K.E.P Dental Clinic - ទន្តសាស្រ្តកែប

05/02/2019

អរគុណចំពោះការមកទស្សនា #ខេត្តកែប និងមកទទួលសេវាទន្តសាស្ត្រ ពី #ពេទ្យធ្មេញកែប ។ លោក រ៉ាហ្វរ ជនជាតិ កាណាដា ។

05/02/2019

ពេទ្យធ្មេញ កែប - KEP Dental Clinic
Krong Kaeb
https://maps.app.goo.gl/GPjMV

05/02/2019

បរទេសដែលរស់នៅឬមកទេសចរណ៍ #ខេត្តកែប ចាប់ផ្តើមស្គាល់នឹងមកទទួលសេវាមាត់ធ្មេញនៅ #គ្លីនិកធ្មេញកែប ។ នេះលោក ប៉ាតីតហ្វ្រេ ជនជាតិ បារាំង មកពិគ្រោះបញ្ហា Full Denture របស់គាត់ ៕

05/02/2019

ទោះចូលឆ្នាំចិនក៏យើងនៅតែបើកបំរើការអ្នកជំងឺតាមការណាត់ ។

04/02/2019

Good for young dental practitioner.
Download from her or email [email protected] https://1drv.ms/b/s!Au3ZBRNGJNYSg04AFaOyYlwmfigq

29/01/2019

Email to [email protected] or download from link below : https://1drv.ms/b/s!Au3ZBRNGJNYShKgmdkizTN7LPtVv3w

28/01/2019

ស្ត្រីមានផ្ទៃពោះ និងការយល់ដឹងពីសុខភាពមាត់ធ្មេញ!
Pregnancy and Oral health education!

សុខភាពមាត់ធ្មេញគឺមានសារៈសំខាន់ ហើយជាផ្នែកមួយដែលជួយអោយសុខភាពទូទៅមានភាពល្អប្រសើរ។ ដូច្នេះហើយការថែរក្សាសុខភាពមាត់ធ្មេញអោយបានល្អពេលមានផ្ទៃពោះ គឺសំខាន់សំរាប់ម្តាយ និងទារកដែលកំពុងកកើត និងរីកធំលូតលាស់ក្នុងផ្ទៃម្តាយ ដើម្បីជៀសវាងការបង្ករោគផ្សេងៗនៅក្នុងមាត់។

១) តើមានអ្វីប្រែប្រួលខ្លះនៅក្នុងមាត់ ពេលដែលស្ត្រីមានផ្ទៃពោះ?
- ងាយក្នុងការរលាកអញ្ចាញធ្មេញ និងឈាមតាមជើងធ្មេញ
- ងាយហើម និងដុះលូតវែងនៅអញ្ចាញធ្មេញ (Pregnancy Epulis Formation)
- កើតឡើងនូវពងបែកក្នុងមាត់ជាញឹកញាប់ (Recurrent Aphthae)

២) តើស្ត្រីមានផ្ទៃពោះអាចធ្វើធ្មេញបានដែរ រឺទេ?
ជាទូទៅពាក្យថាធ្វើធ្មេញ មានន័យទូលំទូលាយណាស់
- ការងារជាទូទៅដូចជា ការសំអាតធ្មេញ រឺប៉ះធ្មេញ មិនមានការប៉ះពាល់ និងការព្រួយបារម្មណ៍ឡើយ
- ការងារដូចជា ការដកធ្មេញ ការព្យាបាលធ្មេញ រឺការវះកាត់ក្នុងមាត់ ត្រូវមានការប្រឹក្សាជាមួយទន្តបណ្ឌិត និងទាមទារនូវការពិនិត្យតាមដាន និងការយកចិត្តទុកដាក់ខ្ពស់
- ការងារមួយចំនួនដែលធ្វើអោយសោភ័ណភាពប្រសើរ ដូចជា ពត់តំរង់ធ្មេញ គួររង់ចាំក្រោយសម្រាល
- ជាទូទៅ ខែដែលមានសុវត្ថិភាពខ្ពស់ចំពោះអ្នកជំងឺដែលមានផ្ទៃពោះ គឺត្រីមាសទី២ (ខែទី៤ ទី៥ និងទី៦) ចំពោះការព្យាបាលធ្មេញ

