01/10/2016
السلام عليكم , اليوم.جبنا.موضوع جديد ومختلف ولي كيتكلم على بكتيريا الهيليكوباكتربيلوري المعروفه طبيا ب HP
هيليكوبكتير بيلوري او البكتيريا الحلزونيه او الجرثومه المعديه لي كتكون صديقه في الهواء ولي .. هي واحد البكتيريا موجوده بكثره فيالجهاز الهضمي وكتنمو على المخاطه المعديه وفي الاثني عشر ولي كتسبب في تقرحات كثيره وخطيره للمعده والاثني عشر هاد الجرثومه المعدية ماكيقضيش فيها العصاره الحمضيه لانها مطوره مزيان التركيبه تاعها وكتبقى تاكل من المخاطه الهضميه حتى تعمل لك.تقرحات وفاش كتقيس العصاره الهضميه هاد الجروح كيتولد واحد الالم كبير لي مايقدرش المريض يتحملو....
هاد البكتيريا كتبقى صامته وماتدير لك حتى اعراض وكين لي كيحس بالانتفاخ قصوحه في البطن او الالام قوية او انقباضات..... وباش يتم الكشف عنها كيخص المريض يدير فيبروسكوبي او ناظور للمعده لي هو عباره انبوب مكون من le fibre optique مربوط.مع كاميره ومنبع ضوء فيه ثقوب لي من خلالها كندخلو واحد المقص رقيق وناخدو عينات من جدار المعده والاثني عشر ونديوهم.للمختبر نحللوهم... فاش كتبان النتيجه كيعطيك واش كين هاد الباكتيريا او لا .... وفي حال وجودها فان الطبيب كيبدا يعطيك ثلاث مضادات حيويه (مضاد البكتيريا) لمده 15 يوم وكتعاود التحاليل اذا مازالت كيعاود يعطيك 15 يوم.اخرى حتى تندثر هاد البكتيريا
هاد البكتيريا موجوده بكثره في الدول الناميه وفي الاوساط الفقيره او المتسخه وفي المستشفيات ومنتشره بصوره كثيره لدى الاطفال كتعرف نذره في الدول المتقدمة
كيمكن تواجدها في الخضر والفواكه بكثره لذلك من الضروري تنظيفها قبل استعمالها وللاشاره ان هاد البكتيريا ظلت مبهمه ومامعروفاش نهائيا بحيث الناس تعاني منها وماعارفينش السبب حتال سنه 2005 عاد عرفوها الأطباء وخرجو العلاج الثلاثي تاعها وخداو عليها جائزه نوبل
ومن هاد المنبر كنقول ليكم حافظو على نظافتكم وغسل الخضر والفواكه مزيان قبل استعمالها والاهم غسل اليدين جيدا خصوصا بعد استعمال المراحيض ..... وهادشي كلو فقط باش نحافظوا على سلامتنا وصحتنا من هاد الجرثونه الخبيثة