د / عزيزة السنوسي

04/07/2026

خطوة بخطوة نحو ابتسامة خالية من الألم.

اليوم تم إنجاز علاج حشوة عصب بدقة واهتمام، لأن راحة المريض تبدأ من علاج صحيح وعمل متقن.

الحمد لله على التوفيق، ونسأل الله الشفاء لكل مريض.

03/05/2026

06/04/2026

لو عندك ألم قوي في السن 🥲
خصوصًا ألم يزيد مع البارد أو الساخن ويستمر حتى بعد ما تبعد السبب…
ممكن يكون عندك التهاب في عصب السن وصل لمرحلة ما يبراش بروحه.

🔴 أهم الأعراض:
▪️ ألم قوي ومستمر في السن
▪️ يزيد مع البارد أو الساخن
▪️ ألم يجي فجأة حتى بدون أكل
▪️ صعوبة في النوم بسبب الألم
▪️ أحيانًا يوصل الألم للأذن أو الرأس

⚠️ شن الحل؟
في الحالة هذي، الحشوة العادية ما تكفيش، وغالبًا يحتاج السن إلى:
✔️ علاج عصب
أو
✔️ خلع السن إذا كان متضرر بشكل كبير

💡 نصيحة:
ما تأجلش زيارة طبيب الأسنان عند بداية الألم…
كل ما تتعالج بدري، تزيد فرصة إنقاذ السن وتخفيف الألم بسرعة.

🦷 صحتك تبدأ من أسنانك… لا تستهين بيها

د.عزيزة السنوسي مصحة نبض الحياة التخصصية اوباري

22/02/2026

�✨ في الشهر الفضيل… ما تنسوش أسنانكم أمانة! ✨🌙

رمضان شهر عبادة وطاعة، لكن برضو شهر أكلات وحلويات ومشروبات بين الفطور والسحور 🍰🥤
وأسنانك أكثر حاجة تتأثر لو ما اهتميناش بيها صح 👇

🔹 بعد الفطور… لازم تنظيف الأسنان بالفرشاة والمعجون، خصوصًا بعد الحلويات.

🔹 ما تكتفيش بالمضمضة بس! البلاك يتكوّن بسرعة ويسبب تسوس والتهاب لثة.

🔹 اشرب مية بكثرة بين الفطور والسحور باش نقلل جفاف الفم.

🔹 ما تنساش تنظيف اللسان واستعمال الخيط السني مرة يوميًا.

🔹 لو حاس بألم أو نزيف لثة، ما تستناش لين يكبر الموضوع وزورنا باش نعالجو الموضوع ف اسرع وقت 😌.

🌿 ريحة فم منعشة وابتسامة نظيفة تزيدك ثقة حتى وأنت صايم.
والاهتمام بصحتك جزء من أمانتك لنفسك ✨

رمضان مبارك، وابتسامتكم دايمًا منوّرة 🌙🤍🦷

14/01/2026

✨ ابتسامة بيضاء بدون برد ولا تعب✨
الحل موجود عندنا في العيادة 👌

تبييض الأسنان الليزري يعطيك أسنان أنصع وأفتح في جلسة وحدة فقط،
وبدون ألم، وبدون ما نمسّوا سنانك أو نبردوهن 👍

شن مميزاته؟
🦷 يفتح لون الأسنان بدرجات واضحة
🦷 يحافظ على السن الطبيعي (مافيش برد ولا نحت)
🦷 سريع ونتيجته تبان من أول جلسة
🦷 مناسب لمعظم الناس
🦷 تكلفة أقل من الفينير والقشور الخزفية

📌 الفرق بينه وبين الفينير؟
الفينير والقشور الخزفية يحتاجوا برد الأسنان وتركيب دائم،
أما التبييض الليزري
➡️ يحافظ على سنانك الطبيعية
➡️ إجراء بسيط وآمن
➡️ وتقدر تعاوده سنوياً

لو تبي ابتسامة بيضة وطبيعية
ومن غير تغييرات دائمة في أسنانك
💎 التبييض الليزري هو الخيار الأنسب

