Opal Dental Solutions - Pinnaduwa

10/09/2025

28/08/2025

ලඟදි දවසක දෙන්ටල් එකට ආව තරුණ පිරිමි කෙනෙක් "ඩොක්ටර් මේ දත් කැඩුන දෙකට මොනවා හරි කරලා හදල දෙන්න පුලුවන්ද, ගලවන්න නම් බෑ" කියල කිව්ව. දත් දෙක පරික්ෂා කරල බලල කරන්න පුළුවන් දේ ගැන එයාට විස්තර කරල දුන්න. ඒ තමයි දත් වලට ස්නායු පිරවුම් ප්‍රතිකාර කරල "දන්ත කොපු / Dental crown යෙදීම.
දතේ ස්නායු පිරවුම් සහ අවශ්‍ය කරන සකස් කිරීම් සිදු කරල, අච්චු අරන් ලැබ් එකට යවල දින කීපයකින් crown දෙක ගෙනල්ල සවිකරලා ප්‍රතිකාර ඉවර කලාට පස්සෙ තියෙන විදිය තමයි ඔය යට photo එකේ පේන්නෙ.

මොකද්ද මේ දන්ත කොපු හෙවත් dental crowns කියන්නේ ?

දතක විදුරුමස් වලින් පිටත ඇති කොටස සම්පුර්ණයෙන් වැසෙන පරිදි යොදන කොපුවක් වැනි දෙයක් තමයි Dental crown එකක් කියන්නෙ.

මොන වගේ අවස්ථා වලදීද මේ Crowns යොදන්නේ ?

1. ශක්තිමත් බවින් අඩු දතක් ආරක්ෂා කර ගැනීමට.
2. දතේ විශාල කුහර ඇතිවිට, දතේ වැඩි පරමානයක් කැඩී ඇතිවිට.
3. දතේ ගැලවී යාමේ අවධාමනක්වි ඇති විශාල පිරවුමක් ඇතිවිට.
4. ස්නායු පිරවූ දත් ආරක්ෂා කරගැනීමට.
5. දන්ත පාලම් / Dental bridge දෙපස ඇති දත්වලට සවි කිරීමට.
6. අවපැහැ ගැන්වුන දත්, විකෘති හැඩ ඇති දත්, ඇදවී ඇති දත් නිවැරදි කිරීමට.

මේ වගේ Crowns හදන්නේ මොන වගේ අමුද්‍රව්‍ය වලින්ද ?

1. පෝසිලේන් සහ ලෝහ එකතුවක් මගින් / PFM Crowns. මේවයේ ශක්තිමත් භාවය සහ කල්පැවැත්ම වැඩිය. පිටුපස දත් සඳහා සුදුසු වර්ගයකි.
2. Zirconia crowns - මේ වර්ගය මගින් දතේ ස්වභාවික පැහැයට ඉතාමත්ම ආසන්න ලෙස crowns සෑදිය හැක.
3. Emax crowns - දතේ ස්වභාවික පැහැයට සමීපව crowns සාදන තවත් අමුද්‍රව්‍යයකි.
4. Metal crowns - සම්පුර්ණයෙන්ම ලෝහ වලින් සාදන නිසා දතේ පැහැයෙන් යෙදිය නොහැක. පිටුපස දත් සඳහා යෝග්‍ය වේ. ශක්තිමත් බවින් ඉහල වේ.
5. Resin / Acrylic / Plastic - මිලෙන් මෙන්ම ශක්තිමත් බවින්ද ඉතා අඩු වේ. පහසුවෙන් ගෙවීයාමට, කැඩී යාමට හැක.

Dhanushka Ranasinghe
Dental surgeon
Opal Dental Solutions - Pinnaduwa, Galle.
071 5757 695

10/08/2025

"ඩොකටර්, මගේ මේ ඉස්සරහ දත කොහොම හරි හදල දෙන්න පුලුවන්ද ? මීට කලින් කීප වතාවක්ම හැදුවට හරිගියේ නෑ"
ලඟදි දවසක මගෙ ප්‍රයිවට් ඩෙන්ටල් එකට ආව අවුරුදු 30 ක විතර තරුණ ගෑනු ළමයෙක් තමයි එහෙම කිව්වෙ. දත පරීක්ෂා කරල බලද්දි, දත ගොඩක් දිරල ස්නායු තියෙන කල්ක කුහරයටම දිරල ගිහින් කියල පෙනුන. ඒ වගේම දතේ ජීවී බවක් ඇත්තෙම නෑ. දතේ තව දිරාගිය පටක කොටස් සෑහෙන ප්‍රමාණයක් ඉතිරි වෙලා තිබුන. සාමාන්‍ය පිරවුමකින් දත හදන්න බැහැ කියල ඇයට පහදලා දීල, ඒ වෙනුවෙන් කරන්න පුලුවන් හොඳම ප්‍රතිකාර ක්‍රම ගැනත් කියල දුන්න. හොඳම ප්‍රතිකාර ක්‍රම ඉතිං මිල අධිකයි 😥 නමුත් ඇයට මේ වෙලාවේ තියෙන ආර්ථික අපහසුතා එක්ක ඒ වගේ ප්‍රතිකාරක් කරගන්න අපහසු තත්වයකයි හිටියෙ. ඒ නිසා අඩුම වියදමක් යන ප්‍රතිකාර ක්‍රමයකට දත හදල දුන්න. ඒකත් අදියර 3 ක් යටතේ කරල දුන්නෙ ඇයට තවත් පහසු වෙන ආකාරයට. ඔය තියෙන්නෙ තුන්වෙනි දවසෙ දත හැදුවට පස්සෙ පේන විදියයි, කලින් ආපු දවසෙ දත තිබුන විදියයි photos දෙක. (පලවෙනි දවසෙ photo එක ගන්න මතක් වුනේ දතේ නරක් වුන කොටස් සුද්ධ කලාට පස්සෙ නිසා ඇත්තටම දත තිබුන විදිය නෙවෙයි ඔය පේන්නෙ)

