУҮИС-ийн оюутнуудын эрдэм шинжилгээ, судалгааны ажил хийх чадавхыг дээшлүүлэх, судалгааны сэдэл тэмүүллийг нэмэгдүүлэх, багш, оюутны хамтын ажиллагааг бэхжүүлэх зорилгоор жил бүр уламжлал болгон зохион байгуулдаг “СУДЛААЧ ОЮУТАН 2026” олон улсын оюутны эрдэм шинжилгээний хурал зохион байгуулагдах гэж байна.
Тус хурал нь дараах хоёр үе шаттайгаар явагдана. Үүнд:
Салбар хуралдаан:
2026 оны 03 дугаар сарын 11
Нэгдсэн хуралдаан:
2026 оны 03 дугаар сарын 20
Илтгэлийн хураангуй хүлээн авах эцсийн хугацаа:
2026 оны 03 дугаар сарын 02-ны өдрийн 17:00 цаг хүртэл
Илтгэлийн хураангуй илгээх цахим хаяг:
[email protected]
Илтгэлийн хураангуйн бичиглэлийн шаардлага
Нэг. Ерөнхий шаардлага
Хураангуйг А4 хэмжээтэй цаасан дээр, цаасны бүх талаас 2 см зайтайгаар бичнэ.
Arial фонтоор, мөр хоорондын зай Single, 4 талаас тэгш (Justify) байна.
Монгол болон англи хэл дээр тус бүр нэг нүүрэнд, 500 үгэнд багтаан бичнэ.
Хоёр. Илтгэлийн хураангуйн бүтэц
БҮТЭЭЛИЙН СЭДЭВ – Arial 12, Bold, том үсгээр бичнэ.
Судлаачдын нэрс, харьяалал – Илтгэлийн нэрийн баруун доор Arial 10, Italic горимоор бичиж, үндсэн судлаачийн и-мэйл хаяг, утасны дугаарыг заавал тусгана.
Үндэслэл – 1–2 өгүүлбэрт багтаан бичнэ.
Судалгааны зорилго, зорилт
Судалгааны материал, арга зүй
Үр дүн – Хүснэгт, зураг оруулахгүй.
Дүгнэлт – 1–2 өгүүлбэрт багтаан бичнэ.
Түлхүүр үгс – Судалгааны агуулгыг илэрхийлэх 5 хүртэл үг байна.
Оюутан, судлаач та бүхнийг идэвхтэй оролцож, судалгааны ажлаа олон улсын түвшинд танилцуулан, эрдэм шинжилгээний хамтын ажиллагаагаа өргөжүүлэхийг урьж байна.
Хүндэтгэсэн,
Зохион байгуулах хороо
“СУДЛААЧ ОЮУТАН 2026” Олон улсын оюутны эрдэм шинжилгээний хурал
