16/05/2026
នៅក្នុងដំណើរនៃការកសាង មន្ទីរព្យាបាលធ្មេញសន្តិភាព ខ្ញុំតែងតែជឿជាក់ថា “ស្នាមញញឹម” មិនមែនគ្រាន់តែសម្រស់ខាងក្រៅនោះទេ ប៉ុន្តែវាជាផ្នែកមួយនៃទំនុកចិត្ត ក្តីសង្ឃឹម និងគុណភាពជីវិតរបស់មនុស្សម្នាក់ៗ។ ✨
ដូចនេះ មូលហេតុដែលយើងបង្កើតមន្ទីរព្យាបាលធ្មេញមក គឺមិនត្រឹមតែសម្រាប់ព្យាបាលបញ្ហាធ្មេញប៉ុណ្ណោះទេ
តែយើងកំពុងកសាងកន្លែងមួយ ដែលមនុស្សគ្រប់រូបអាចមានអារម្មណ៍ថា ត្រូវបានយកចិត្តទុកដាក់ ត្រូវបានគោរព និងទទួលបានទំនុកចិត្តឡើងវិញ នៅពេលដែលពួកគេញញឹម។
ក្នុងនាមខ្ញុំជាអគ្គនាយិកា ខ្ញុំយល់ថាការថែទាំសុខភាពមាត់ធ្មេញដ៏ល្អ គួរតែមានស្តង់ដារខ្ពស់ សុវត្ថិភាព ទំនើប ជូនដល់ប្រជាជនកម្ពុជាគ្រប់រូប។
នេះជាហេតុផលដែលយើងបន្តវិនិយោគទៅលើបច្ចេកវិទ្យាថ្មីៗ ការបណ្តុះបណ្តាលក្រុមការងារ និងការអភិវឌ្ឍសេវាកម្មជាបន្តបន្ទាប់ ដើម្បីធានាថា អតិថិជនគ្រប់រូបទទួលបានបទពិសោធន៍ដ៏ល្អបំផុត។
អ្វីដែលធ្វើឱ្យខ្ញុំមានមោទនភាពបំផុត មិនមែនត្រឹមតែការរីកចម្រើនរបស់ក្រុមហ៊ុននោះទេ ប៉ុន្តែគឺជាការមើលឃើញការកើនឡើងនៃ ស្នាមញញឹម ទំនុកចិត្ត និងការផ្លាស់ប្តូរជីវិតរបស់អតិថិជនជារៀងរាល់ថ្ងៃ។ 🤍
ភាពជោគជ័យរបស់យើង ត្រូវបានកសាងឡើងពី “ការទុកចិត្ត”។
ហើយការទុកចិត្តរបស់អ្នក គឺជាកម្លាំងដែលជំរុញឱ្យពួកយើងបន្តដំណើរទៅមុខដោយក្តីស្រឡាញ់ ការទទួលខុសត្រូវ និងចក្ខុវិស័យវែងឆ្ងាយសម្រាប់វិស័យទន្តសាស្ត្រនៅកម្ពុជា 🇰🇭