මේ දත හදන්න දන්ත මූල පිරවීමක් / Root canal treatment / RCT කරල, උඩ කොටසේ පිරවුමේ ශක්තිමත් බව වැඩි කරන්න fiber post එකක් (ෆයිබර් කූරක්) සවි කරල, උඩින් දතේ පැහැයෙන් උඩ කොටස පුරවලා හැදුවෙ.

මෙවැනි දතකට RCT කරල porcelain , zerconia , Emax වැනි crown එකක් (දන්ත කොපු) යොදා කරන ප්‍රතිකාරය තමයි වඩාත් ශක්තිමත් සහ සාර්ථක වෙන්නෙ.

දත හදල මූන බලන කන්නාඩිය අතට අරන් බැලුවම මූනෙ ඇඳුන හිනාව දැක්කම ඇතිවෙන feeling එක නම් කියල නිම කරන්න බෑ. ඒ හැඟීම නම් මුදල් වලට ලැබෙන එකක් නම් නෙවෙයි.

Dr. Dhanushka Ranasinghe
Opal Dental Solutions
Pinnaduwa
Galle
071 5757 695

25/06/2025

🦷✨ Transform Your Smile with Composite Veneering! ✨🦷

At Opal Dental Solutions, Pinnaduwa, we specialize in composite veneering – a fast, effective, and minimally invasive way to restore the natural beauty of your teeth.

🔹 Just look at this transformation...
📸 Before :- Discolored and stained central and lateral incisors.
📸 After :- A brighter, more even smile with natural-looking composite veneers.

What is Composite Veneering?

It’s a cosmetic dental procedure where a tooth-colored resin is applied to the surface of the teeth to improve color, shape, and overall appearance. Perfect for treating:
✔️ Discolored teeth
✔️ Minor chips or cracks
✔️ Slight misalignments
✔️ Gaps between teeth

✅ Quick procedure
✅ Affordable
✅ Long-lasting results

📞 Call us today to book your consultation:
071 5757 695

📍 Visit us at Opal Dental Solutions, Pinnaduwa

🦷 Dr. Dhanushka Ranasinghe is ready to give you the smile you deserve..

27/05/2025

Orthodontic treatments for crowded teeth.
Opal Dental Solutions - Pinnaduwa, Galle.
Contact - 0715757695

09/03/2025

ඉදිරිපස උඩ ඇන්දේ දිරාගොස් ඇති දත් සඳහා composite පිරවුම් ප්‍රතිකාරය. නරක් වී ඇති කොටස් සහ පැරණි පිරවුම් කොටස් ඉවත් කර දත පිරිසිදු කිරීමෙන් පසුව composite නම් දත් වල පැහැයෙන් යුත් පිරවුම් වර්ග මගින් එක් දිනක් තුල මෙම දත් සකස් කර ඇත.
Composite restorations for multiple carious teeth of 32y old female patient.

Opal Dental Solutions - Pinnaduwa
0715757695

25/12/2024

පෙති ගිලින්න කලින් හිතන්න! 💊 වකුගඩු වලට වෙන්න පුළුවන් හානිය ගැන දැනගන්න.

ගිය සතියේ මට හම්බුනා එක්තරා රෝගියෙක්. එයා ආවේ එයාගේ වකුගඩු වල ක්‍රියාකාරිත්වය සෑහෙන ප්‍රමාණයකින් අඩුවෙලා, වකුගඩු ඩැමේජ් වෙලා. පුදුමේ කියන්නේ, එයා වකුගඩු රෝගියෙක් නෙමෙයි! ඉතින් කොහොමද මෙයාගේ වකුගඩු මෙච්චරටම සවුත්තු වුණේ? 🤔

මෙයා ප්‍රෙෂර් එකටයි (අධි රුධිර පීඩනයට) යම්කිසි හෘද රෝගයකටයි බෙහෙත් ගන්න කෙනෙක්. එයා ප්‍රෙෂර් එකට පාවිච්චි කරන ලොසාටන් (Losartan) සහ මුත්‍රා ප්‍රමාණය වැඩි කරන (ඩයියුරටික්) වර්ගයේ බෙහෙතකුත් දිනපතා පාවිච්චි කරනවා. ඉතින් දවසක් මෙයාට තදබල උරහිසේ කැක්කුමක් ඇවිල්ලා. වේදනාව ඉවසගන්න බැරි තැන, මෙයා ෆාමසියකින් වේදනාවට බෙහෙත් පෙති ඉල්ලනවා. ඉතින් එයාලා දීලා තියෙන්නේ NSAID කාණ්ඩයට අයිති වෙන ඩයික්ලොෆීනැක් (diclofenac) කියන බෙහෙත් වර්ගය. කොහොම හරි, මෙයා මේ වේදනා නාශක සෑහෙන කාලයක් තිස්සේ පාවිච්චි කරලා තියෙනවා. 😱

