29/04/2025
❤️ចំណេះដឹងសុខភាពមាត់ធ្មេញកុមារ❤️
👉🏻 តើហេតុអ្វីកុមារត្រូវមកពិនិត្យធ្មេញ ពេលចាប់ផ្តើមដុះធ្មេញ ទឹកដោះដំបូង?
👉🏻ដំបូងអ្នកត្រូវយល់ដឹងពីការវិវត្តរបស់ធ្មេញអោយបានច្បាស់ជាមុនសិន ថាតើធ្មេញនីមួយៗវាវិវត្តយ៉ាងដូចម្តេចខ្លះទៅតាមអាយុកាលរបស់វា។
👉🏻ដំណាក់កាលធ្មេញទឹកដោះ
ជាទូទៅកុមារចាប់ផ្តើមដុះធ្មេញទឹកដោះ(Primary teeth) ដំបូងនៅចន្លោះអាយុ 6ទៅ7ខែ(ធ្មេញក្រោមខាងមុខ) រហូតដល់អាយុ24ទៅ32ខែ ទើបធ្មេញទឹកដោះដុះគ្រប់ចំនួន20ធ្មេញ (ខាងលើ10ធ្មេញ នឹង ខាងក្រោម10ធ្មេញ) ដែលដំណោះធ្មេញនីមួយៗដុះទៅតាមអាយុវបស់វា។
👉🏻ដំណាក់កាលធ្មេញព្រៃ
ធ្មេញស្រុក(Permanent Teeth) ចាប់ផ្តើមដុះដំបូងគេ គឺជាថ្គាមធំទី1 ដែលចាប់ផ្តើមនៅអាយុ6ទៅ7ឆ្នាំ រហូតដល់ 17ទៅ21ឆ្នាំ ដែលជាដំណោះធ្មេញចុងក្រោយ ដែលហៅថាថ្គាមទាល់(wisdom teeth)។ ធ្មេញស្រុកមានចំនួន32ធ្មេញ 16លើ នឹង 16ក្រោម ហើយដំណោះធ្មេញនីមួយៗគឺវាដុះទៅតាមអាយុផងដែរ។
👉🏻ដំណាក់កាលផ្លាស់ប្តូរធ្មេញទឹកដោះ មកធ្មេញព្រៃ
ដំណាក់នេះសំខាន់ណាស់ ព្រោះវាជាដំណាក់កាលដែលត្រូវផ្លាស់ប្តូរធ្មេញថ្មី
មកជំនួស។ នៅក្នុងដំណាក់កាលនឹង បើសិនជាធ្មេញទឹកដោះមានបញ្ហាណាមួយដែល
យើងមិនបានថែទាំអោយល្អទេ នោះដំណោះធ្មេញថ្មីនឹងមានការដុះចេញមកខុសប្រក្រតី។
ឧទាហរណ៍៖
- បើធ្មេញទឹកដោះមានសុខភាពល្អ ទំរង់ នឹងចន្លោះធ្មេញគ្រប់គ្រាន់ ដំណោះ
ធ្មេញស្រុក ដុះចេញមក នឹងមានទំរង់ស្អាតល្អ ឬខុសតិចតួច។
- បើសិនក្នុងករណីធ្មេញទឹកដោះ មានបញ្ហាណាមួយ ដូចជារោគពុកធ្មេញ(មិនបានធ្វើការព្យាបាលទប់ស្កាត់) ឬគ្រោះថ្នាក់ណាមួយដែលបណ្តាលអោយប៉ះពាល់ដល់ធ្មេញ នោះនៅពេលដែលធ្មេញស្រុកដុះចេញមក វាអាចខុសប្រក្រតីដូចជា ដុះខុសជួរ ឬ ធ្មេញកប់ក្នុងឆ្អឹង។ 👉🏻បញ្ហាភាគច្រើនកើតលើកុមា ដែលបណ្តាលអោយធ្មេញដុះខុសប្រក្រតី
- ការអនាម័យមាត់ធ្មេញមិនបានល្អ (ធ្វើអោយមានសំអេកធ្មេញច្រើន ដែលបណ្តាលអោយពុកធ្មេញ)
- មានស្មាមខ្មៅ ជាសញ្ញានៃរោគពុកធ្មេញ ដំណាក់កាលទី1 នឹង ទី2 (មិនបានធ្វើការព្យាបាលទប់ស្កាត់)
- ឈឺធ្មេញ (ក្នុងដំណាក់កាលទី3 នឹងទី4ដែលជាហេតុអាចធ្វើអោយធ្មេញដកមុនអាយុ)
- ខូចថ្គាមធំទី1មុនគេដោយសាររោគពុកធ្មេញ ដែលដុះនៅអាយុ6ទៅ7ឆ្នាំ (ភាគច្រើនឳពុកម្តាយយល់ច្រឡំថាធ្មេញទឹកដោះ ដែលផ្លាស់ធ្មេញថ្មី)
- ធ្មេញដែលពុកខូចអស់នៅសល់តែរឹសធ្មេញ មិនធ្វើការដកចេញ (ដែលជាបញ្ហាដល់ធ្មេញស្រុកមិនអាចដុះចេញមកបាន)
- ធ្មេញក្រោម គ្របលើធ្មេញខាងលើ (ធម្មជាតិគឺ ធ្មេញលើ គ្របលើធ្មេញក្រោម)
- ធ្មេញខាងមុខចំហរ (ដោយសារទំលាប់បៀបមេដៃ)
- ធ្មេញដុះខុសជួរ
👉🏻តើកុមារដែលមានបញ្ហាដូចចំនុចណាមួយខាងលើ តើយើងត្រូវធ្វើដូចម្តេច?
ឳពុកម្តាយគួរនាំកូនមកពេទ្យធ្មេញ ដើម្បីពិនិត្យ នឹងពីគ្រោះយោបល់ជាមួយគ្រូពេទ្យ រកដំណោះស្រាយ អោយធ្មេញកូនរបស់លោកអ្នកមានសុខភាពមាត់ធ្មេញឡើងវិញ។
ផលប្រយោជន័នៃការពិនិត្យធ្មេញកុមារ៖
- ទទួលបានការណែនាំល្អៗពីគ្រូពេទ្យ អោយកុមារមានសុខភាពមាត់ធ្មេញល្អ
- តាមដានការវិវត្តរបស់ធ្មេញកុមារ មានអ្វីខុសប្រក្រតីឬអត់
- ធានាថា តើធ្មេញរបស់កុមា មានបញ្ហារោគពុកធ្មេញដែរឬទេ
- នឹងការថែទាំធ្មេញកុមារ រៀងរាល់៦ខែម្តង ។
*ពេលខ្លះធ្មេញទឹកដោះមានសុខភាពល្អ ដុះត្រង់ជួរ នឹងត្រូវទីតាំងបានល្អ តែពេលផ្លាស់ប្តូរធ្មេញព្រៃបែរជាជំពឹសមិនស្អាត មិនត្រង់ជួរ វាក៏អាចបណ្តាលមកពីតំណរពូជផងដែល៕👋
