09/02/2025
Добар ден, почитувани!
Подолго време не сме споделувале наши случаи, еве еден од последните и ветуваме дека ќе продолжиме да го правиме тоа во иднина почесто🙂
Ова е еден протетски случај, каде што е корегирана намалената вертикална димензија на меѓувиличните односи, преку надоградување на абразираните делови од горните заби со поединечни коронки од цирконија, а со тоа се затворени тремите и дијастемата помеѓу забите.Се разбира со тоа е подобрена и естетиката , а сигурен доказ за тоа е задоволството на пациентката кое е лесно забележливо по нејзината насмевка, која не ја симна од лицето додека беше присутна кај нас, а со неа и ја испративме🙂
Последниве години ваквите случаи ги изработуваме потполно дигитално, почнувајќи од земањето дигитален отпечаток од самите заби и вилиците со помош на интраорален скенер, избегнувајќи ги непријатните класични отпечатоци со лажици, а потоа дигитален дизајн и изработка на самите надоместоци користејќи најсовремена cad-cam технологија.
Секојдневно ја подигнуваме нашата грижа за вашето орално здравје на највисоко ниво, следејќи ги светските трендови во стоматологијата, ви овозможуваме високо-технолошки изработки, тука до вас.Одењето на стоматолог денес е побезболно, посигурно, поинтересно, а самите изработки попрецизни, поестетски, со подобра прогноза.Грижете се за вашите заби и посетувајте редовно стоматолог.
Ви благодариме на довербата на сите вас со кои се знаеме и на оние со кои ќе се запознаваме во иднина, добредојдени сте🙂
Пријатен ден!