ඔන්න ඕකයි වෙලා තියෙන විනාශය! මේ සිද්ධියෙන් අපිට හොඳ පාඩමක් ඉගෙනගන්න පුළුවන්. තමන්ගේ හිතුමනාපෙට බෙහෙත් ගන්න එක, විශේෂයෙන්ම ඩයික්ලොෆීනැක්, ඇස්ප්‍රින් වගේ හැම තැනම තියෙන බෙහෙත්, කිසිම අවබෝධයක් නැතුව ගන්න එක කොච්චර භයානකද කියලා දැන් ඔයාලට තේරෙනවා ඇති.

මේ විදියට තමන්ට ඕන විදියට බෙහෙත් ගන්න එක, හරියට ග්‍රොසරි ෂොපින් කරනවා වගේ වෙලා, ඒකෙන් වෙන්න පුළුවන් හානිය ගැන කිසිම තැකීමක් නෑ. දිගු කාලීනව මේ බෙහෙත් වලින් වෙන බලපෑම ගැන හිතන්නේ නැතුව ගන්න එක කොච්චර භයානකද කියලා මම ඔයාලට කියලා දෙන්නම්. මේකට හොඳ උදාහරණයක් තමයි "ත්‍රිත්ව ප්‍රහාරය" (Triple Whammy) ඉෆෙක්ට් එක.

💊 ඩයික්ලොෆීනැක්, ඇස්ප්‍රින් සහ අනෙක් NSAIDs වලින් වෙන භයානක දේ

ඩයික්ලොෆීනැක් කියන්නේ ලංකාවේ වැඩියෙන්ම පාවිච්චි වෙන NSAID (ස්ටෙරොයිඩ් නොවන ප්‍රති-ප්‍රදාහක ඖෂධ - non-steroidal anti-inflammatory drugs) වලින් එකක්. මේක ආතරයිටිස්, මස් පිඬු වල වේදනාව, තුවාල වල වේදනාව වගේ ඒවට දෙනවා. කෙටි කාලෙකට වේදනාව අඩු කරගන්න ඩයික්ලොෆීනැක් හොඳ වුණත්, නිතරම ගන්න එකෙන් වකුගඩු වලට ලොකු හානියක් වෙන්න පුළුවන්. ACE inhibitors (රුධිර පීඩනය අඩු කරන බෙහෙත් - උදාහරණයක් විදියට කැප්ටොපිල් (Captopril), එනලප්‍රිල් (Enalapril) වගේ) සහ ඩයියුරටික් (diuretics - වතුර පෙති) වගේ බෙහෙත් එක්ක මේක ගන්නකොට, කල් යද්දී වකුගඩු වලට ලොකු ප්‍රශ්න, ඒ කියන්නේ වකුගඩු අක්‍රිය වීම් පවා වෙන්න පුළුවන්.

ඇස්ප්‍රින් කියන්නෙත් තවත් එක NSAID එකක්. ඒක සාමාන්‍යයෙන් වේදනා නාශකයක් විදියට පාවිච්චි කරනවා. ඒ වගේම, හාට් ඇටෑක්, ආඝාතය වගේ දේවල් වළක්වන්න ඩොක්ටර්ලා සුළු ප්‍රමාණ වලින් දෙනවා. මේක වෛද්‍ය උපදෙස් පිට, ටික ටික ගන්න එක හොඳ වුණත්, ඕනවට වඩා, එහෙමත් නැත්තම් වෙනත් බෙහෙත් එක්ක ගන්න එක භයානකයි.

💊 ත්‍රිත්ව ප්‍රහාරය" (Triple Whammy) කියන්නේ මොකක්ද?

ACE inhibitors (ලේ පීඩනය අඩු කරන බෙහෙත්), ඩයියුරටික් (වතුර පෙති), සහ NSAIDs (ඩයික්ලොෆීනැක්, ඇස්ප්‍රින් වගේ වේදනා නාශක) කියන බෙහෙත් වර්ග තුනම එකට ගන්න එකට තමයි "ත්‍රිත්ව ප්‍රහාරය" කියන්නේ. මේකෙන් වකුගඩු වලට ලොකු හානියක් වෙන්න පුළුවන්.

ඒක වෙන්නේ මෙහෙමයි:

ACE inhibitors සහ ARBs (ලේ පීඩනය සහ හෘද රෝග වලට දෙන) බෙහෙත් වලින් ලේ නහර වල තද ගතිය අඩු කරනවා. ඒකෙන් වකුගඩු වලට යන ලේ ප්‍රමාණය අඩු වෙනවා.

