20/03/2020
Почитувани,
Поради моменталната состојба со корона вирусот, по препорака на Стоматолошката комора, во интерес на личното и колективното здравје и одговорност,
ПЗУ „Д-р Дарко Георгиевски“ Ве известува дека
во нашата ординација ќе се примаат само итни, однапред закажани пациенти по телефон.
Најљубезно ги замолуваме сите пациенти и со најмали симптоми на настинка и грип, покачена температура, кашлица и проблеми со дишењето, како и пациентите кои патувале или престојувале во странство, како и лицата кај кои постои и најмала можност за контакт со лица заболени со вирусот, да НЕ ја посетуваат ординацијата, туку да не' контактираат на 070 312 437 за да се консултираат, да добијат совет или да го презакажат својот термин.
Пациентите кои ќе ја посетат ординацијата со претходен договор, веднаш по влегување во ординацијата, да ги измијат рацете во тоалет, триејќи со вода и сапун минимум 20 секунди. По миењето, да ги дезинфицираат рацете со дезинфициенсот кој е поставен во ординацијата.
Посетата да биде без придружба.
Непотребно да НЕ се допираат површини во ординацијата.
Исто така, според препораките, на секој пациент мора да му биде измерена температура со бесконтактен топломер пред да се врши каква било интервенција.
Ве молиме почитувајте ги дадените инструкции и постапувајте совесно, се' со цел, заемно да се заштитиме од понатамошно ширење на вирусот.
Да бидеме сите внимателни, одговорни, несебични и што побезболно да ја надминеме оваа опасна состојба.
Со почит,
ПЗУ „Д-р Дарко Георгиевски“