مصحة نبض الحياة التخصصية اوباري

23/12/2025

⸻

اليوم جتني ام وتعاني من الم اسنانها وسوء حالتهن خطرت عليا انزل بوست للامهات❤️

🤰🦷 نصيحة لكل الحوامل والموضِّعات
اهتمامك بأسنانك اليوم يجنّبك الخلع بكرة ✋

تعرفي إن القي الحمضي (الترجيع) في الحمل يحتوي على أحماض قوية
وهالأحماض تضعف مينا الأسنان وتخليها هشة وسريعة التسوس 😣
ومع الإهمال ممكن يوصل الموضوع لالتهاب شديد… وفي الأخير خلع 👎

⚠️ شن يدير القي الحمضي؟
🔹 ياكل مينا الأسنان
🔹 يسبب حساسية وألم
🔹 يسرّع التسوس
🔹 يضعف الأسنان مع الوقت

✅ شن الحل؟
✔️ بعد القي ما تغسليش سنانك مباشرة ❌
👉 اشطفي(مضمضي) فمك بمية
✔️ استني نص ساعة وبعدها اغسلي أسنانك بالمعجون
✔️ فرشي مرتين في اليوم بمعجون فيه فلورايد
✔️ نظفي لسانك
✔️ قللي سكريات ومشروبات حمضية
✔️ تابعي عند طبيبة الأسنان بانتظام (آمن في الحمل والرضاعة بإذن الله)

💡 تذكير مهم:
العلاج البسيط اليوم خير من خلع موجع غدوة🤕

🌷 حافظي على ابتسامتك… وصحة اسنانك لانها أمانة في رقبتك👶💕

21/12/2025

🦷 نصايح بعد خلع السِنّ… بالله نبيك تقراهم

1️⃣ عضّ على الشاش وخليه مكانه نص ساعة
مش كل دقيقتين تحوله وتقول: نشوف الدم وقف ولا لا 🙄

2️⃣ ماتحركش الجرح بلسانك ولا بصباعك

3️⃣ أول 24 ساعة
❌ مضمضة قوية لا
❌ شرب بشفاطة لا
❌ تدخين لا
(إي حتى سيجارة وحدة تأثر 🚬)

4️⃣ كول أكل طري وبارد شوية
وابعد على الساخن والحار 🌶️🔥

5️⃣ لو الجرح قاعد ساكت وما وجعك → أمورك تمام 👍
لكن
لو كل شوية تلعب فيه، وبعدها تقول:
“الدّم ما وقفش” 🩸
وترجع تقول:
“الدكتور شغله مش كويس” 😅

👈 لا يا سيدي، الجرح كان محتاج راحة مش فضول

📌 ولو الدم ما وقفش فعلاً رغم التزامك بالتعليمات،
ساعتها ترجع للدكتور وانت مطمّن 👩‍⚕️🧑‍⚕️

صحتك تهمنا… وجرحك مش لعبة 🙂مصحة نبض الحياة - أوباري

19/12/2025

متابعين صفحة مصحة نبض الحياة التخصصية اوباري

جمعة مباركة عليكم بالخير ان شاءالله
بما أن في جمعة بيضه احنا حندرورلكم جمعة بيضة ولكن بمسابقة 🏃🏼‍♀️🏃🏼‍♀️🏃🏼‍♀️

علشان صحتكم تهمنا 💙
شارك معانا وتقدر تربح 🦷✨

⸻

🎁 الجائزة:

🌱 كشف مجاني
🦷 تنظيف لثة مجاني
🔬تحليل مجاني

بأحدث الأجهزة وتعقيم عالي 👌

⸻

📌 طريقة الاشتراك:

1️⃣ دير لايك للصفحة 👍
2️⃣ دير لايك للمنشور ❤️
3️⃣ اكتب تعليق و لايك لـ أكبر عدد من أصحابك 👥
4️⃣ خليهّم يديروا لايك على تعليقك بأضافة الي تعليق و ومتابعة لـ صفحة 🌱🤍

🏆 الفائز هو صاحب اللي يوافق الشروط

⸻

⏰ مدة المسابقة:

📆 لعند بكرا ظهرا
📢 إعلان الفائز يوم السبت على ساعة 5:00

لكم كل توفيق 🤍

14/12/2025