ඩයියුරටික්ස්, (සාමාන්‍යයෙන් අධි රුධිර පීඩනයට දෙන) බෙහෙත් වලින් ඇඟේ තියෙන වතුර ප්‍රමාණය අඩු කරනවා. ඒකෙනුත් වකුගඩු වලට යන ලේ ප්‍රමාණය අඩු වෙනවා.

ඩයික්ලොෆීනැක්, ඇස්ප්‍රින් වගේ NSAIDs වලින් වකුගඩු වලට ලේ යන එකට උදව් වෙන ප්‍රොස්ටග්ලැන්ඩින් (prostaglandins) කියන රසායනික ද්‍රව්‍යය නිෂ්පාදනය අඩු කරනවා.

මේ බෙහෙත් තුනම එකට ගත්තම, ඒකෙන් වෙන්නේ වකුගඩු වලට යන ලේ ප්‍රමාණය හුඟක් අඩු වෙන එක. හරියට "ත්‍රිත්ව ප්‍රහාරයක්" (Triple Whammy) වගේ. ඒකෙන් වෙන්නේ ඔයාගේ වකුගඩු වලට හරියට වැඩ කරන්න බැරි වෙන එක. කාලයක් යද්දී, වකුගඩු වලට ලේ වල එකතුවන අපද්‍රව්‍ය පෙරාගන්න බැරි වෙලා ලොකු ප්‍රශ්න ඇති වෙන්න පුළුවන්.

💊 ෆාමසියෙන් බෙහෙත් ගන්න එක භයානක ඇයි?

ෆාමසි වල ඉන්න සමහර අය බෙහෙත් දෙන්න දන්නවා තමයි, ඒත් එයාලා ඩොක්ටර්ස්ලා නෙවෙයි. ඔයාගේ ලෙඩේ මොකක්ද කියලා හොයාගන්න, ඔයාගේ සම්පූර්ණ සෞඛ්‍ය තත්වය ගැන එයාලා දන්නේ නෑ. ඉතින් ඩොක්ටර් කෙනෙක් ගාවට යන්නේ නැතුව තමන්ට ඕන විදියට බෙහෙත් ගන්න ගියාම, ඒකෙන් ලොකු ප්‍රශ්න ඇති වෙන්න පුළුවන්. මොකද මේ බෙහෙත් ඔක්කොම වැඩ කරන්නේ ඇඟේ එක එක පද්ධති වලට, විශේෂයෙන්ම වකුගඩු වලට.

ලංකාවේ බෙහෙත් ගන්න එක ලේසි නිසා, ගොඩක් අය හිතන්නේ නෑ මේ බෙහෙත් වලින් වෙන්න පුළුවන් හානිය ගැන. නිතරම හිසේ කැක්කුමට, ඇඟපත අමාරුවට වගේ එක එක දේවලට ඩයික්ලොෆීනැක්, ඇස්ප්‍රින් වගේ ඒවා ගන්න එකෙන් ටික ටික ඇඟට හානි වෙන්න පුළුවන්.

💊 වකුගඩු අකර්මන්‍ය වීමේ තිත්ත ඇත්ත

වකුගඩු අකර්මන්‍ය වෙනවා කියන්නේ එක රැයින් වෙන දෙයක් නෙවෙයි. ඒක ටික ටික වෙන්නේ, ගොඩක් වෙලාවට මුලදී ලොකු ලක්ෂණ පෙන්නන්නෙත් නෑ. ඒත් ඔයාට මහන්සි ගතියක් දැනෙන්න ගන්නකොට, කකුල් ඉදිමෙන්න ගන්නකොට, එහෙමත් නැත්තම් මුත්‍රා යන ප්‍රමාණය වෙනස් වෙනකොට, සමහර විට හානිය ගොඩක් වෙලා තියෙන්න පුළුවන්. අන්න ඒ වෙලාවට ඔයාට ඩයලයිසිස් (dialysis) කරන්න, එහෙමත් නැත්තම් වකුගඩුවක් බද්ධ කරන්න වෙයි. ලංකාවේ ගොඩක් අයට මේ ප්‍රශ්නේ තියෙනවා, ඒත් එයාලා ඒක දැනගන්නේ පරක්කු වෙලා.

💊 මතක තියාගන්න හැම තිස්සෙම ඩොක්ටර් කෙනෙක් ගාවට යන්න

කරුණාකරලා, ඔයා ඩයික්ලොෆීනැක්, ඇස්ප්‍රින්, එහෙමත් නැත්තම් වෙන ඕනෑම බෙහෙතක් ගන්න කලින් ඩොක්ටර් කෙනෙක් හම්බවෙන්න. තමන්ට ඕන විදියට බෙහෙත් ගන්න එකෙන් වෙන්නේ තාවකාලික සහනයක් විතරයි. ඒත් ඒකෙන් ඔයාගේ ඇඟට, විශේෂයෙන්ම වකුගඩු වලට ලොකු හානියක් වෙන්න පුළුවන්. අපි හැමෝම බෙහෙත් ගැන හරියට දැනගෙන, අපේ සෞඛ්‍යය ගැන වගකීමෙන් වැඩ කරමු.

මේ ආටිකල් එක ඔයාට වැදගත් වුණා නම්, මේක අනිත් අය එක්කත් බෙදාගන්න (Share කරන්න). ඒ වගේම ඔයාගේ අදහස Comment කරලා තව කෙනෙක්ව දැනුවත් කරන්න වගේම ඔයාගේ යාලුවොන්වත් ටැග් (Tag) කරන්න අමතක කරන්න එපා.

