16/07/2026
អ្នកឧស្សាហ៍ឈឺក្បាលគួរឆែកមើលថ្គាមទាល់ផង បញ្ហាក៏អាចមកពីធ្មេញដែរ គ្លីនិកធ្មេញ ជលសា-Chulsa Dental Clinic មានម៉ាស៊ីនថតទំនើបៗ បច្ចេកទេសវះ និងដកថ្គាមទាល់ប្រកបដោយសុវត្ថិភាព និងអនាម័យខ្ពស់
☎️ 089 266 600/ 010 355 543
មនុស្សភាគច្រើនគិតថា ធ្មេញទាល់បង្កជាបញ្ហាលុះត្រាតែវាមានការឈឺចាប់ ប៉ុន្តែធ្មេញទាល់ដែលដុះកប់ ឬដុះខុសទិសដៅ (Impacted wisdom teeth) អាចបំផ្លាញធ្មេញល្អៗដែលនៅក្បែរវាមុនពេលរោគសញ្ញាឈឺចាប់ចាប់ផ្តើមទៅទៀត។
នៅពេលដែលធ្មេញទាល់ខាងក្រោមដុះផ្អៀង ឬកប់នៅក្រោមអញ្ចាញធ្មេញ វានឹងធ្វើឱ្យជាប់បាក់តេរី និងកំទេចអាហារនៅចន្លោះធ្មេញទាំងពីរ ដែលជាតំបន់ពិបាកសម្អាតឱ្យបានស្អាតល្អខ្លាំងណាស់។
យូរៗទៅ បញ្ហានេះអាចបណ្តាលឱ្យកើតមានប្រហោងពុកធ្មេញនៅផ្នែកខាងក្រោយនៃធ្មេញថ្គាមទី២ ដែលភាគច្រើនវាលាក់យ៉ាងជ្រៅនៅក្រោមចំណុចប៉ះគ្នារវាងធ្មេញទាំងពីរ។ ការពុកធ្មេញផ្នែកខាងក្រោយនៃធ្មេញថ្គាមទី២ កើតមានឡើងប្រហែល១ ក្នុងចំណោម ៤ ករណី ដែលពាក់ព័ន្ធនឹងធ្មេញទាល់ខាងក្រោមដុះកប់ខុសទិសដៅ។ ហានិភ័យនេះកាន់តែខ្ពស់ ជាពិសេសនៅពេលដែលធ្មេញទាល់នោះដុះផ្ដេក ហើយទៅបុកប៉ះនឹងធ្មេញក្បែរខាងនៅជិត ឬក្រោមជើងអញ្ចាញ។
ចំណុចគ្រោះថ្នាក់បំផុតនោះគឺ ការបំផ្លាញនេះមិនចេញជារោគសញ្ញា ឬការឈឺចាប់អ្វីទាល់តែសោះនៅក្នុងដំណាក់កាលដំបូង។
អ្នកជំងឺភាគច្រើនដឹងថាមានបញ្ហានេះលុះត្រាតែ៖
- កើតមានប្រហោងពុកធ្មេញយ៉ាងជ្រៅ
- អាហារទើជាប់ជារៀងរាល់ថ្ងៃ
- ធ្មេញថ្គាមទី2ចាប់ផ្តើមឈឺចាប់
- ឈានដល់ដំណាក់កាលត្រូវព្យាបាលរន្ធឫសធ្មេញ
- ឬធ្មេញល្អដែលនៅក្បែរធ្មេញទាល់នោះ មិនអាចកែបាន (ត្រូវដកចោលទាំងពីរ)
នេះជាមូលហេតុដែលយើងគួរថត X-rays ធ្មេញឱ្យបានទៀងទាត់ គឺជារឿងសំខាន់បំផុត ជាពិសេសប្រសិនបើអ្នកនៅមានធ្មេញទាល់ដែលដុះកប់មិនទាន់ដកចេញ។
ជារឿយៗ ធ្មេញដែលមិនសូវឈឺសោះ អាចជាធ្មេញដែលបង្កការខូចខាតធ្ងន់ធ្ងរបំផុត
