07/08/2020
දතක් ගැලවූ පසු කල යුත්තේ මොනවාද?
අපේ රටේ බොහෝ දෙනෙක් දත් ගැන සැලකිලිමත් බව අඩුයි.
මේ නිසාම දත් ගැලවීම කියන්නේ අපේ රටේ බොහෝ දෙනෙක් ලබලා තියන අද්දැකීමක්.
නමුත්, දතක් ගැලවීමෙන් පසුව අනුගමනය කළ යුතු දේවල් බොහෝ අය නිවැරදිව දන්නේ නැහැ.
මේ නිසාම දත් ගැලවීමෙන් පසු විවිධ සංකුලතා ඇති විය හැකියි.
දතක් ගලවීමෙන් පසුව ඇතිවන සතුලතා අවම කර ගැනීමට මේ උපදෙස් පිළිපදින්න...
දත ගැලවීමට පෙර ඔබ එය ගැලවා දැමීමට හේතුව ( වේදනාව, සෙලවෙන දතක් වීම, කැඩුන දතක් විම ආදී....) වෛද්ය වරයාට පවසන්න. හානි වූ දත් නොගලවා වෙනත් ප්රතිකාර මගින් බේරා ගැනීමට බොහෝ අවස්ථා ඇති නිසා ඒ පිළිබඳව දන්ත වෛද්ය වරයාගෙන් විමසන්න.
තවමත් ඔබේ තීරණය දත ගැලවීම නම්,
දත ගැලවීමට පෙර ඔබට දැනට පවතින වෙනත් රෝග, Allergy සහ ඒවාට ලබා ගන්නා ඖෂධ පිළිබඳව සියලු තොරතුරු නිවැරදිව දන්ත වෛද්ය වරයාට ලබාදීමත් ඉතාම වැදගත්.
දතක් ගැලවු පසු දත ගැලවූ ස්ථානයේ දත්ත වෛද්ය වරයා තබන පුළුන් කැබැල්ල අවම පැය භාගයක් වත් තදින් සපා ගෙන සිටින්න.
ලේ වහනයක් නැතිනම් පුළුන් කැබැල්ල පැය භාගයකට පසුව ඉවත් කරන්න .
දත ගැලවූ දින තද උණුසුම් හෝ ඉතා තද ශීත ආහාර වලින් වලකින්න.
දත ගලවා පැය 24 ක් යනතුරු කෙළ ගැසීම හෝ කට සේදීම නොකළ යුතුයි.
දත ගැලවූ ස්ථානයට ඇඟිලි, දිව, හෝ භාහිර දේවල් දැමීමෙන් වලකින්න.
දිගටම ලේ වහනයක් වේ නම් නැවත පිරිසිදු ලේන්සුවක් හෝ පුළුන් කැබැල්ලක් දත ගැලවූ ස්ථානයේ තබා තදින් සපා ගන්න.
දත ගැලවීමෙන් පසුව දිගටම ලේ වහනය වීමක්, අධික වේදනාවක්, ඉදිමීමක් ඇති වුව හොත් වෛද්ය උපදෙස් ලබා ගන්න.
ලබා දෙන ඖෂධ නියමිත පරිදි ලබා ගන්න.
දතක් ගැලවීමෙන් පසුව ප්රතිජීවක ඖෂධ ( Antibiotics) ලබා ගැනීම අත්යාවශ්ය නැත.
නමුත් වේදනා නාශකයක් ලබා ගැනීමට අමතක නොකරන.