09/11/2024

දත් අතර හිඩැස් සඳහා ප්‍රතිකාර (Diastema treatments)

Diastema හෙවත් දත් දෙකක් අතර ඇතිවන හිඩැස් ගැන ගොඩක් අය අහන නිසා, ඊට හේතු පිලිබඳව පසුගිය ලිපියකින් විස්තර ඉදිරිපත් කලා මතක ඇති. කියවපු නැති අය මෙතනින් කියවන්න.
👇👇
https://m.facebook.com/story.php?story_fbid=927173082763170&id=100064114601263&mibextid=Nif5oz

අද එවැනි හිඩැස් සඳහා කෙරෙන ප්‍රතිකාර පිලිබඳව දැනුවත් වෙමු. මේ සඳහා ප්‍රතිකාර ක්‍රම කීපයක් තියෙනව.

1). Direct composite restorations (දත් අතර පිරවීම)

ඉතා බහුලව සිදුකරන සහ වියදම අඩුම ප්‍රතිකාර ක්‍රමය තමයි මේ දත් අතර පිරවීම කියන්නෙ. මෙහිදී දත් දෙක අතර හිඩැස එම දත් වල පැහැයට සමාන පැහැයකින් යුක්ත කොම්පොසිට් නම් පිරවුම් ද්‍රව්‍යයකින් පිරවීම සිදු කරනවා. මෙසේ පුරවා සකස් කිරීමේදී එම දත් වල හැඩය සහ අලංකාරය, එය සිදුකරන වෛද්‍යවරයාගේ දක්ෂතාවය මත රඳාපවතිනවා.
වියදම අඩු වීම, විනාඩි කිහිපයක් වැනි ඉතා අඩු කාලයකදී සම්පූර්ණ කල හැකිවීම, යන වාසි මෙම ක්‍රමයෙන් ලැබෙනවා.
තද දේවල් හැපුනොත් හෝ වැදුනොත් ගැලවීමට ඇති හැකියාව, පිරවීම නිසා දත් සුලු වශයෙන් පලල වැඩිවීම, කහට වර්ග බැඳීමේ හැකියාව, නිසි අයුරින් පිරිසිදු නොවුනහොත් විදුරුමස් ආසාදන ඇතිවීමට ඇති හැකියාව වැනි අවාසිත් මේ පිරවීමේ ක්‍රමයේ තියෙනව.

2).Orthodontic treatments (විකලාංග දන්ත ප්‍රතිකාර)

මෙහිදී සිදුවන්නේ දත්වලට විකලාංග දන්ත ප්‍රතිකාර ලබා දීමයි. එනම් කවුරුත් දන්න විදියට ප්ලේට් දැමීමයි. ස්ථිර කම්බි (braces) හෝ ගැලවිය හැකි ප්ලේට් (removable appliances) යන ක්‍රම දෙකටම ප්‍රතිකාර ක්‍රම ඇති අතර, ඒ සඳහා වඩාත්ම ගැලපෙන ක්‍රමය දන්ත වෛද්‍යවරයා විසින් නිගමනය කල යුතුයි.
මෙහිදී දත් අතර පිරවීමේදී මෙන් දතේ පලල වැඩිවීමක් සිදු නොවීම, ගැලවී යාමේ අවධානමක් නොමැති වීම, දත් අතර පිරිසිදු කිරීමට අපහසුතා ඇති නොවීම යන වාසි මෙහිදී ලැබෙනවා.
මේ සඳහා වියදම සාපේක්ෂව ඉතා වැඩි වීම, ප්‍රතිකාරය සඳහා මාස කීපයක් වැනි දිගු කාලයක් ගතවීම, පසු කාලීනව නැවත දත් ඈත්වී හිඩැස ඇතිවීමේ අවධානම, එසේ හිඩැස නැවත ඇතිවුන හොත් නැවත ප්‍රතිකාර කිරීමට සිදුවීම සහ නැවත ඇතිවීම වැලැක්වීමට retainers භාවිතා කිරීමට සිදුවීම යන අවාසි මෙම ක්‍රමයේ තියෙනව.

3). Porcelain veneers

විශේෂයෙන් සකස් කරන ලද පෝසිලේන් කොටසක් දත් මත ඇලවීම මෙම ක්‍රමයේදි සිදුවෙනව. දතේ ස්වාභාවික පැහැයට ඉතා සමීපව සිදු කරන නිසා වඩාත් හොඳ පෙනුමක් මෙමගින් ලබාගන්න පුළුවන්. මෙම පෝසිලේන් පටලය ඇලවීම සඳහා ඉඩ ලබාගැනීමට දත මතුපිට තුනී කොටසක් ඉවත් කිරීමට සිදුවන නිසා දතට යම් හානියක් සිදු වීම, සාපේක්ෂව මිල අධික වීම, තද දෙයක් වැදීම හෝ හැපීම නිසා ගැලවීමට ඉඩ තිබීම, දත තරමක් විශාල / පලල් වීම මෙහි ඇති අවාසිදායක තත්වයන් වේ.