៣) ប្រសិនបើស្ត្រីមានផ្ទៃពោះឈឺធ្មេញនៅក្នុងត្រីមាសទី១ រឺត្រីមាសទី៣ គួរធ្វើដូចម្តេច?
- សូមប្រឹក្សាជាមួយទន្តបណ្ឌិតជំនាញ ដើម្បីរកវិធីសាស្ត្រជួយក្នុងការបំបាត់ការឈឺចាប់
- ការប្រើប្រាស់ថ្នាំដោយខ្លួនឯងមិនមានវេជ្ជបញ្ជា អាចបង្កគ្រោះថ្នាក់ដល់ម្តាយ និងកូនក្នុងផ្ទៃ
- ក្នុងករណីមានការរលាកស្រួចស្រាវដែលត្រូវធ្វើការព្យាបាលបន្ទាន់ដូចជា ការករខ្ទុះពីធ្មេញនាំអោយហើមមុខមាត់ ត្រូវមានការប្រឹក្សាពីគ្រូពេទ្យផ្នែកសម្ភព និងសហការជាមួយទន្តបណ្ឌិតយ៉ាងជិតស្និទ្ធក្នុងការជួយរកដំណោះស្រាយ សុវត្ថិភាពជូនអ្នកជំងឺ

៤) តើការថតកាំរស្មី X-ray សំរាប់ព្យាបាលធ្មេញប៉ះពាល់ដល់កូនក្នុងផ្ទៃដែរ រឺទេ?
- នៅក្នុងត្រីមាសទី១ ប្រសិនបើអាច គួរជៀសវាងការថត
- បើសិនជាត្រូវថត ខាងគ្រូពេទ្យនឹងមានអាវសំណការពារ ដែលផ្តល់សុវត្ថិភាពដល់ទារកក្នុងផ្ទៃ

៥) ហេតុអ្វីបានជាកុមារខ្លះ ពេលដុះធ្មេញមានពណ៌ក្រម៉ៅខ្លាំង?
ការប្រើប្រាស់ថ្នាំសះប្រភេទ Tetracycline នៅពេលស្ត្រីមានផ្ទៃពោះ គឺធ្វើអោយកូនកើតមកមានពណ៌ធ្មេញក្រម៉ៅខ្លាំង សូមជៀសវាងការប្រើថ្នាំសះប្រភេទនេះ។

៦) អនុសាសន៍៖
- សូមធ្វើអនាម័យមាត់ធ្មេញជាប្រចាំ
- ណាត់ជួបជាមួយទន្តបណ្ឌិតរៀងរាល់៦ខែម្តង ដើម្បីពិនិត្យសុខភាពមាត់ធ្មេញ។

«សូមលោក-លោកស្រីមកជួបពិគ្រោះ ជាមួយទន្តបណ្ឌិតនៅ ពេទ្យធ្មេញ កែប (KEP Dental Clinic) អំពីរោគវិនិច្ឆ័យ និងវិធីសាស្ត្រនៃការព្យាបាល ដើម្បីសុវត្ថិភាព គុណភាព និងប្រសិទ្ធភាពខ្ពស់។»

- Copy from Calmete Hospital

28/01/2019

The glory smile : សិរីសួស្តីពីស្នាមញញឹម ។ យើងឆ្ពោះទៅមុខជាមួយនឹងនិមិត្តសញ្ញានេះ ។

27/01/2019

ការថែរក្សា និងព្យាបាលធ្មេញកុមារ!

ជាទូទៅ កុមារចាប់ផ្តើមដុះធ្មេញពីអាយុ៦ខែ គឺធ្មេញខាងមុខក្រោមពីរ។ ពាក្យសាមញ្ញដែលបានប្រើសំរាប់ហៅធ្មេញនេះគឺ ធ្មេញទឹកដោះ រឺធ្មេញព្រៃ។ កុមារដុះធ្មេញអស់នៅអាយុ ២ឆ្នាំកន្លះ រឺ៣ឆ្នាំ សំរាប់ធ្មេញទឹកដោះដែលមានចំនួន២០ធ្មេញ គឺខាងលើ១០ធ្មេញ និងខាងក្រោម១០ធ្មេញ។ ធ្មេញទាំងអស់នេះនឹងចាប់ផ្តើមរង្គើផ្លាស់ប្តូរទៅជាធ្មេញស្រុក ចាប់ពីអាយុ៦ឆ្នាំ (ពេលវេលានៃការផ្លាស់ប្តូរធ្មេញទឹកដោះនីមួយៗគឺខុសៗគ្នាទៅតាមប្រភេទ និងទីតាំងធ្មេញ)។

១) ហេតុអ្វីបានជាការថែរក្សាធ្មេញកុមារមានសារៈសំខាន់?
- ធ្មេញបានផ្តល់នូវសោភ័ណភាព
- មិនឈឺធ្មេញ នាំអោយការទំពារអាហារល្អ
- ជួយអោយសុខភាពរាងកាយទាំងមូលល្អ
- បើបណ្តាលអោយពុកខូច នាំអោយកខ្ទុះ ហើមមុខមាត់ និងគ្រោះថ្នាក់
- ធ្មេញទឹកដោះជាលំនាំអោយធ្មេញស្រុកដុះត្រូវជួរ
- ថែរក្សាធ្មេញទឹកដោះ គឺកាត់បន្ថយនូវការដុះ រឺភាពមិនប្រក្រតីមួយចំនួន (ធ្មេញដុះខុសទីតាំងជាដើម)

