الدكتورة إلهام العزابي -أسنان اطفال

14/08/2026

الامهات الي تسئل فيا شن هو الفيشر سيلنت😉☺️

08/08/2026

31/07/2026

عادة التنفس من الفم ليها هلبه اضرار
من اهمها الي تخصنا كااطباء اسنان
انها تسبب في مشاكل في اللثة ويبدا عندك التهاب لثة مزمن انتفاخ ونزيف ويترتب عليه ذوبان عظم وحركة اسنان وخسارتها
بالاضافة الي فرصه التسوس العاليه
وهدا طبعا للكبار والصغار
السبب انك تتنفس من فمك طول الوقت فانسبة اللعاب منعدمة وبالتالي حيصير جفاف في الفم
وياااعيني ويافرحة البكتيريا بيئتها المفضلة وتبدا تهاجم في الاسنان والانسجة المحيطه بيها
وتسببلك التهابات لثة تسوس اسنان ورائحة فم مزعجة
العادة هدي لازم لازم تتعالج لصغار والكبار

لاي استفسار تواصلو معاي
على الواتس 0913945807
او خاص الصفحة

22/07/2026

العادة هدي إجباري التخلص منها قبل مايبدا وليدك او بنتك في تبديل الاسنان
يعني قبل السته سنوات
علااااااااااش🤔🤔🤔
لان اي مشكله من تغير في ترتيب الاسنان او شكل الفك او او او بعد السته سنوات حتاخد وقت اطول
🥺🥺

من الاربعه سنوات خلااااااص لازم ندخل 🏃‍♀️🏃‍♀️
ضروري واجباري وحتماً ولابد

والموضوع سهل وبسيط ✌️✌️
والاكيد افضل من التقويم وعذابه

كل شي في عمر اصغر حله اسهل واسرع واقل تكلفة
☺️😉
Dr.Elham 👶🏻

20/07/2026

عندكم علم السواد الي تحت عيون صغاركم
مرات سببه مش حاجة جلديه لالا لا
سببه طريقة تنفس وليدك ولا بنيتك🥺

لما ولدك ولا بنتك يسيب خشمه
ويتنفس من فمه
ياما لانه تعود يتنفس من فمه وهدي
( عادة سيئة )
او نتيجة انسداد او ضعف في تتفس الانفي هدا بيسبب احتقان أو تجمع الدم الوريدي (Venous Pooling) في الأوردة الدقيقة الي تحت العينين
فاتعود برضو يتنفس من فمه
والعادة هدي
تأثر حتى على جودة النوم، ونمو الوجه والفكين،
وشكل الاسنان والوجه والصحة العامة، وحتى في مظهر العينين وفمه ديما مفتوح واسنانه بارزة
المهم عرررررس عرس

لذالك يامهمهاتنا علاج السبب هو الخطوة الأهم للحفاظ على صحة الطفل ونموه بشكل سليم

باش نوقفو العادة السيئة جدا جدا هدي

زيارة لدكتور اسنان اطفال شي ضروري😎😎
نتاكدو من ان مجرى التنفس كويس
يركب حاجة اسمها Habit breaker
باش وليدك يسيب فمه ويركز مع خشمه
ويبطل العادة هدي الي مع الوقت حتسببله مشاكل دائمة 🥺🥺

على الواتس نرد على كل الاستفسارات
😉✌️

16/07/2026

الناس الي تسئل فيا شن هي مادة
🌷( الفيشر سيلنت Fissure sealant )🌷
هدي من اهم الاسلحة عندي
في عيادتي✌️💪
هي مادة وقائية تنحط بالشكل الي في الصورة
بحيت تعبي الشقوق الي في الاسنان
تقلل من احتماليه تسوس الاسنان الخلفية
لان المكان حيكون
اولا سهل التنظيف
تانيا مافيش وين تحصل بقايا الماكلة والبكتيريا

هكي نحافظو على سنونا من التسوس
ونحاربو البكتيريا وراسنا وراسها وشكون يغلب😅😅

لاي سؤال او استفسار
Welcome

07/07/2026

هلبه يقولولي من امتى نبدو في الفلورايد ومن امتى نجيبو صغارنا كاكشف روتيني
الاجابة
من اول سنينة تطلع 😉
يعني من عمر سته شهور
يفضل البدء في زيارة طبيب الاطفال
اولا تطمنو على نمو الفك والاسنان
تانيا تحمو السنينات من التسوس 🙈
تالتا تبدا زيارة طبيب الاسنان مش شي يخوف لانه حيتعود على شوفتنا وطلتنا البهية 😅☺️
وهو سنيناته كويسات فابتالي لا حيسوس ولا حيتالم
فامش حنكونو مصدر خوف

هلبه حيقولو هدي شن تقول بالله🥴🥴🥴

هدا الي ناقص
بس حتعرفو قيمة كلامي لما يبدا ولدك سنه مسوسة
وهو يعيط وتجيبوه ومانقدروش نخدموله
وتضطرو ادخلوه تخدير كامل

الوقاية خير من العلاج
الفم والاسنان البوابة الاساسية لصحة باقي الفم

#تحياتي❤️

30/06/2026

هلبه امهات يبعتولي في صور صغارهم بطريقة
هدا ويحسابون تسوس
طبعا هدا مش تسوس
هي تصبغات اسمها (Chromogenic stain)
تنحل بزيارة خفيفة لطبيب الاسنان

من اهم مشاكلها انها تاثر على نفسيه الطفل🥹
من تعرضه لتنمر من اصحابه ومرات حتى من عيلته
في الي مايبيش يضحك باش مايبانش اسنانه لونهم اسود🙁😔

ماتبخلوش على صغاركم
وتعطوهم من وقتكم ❤️❤️

17/06/2026

ياماما 😌
طفلك يحب الحلويات؟ 🍫🍪

تمام...

البكتيريا تحبهم أكثر منه 😅

وخاصة لما تلقى الشقوق الصغيرة الموجودة فوق الأضراس... تقعمز وتعشش فيها وتبدا قصة التسوس 😓 والوجاع وقلة النوم

لكن اطمني ❤️
في حاجة اسمها Fissure Sealant

تنحط فوق السن تخش داخل الشقوق وتسـكرها قبل ما البكتيريا تلقى وين تسكن 😎

✅ بدون ألم
✅ بدون حفر
✅ في دقائق

وقاية بسيطة اليوم...

خير من علاج غدوة💪💪

للحجز والاستفسار 📩
الواتس
0913945807

15/06/2026

الي بنتها ولا ولدها طالعتله السن الدائمة خلف اللبنية وماجابتش نحولو اللبنية
شن تبو بالضبط 🥴

من انتم 😅😅

😁😁تبو هكي تستفوهم صفتين
عاجبكم المنظر هدا 😁🙃🙃

من يسمح بهدا 😅😅😅