4). Dental crowns (දන්ත කොපු)

දත සම්පූර්ණයෙන් වැසෙන පරිදි කොපුවක් දැමීම මෙමගින් සිදුවෙනව. නමුත් මෙම කොපුව දැමීමට දත වටෙන්ම එනැමලයේ කොටසක් ඉවත් කිරීමට සිදුවෙන නිසා දතට සිදුවෙන හානිය ඉතා වැඩියි. දත මදක් පලලින් වැඩි වන අතරම සාපේක්ෂව මිලෙන්ද අධික වෙනවා. පිරවීමක් ගැලවෙන පරිදි ලෙහෙසියෙන් ගැලවී නොයාම එක්තරා වාසියක් වෙනව.
දත නරක් වී ශක්තිමත් බවින් අඩු වී ඇති අවස්තාවක මෙම දන්ත කොපු භාවිතා කර ප්‍රතිකාර කිරීම මගින් දතේ ශක්තිමත් භාවය වැඩිකර හොඳ ප්‍රතිඵල ලබාගන්න පුළුවන්.

5). Dental bridges (දන්ත පාලම්)

මෙහිදී දතක් ගැලවීම හෝ නැවත ප්‍රතිස්ථාපනය කල නොහැකි ආකාරයට කැඩීයාම නිසා ඉවත් කිරීමට සිදුවුන අවස්තාවක භාවිතා කල හැකි සාර්ථක ක්‍රමයක්. එහිදී දෙපස ඇති දත් ආධාරක ලෙස භාවිතා කර එම දත් දෙක යාකර පාලමක් වැනි ආකාරයට දත් ඇලවීම සිදු කරනවා. පෝසිලේන් අමුද්‍රව්‍ය මගින් සාදන මෙම් දන්ත පාලම් ශක්තිමත් භාවයෙන් වැඩියි. දත් අතර කුඩා හිඩැසක් වැසීමට ගැලපෙන ක්‍රමයක් නොවුනත්, සම්පූර්ණ දතක් අඩු අවස්ථාවකදී භාවිතා කල හැකි සාර්ථක ක්‍රමයක්.

6). Dental implants (දත් සිටුවීම)

මෙය නවීන දන්ත වෛද්‍ය විද්‍යාවේ භාවිතා කරන සාර්ථකව දතක් ප්‍රතිස්ථාපනය කල හැකි ක්‍රමයක්. දතක් අඩු අවස්ථාවල හනුවට සිදු කරන කුඩා ශල්‍යකර්මයක් මගින් විශේෂිත ටයිටේනියම් ලෝහ කොටසක් බද්ධ කර එයට දතක් සවිකිරීම මෙහිදී සිදුවෙනව. පලපුරුදු දන්ත ශල්‍ය වෛද්‍යවරයකු විසින් සිදු කරන මෙම ක්‍රමය දත් අතර කුඩා හිඩැසකට නොගැලපෙන නමුත්, සම්පූර්ණ දතක් හෝ දත් කීපයක් අඩු අවස්ථා වලදී භාවිතා කල හැකි ක්‍රමවේදයක්.

මෙම ප්‍රතිකාර සිදුකිරීමේදී සමහර විට සුළු ශල්‍යකර්ම සිදුකිරීමට වන අවස්ථාද තියෙන්න පුළුවන්. උඩ තොල සහ විදුරුමස බැඳී ඇති නූලක් වැනි කොටස (Frenum) මගින් ඉදිරිපස දත් දෙපසට තල්ලු වන අවස්ථා වලදී එය ඉවත් කිරීම, දත් අතර අමතර දත් ඇතිවී ඒවා හනුව තුල සිරවී ඇති අවස්ථාවලදී ඒව ශල්‍යකර්ම මගින් ඉවත් කිරීමට සිදුවීම.. එවැනි අවස්ථාවන් වේ.

Dental crown and bridges (දන්ත කොපු සහ දන්ත පාලම්) පිලිබඳ මීලග ලිපියෙන් හමුවෙමු.
එතකල් Opal Dental Solutions facebook පිටුව follow කරල තියාගන්න.

දන්ත ශල්‍ය වෛද්‍ය ධනුෂ්ක රණසිංහ
Opal Dental Solutions
පින්නදූව, ගාල්ල
0742 334 399
071 5757 695

27/10/2024

කටේ හැදෙන ගල්..

අම්ම කෙනෙක් තමන්ගෙ අවුරුදු 13 ක පිරිමි දරුව තණමල්විල හොස්පිටල් එකට එක්කන් ආව කටේ තුවාලයක් තියෙනවා කියල. මේක නිසා හරියට කන්නෙ බොන්නෙත් නෑ, කට අරින්නෙත් අමාරුවෙන්. කොච්චර බෙහෙත් ගත්තත් අඩුවෙන්නෙ නෑ කියල ඒ අම්ම කියනව.
කට ඇරලා බැලුවම දිව යට හොඳටම ඉදිමිලා, සැරව ගලන සිදුරක් හැදිලා. අල්ලන්න වත් දෙන්නෙ නෑ වේදනාව නිසා. කොහොම හරි හිරි වට්ටලා සැරව අයින් කරන්න කියල බලද්දි තමයි වෙලා තියෙන දේ තේරුනේ.