២) នៅពេលធ្មេញកុមារឈឺ តើត្រូវតែដកធ្មេញនោះចេញរឺ?
- ពេលដែលកុមារឈឺធ្មេញ គ្រូពេទ្យធ្មេញអាចជ្រើសរើសយកវិធីព្យាបាលអាស្រ័យលើស្ថានភាពជាក់ស្តែងរបស់ធ្មេញ និងអាយុកុមារ៖
• បើមិនទាន់ដល់អាយុដូរធ្មេញ ហើយឬសធ្មេញនៅល្អ គ្រូពេទ្យអាចប្រើនូវវិធីព្យាបាលធ្មេញដោយ Pulpotomy (ការព្យាបាលដោយយកបណ្តូលធ្មេញខាងលើចេញ) ឬ Pulpectomy (ការព្យាបាលដោយយកបណ្តូលធ្មេញចេញទាំងអស់
• បើធ្មេញនោះពុកខូចខ្លាំង រឺគៀកនឹងអាយុដូរធ្មេញ គ្រូពេទ្យអាចដកធ្មេញនោះចេញ

៣) តើធ្មេញកុមារអាចប៉ះ រឺព្យាបាលបានដូចធ្មេញមនុស្សធំដែរឬទេ?
ជាការពិតណាស់ ធ្មេញកុមារពេលដែលពុក រឺប្រហោង គឺត្រូវប៉ះ ឬព្យាបាលបាន។ ករណីដែលពុកខូចធំ គឺអាចស្រោបធ្មេញនោះបានទៀតផង។

៤) តើការដកធ្មេញកុមារមុនពេលកំណត់ដែលត្រូវដូរ បង្កបញ្ហាឬទេ?
- ការដកធ្មេញទឹកដោះមុនពេលកំណត់យូរ នាំអោយធ្មេញស្រុកដុះខុសទីតាំង
- ធ្មេញជិតខាងទ្រេតចូល នាំអោយធ្មេញថ្មីដុះខុសជួរ
ក្នុងករណីធ្មេញដកមុនពេលកំណត់ គ្រូពេទ្យធ្មេញអាចមានវិធីធ្វើឧបករណ៍ពាក់ក្នុងមាត់សំរាប់រក្សាចន្លោះទុកអោយធ្មេញស្រុកដុះ ដែលគេហៅថា Space Maintainer appliance

៥) តើត្រូវទុកធ្មេញកុមារអោយរង្គើជ្រុះតាមធម្មជាតិរឺ?
- ក្នុងករណីដល់ពេលត្រូវផ្លាស់ធ្មេញថ្មី ហើយធ្មេញទឹកដោះមិនរង្គើ គឺត្រូវដកធ្មេញទឹកដោះនោះចេញ ដើម្បីកុំអោយធ្មេញថ្មីដុះចូលក្នុង រឺចេញក្រៅ។
- ការតាមដានដោយការថតកាំរស្មី X-ray គឺសំខាន់ដើម្បីពិនិត្យលើពន្លកធ្មេញស្រុក។

៦) អនុសាសន៍មួយចំនួនសំរាប់ថែរក្សាធ្មេញទឹកដោះ
- យកកន្សែងស្អាត ដោយផ្សើមជាមួយទឹកស្អាត រួចជូតធ្មេញទឹកដោះក្រោយពេលបំបៅ រឺញ៉ាំអាហាររួច (ចំពោះកុមារមិនទាន់ចេះដុសធ្មេញ)
- កុំអោយកុមារបៀមក្បាលដបទឹកដោះគោក្នុងមាត់រយៈពេលវែង
- ចាប់ពីអាយុ៣ឆ្នាំ គួរតាមដានជាមួយទន្តបណ្ឌិត រាល់៦ខែម្តង រឺអាយុតិចជាងនេះ បើមានបញ្ហាក្នុងមាត់ សូមមកពិគ្រោះជាមួយទន្តបណ្ឌិតឯកទេសនៃមន្ទីរពេទ្យកាល់ម៉ែត។

ដូចនេះសូមយកកូនរបស់លោកអ្នកមកតាមដានជាញឹកញាប់ចាប់ពីអាយុ៥ឆ្នាំឡើង រហូតដល់ពេលដូរធ្មេញទឹកដោះអស់នៅអាយុ ១១ ឬ ១២ឆ្នាំ។
“សូមយល់ថា ធ្មេញកុមារត្រូវការថែរក្សាដូចធ្មេញស្រុកដែរ ហើយអាចព្យាបាល ឬប៉ះបាន”

23/01/2019