දිව යට තියෙන ඛේට ග්‍රන්තියේ හැදෙන කෙල ඉවතට ගෙන එන නාලයේ calculi එකක්. එහෙම නැත්නම් ගලක් හැදිලා කියල අල්ලලා බලනකොට තේරුනා. ඉතිං ඉතා සුලු ශල්‍යකර්මයකින් ඒ ගල ඉවත් කලාට පසුව හිරවෙලා තිබුන සැරව සෑහෙන ප්‍රමාණයක් ඉවත් වුනා. දරුවාගේ වේදනාව ඉතා ඉක්මනින් අඩු වුනා.

හැමෝටම පෙන්නන්න කියල අම්ම ඒ ගලත් ඉල්ලගෙන, පිං දිදී ගියා... 😊😊

ඉතිං.. හිතට ගන්න... ගල් හැදෙන එක අඩු කරගන්න "හොඳට පිරිසිදු වතුර බොන්න"

© දන්ත ශල්‍ය වෛද්‍ය ධනුෂ්ක රණසිංහ.

18/10/2024

Median diastema හෙවත් ඉදිරිපස දත් අතර හිඩැස
-----------------------------------------------------------------------------------
මොකද්ද මේ median diastema කියන්නෙ... සරළවම කියනව නම් ඉස්සරහා දත් දෙක අතරෙ තියෙන හිඩැසක්..

මොනව නිසාද මෙහෙම වෙන්නෙ ?

1. Small teeth / දත් ප්‍රමාණයෙන් කුඩා වීම.
හණුවේ විශාලත්වයට සාපේක්ෂව දත් වල විශාලත්වය කුඩා වීම නිසා හිඩැස් ඇතිවෙන්න පුළුවන්. සමහරවිට හිඩැස් කීපයක් හෝ ඉදිරිපස දත් දෙක අතර හිඩැසක් ලෙස මෙම හිඩැස් ඇතිවෙන්න පුලුවන්.

2. Missing teeth / දත් සංඛ්‍යාව අඩු වීම.
සමහර අයගෙ උපතින්ම දතක් හෝ කීපයක් නැති වෙන්න පුළුවන්. එහෙම වුනාම ඒ හිඩැස් ඇති දිශාවට අනෙක් දත් ඈත් වීම නිසා දත් අතර හිඩැස් එන්න පුළුවන්.

3. Over sized labial frenum
මේ කියන්නෙ උඩ තොල සහ විදුරුමස සම්බන්ධ කරන කුඩා නූලක් වැනි කොටස පිළිබඳව. මේක ගොඩක් තුනී වුනාට සමහර අයගෙ ගොඩක් ඝනකමට පිහිටන අවස්ථා තියෙනව. මේ ඝනකම වැඩි frenum එක ඉදිරිපස දත් දෙක අතරින් පිහිටලා තිබුනම, ඒ දත් දෙක අතරෙ හිඩැසක් ඇතිවෙනව. මෙහෙම වුන අවස්ථා වලදි ඒ හිඩැස් අඩු කරන ප්‍රතිකාර ක්‍රම සිදු කරන්න, ඒ frenum එක ඉවත් කිරීමේ සුලු ශල්‍යකර්මයක් කරන්න සිදුවෙන අවස්ථා තියෙනව.

4. Habits / Thumb sucking / ඇඟිලි ඉරීමේ පුරුදු
පුංචි දරුවන් ඇඟිලි ඉරීම සාමාන්‍යයෙන් සිදු කරන අතරම එය ඔවුන්ගේ හණු වල වර්ධනයට උපකාරී වුනත්, වයසින් වැඩෙත්ම ඒ පුරුද්ද ක්‍රමයෙන් ගිලිහී යනව. නමුත් සමහර අය ඇඟිලි ඉරීමේ පුරුද්ද දිගින් දිගටම සිදු කිරීම නිසා උඩ හණුවේ ඉදිරිපස දත් ඉදිරියට හණුව සමගින්ම නෙරා ඒම සිදුවෙනව. ඒ හේතුව නිසාම දත් අතරෙ හිඩැස් ඇතිවීම සිදුවෙනව.

5. Habits / Tongue thrust
කුඩා දරුවන්ගෙ tongue thrust reflex ඇතිවෙන්නෙ තමන්ගෙ කට ඇතුලට දාගන්න පිටස්තර දේවල් කටින් එලියට දාන්න පහසු වෙන්න. සමහර අය මේ reflex එක පුරුද්දක් කරගෙන තමන්ගෙ දිව මගින් නිතර දත් ඉදිරියට තල්ලු කිරීම සිදු කරනව. මේ නිසා දත් ඉදිරියට ඒම සහ දත් අතර හිඩැස් ඇතිවෙන්න පුළුවන්.

6. Peg laterals
Laterals කියන්නෙ කෘන්තක දත් 4 න් දෙපස තියෙන දත් දෙක. සමහර අයගෙ මේ දත් දෙක උල් හැඩයට පිහිටලා තියෙන අවස්ථා තියෙනව. එහෙම වෙලාවට එම දත් සහ දෙපස දත් අතර හිඩැස් ඇතිවෙන්න පුළුවන්. සමහර වෙලාවට එම හිඩැස් දෙසට ඉදිරිපස දත් හැරීම නිසා ඉදිරි පස දත් දෙක අතර හිඩැසක් / median diastema ඇතිවෙන්න පුලුවන්.

7. Impacted mesiodense / හණුව ඇතුලත සිරවී ඇති දත්
උඩ හණුවේ ඉදිරිපස දත් දෙක අතර, හණුව තුල කුඩා අමතර දත් ඇතිවී සිරවී තිබෙන අවස්ථා කලාතුරකින් දකින්න ලැබෙනව. මේ හේතුව නිසාත් දත් අතර හිඩැස් ඇතිවෙන්න පුළුවන්. එහෙම අමතර දත් තිබෙනවා නම් X කිරණ ඡායාරූප මගින් හඳුනාගන්න පුළුවන්. හිඩැස් සඳහා විකලාංග දන්ත ප්‍රතිකාර සිදු කරන්නේ නම්, මෙම සිරවී ඇති දත ඉවත් කලයුතු වෙනවා.

සමහර අයගෙ මතයක් තියෙනව මේ ආකාරයට ඉදිරිපස දත් අතර හිඩැසක් ඇතිවීම අවාසනාවෙ සලකුණක් කියල. ඇත්තටම එහි කිසිම විද්‍යාත්මක සත්‍යයතාවයක් නැහැ වගේම එමගින් කිසිම අතුරු ආබාධ, වෙනත් රෝග තත්වයන් ඇතිවෙන්නේ නැහැ. බොහෝ අයගෙ සිනහවේ ඇති ලස්සන අඩුවීමක් විතරයි මේකෙන් වෙන්න පුළුවන් දේ...

මෙසේ සිනහ වන විට දත් අතර හැඩැස පෙනීම නිසා තරුණ ළමයින්ට එය බොහෝවිට මානසිකව බලපෑමක් වෙන්න පුලුවන්. මේ නිසා එම හිඩැස් අඩුකරගැනීම, හිඩැස් වසාදැමීම සඳහා තරුණ තරුණියන් ප්‍රතිකාර ක්‍රම සොයනව. ඉතිං ඒ ප්‍රතිකාර ක්‍රම මොනවද කියල මීලඟ පෝස්ට් එකෙන් කියන්නම්. එතකල් Opal Dental Solutions - Pinnaduwa අපේ fb page එක follow කරල තියාගන්න.

--ඔබට ජය--

Dr. Dhanushka Ranasinghe
Opal Dental Solutions - Pinnaduwa
Call or Whats app - 071 575 7695

09/10/2024

Fluorosis යනු ලංකාවේ සමහර පලාත් වල බහුලව දක්නට ලැබෙන තත්වයක්. මෙහිදී පානීය ජලයේ fluoride සාන්ද්‍රණය අධික වීම නිසා, ස්ථිර දත් වල එනැමලයේ දුර්වර්ණ වීම් ඇති කරනවා. මෙය ඇතිවන්නේ ස්ථිර දත් වර්ධනය වන, වයස අවුරුදු 6 ට අඩු දරුවන් මෙම අධික fluoride සාන්ද්‍රණයක් සහිත ජලය පානය කිරීම නිසයි. ස්ථිර දත් මතුවුන වැඩිහිටි අය එම ජලය පානය කිරීම නිසා මෙසේ දත්වලට බලපෑමක් ඇතිවෙන්නෙ නෑ. නමුත් කුඩා අවධියේදී මෙසේ ඇතිවන දත්වල එනැමලයේ දුර්වර්ණ වීම, වයසින් වැඩෙත්ම බාහිර පෙනුමට බලපාන තත්වයක් බවට පත්වෙනව. තරුණ අවධියේදී එය මානසිකව බලපෑමකට වුවත් ලක්වෙන්න පුලුවන්.

මේ තත්වය ඖෂධ මගින් පාලනය කරන්න බැහැ. Fluorosis තත්වයේ ප්‍රමාණය මත ප්‍රතිකාර ක්‍රමය වෙනස් වෙනවා. දුර්වර්ණ කොටස් සූරා ඉවත් කිරීම හෙවත් micro abrasion, දත් වල එනැමලයේ දුර්වර්ණ වූ කොටස් ඉවත්කර වෙනත් පැහැයකින් පිරවීම හෙවත් veneering, බහුලවම සිදු කරන ප්‍රතිකාර ක්‍රම වෙනවා. Fluorosis තත්වය ඉතා බරපතලයි නම්, දත් වල එනැමලය කැඩීයාම වැනි තත්වයන් ඇතිවෙන්න පුළුවන්. එවැනි අවස්ථා වල දන්ත කොපු හෙවත් dental crowns වැනි ප්‍රතිකාර ක්‍රම වලට යොමුවෙන්න සිදුවෙනවා.

පහත ඡායාරූපයේ දැක්වෙන්නේ fluorosis සඳහා කරන ලද composite veneering / දත මතුපිට වෙනත් පැහැයකින් පුරවා සකස් කරන ලද අවස්ථාවකි.

Dr. Dhanushka Ranasinghe
Opal Dental Solutions - Pinnaduwa