عيادة د.رأفت عماد لطب وتجميل الاسنان/Dr.Raafat Emad

10/09/2026

🦷 ليش طبيب التقويم يحوّل المراجع لطبيب الحشوات قبل ما يبدي التقويم؟

لأن التقويم مو مجرد تركيب جهاز وبداية العلاج… لازم أولاً نتأكد إن الأسنان خالية من التسوسات والمشاكل اللي تحتاج علاج.

وجود التقويم يصعّب عملية تنظيف الأسنان، وإذا أكو تسوسات موجودة من البداية، ممكن تتطور أثناء فترة التقويم وتسبب ضرر أكبر للسن.

لهذا، علاج التسوسات وإكمال الحشوات قبل التقويم مو خيار إضافي… وإنما خطوة أساسية للحفاظ على الأسنان خلال فترة العلاج. 🤍

نرتب الأسنان، بس قبلها لازم نحافظ عليها. 🦷✨

📩 لحجز موعد أو الاستفسار، راسلونا على الخاص.

09/09/2026

🎒📚 بمناسبة رجوع أطفالنا الحلوين للمدارس، سوّينا لكم عرض خاص على تنظيف الأسنان + تطبيق الفلورايد للأطفال 🦷🤍

الفلورايد يساعد على تقوية الأسنان وتقليل خطر التسوس خلال فترة الدراسة، حتى يبقى تركيز أطفالنا على المدرسة والقراءة أكثر، ومشاكل الأسنان أقل. ✨

وطفلتنا الحلوة لانا كانت واحدة من أطفالنا اليوم، واهتمّينا بأسنانها بتنظيف وتطبيق الفلورايد استعداداً للمدرسة 🎀🦷

📩 للحجز والاستفسار راسلونا

30/08/2026

29/08/2026

عود الأسنان مو دائماً الحل لتنظيف بقايا الأكل! 🦷

الاستخدام المتكرر أو الخاطئ لعود الأسنان ممكن يسبب جروح والتهابات باللثة، ومع الوقت ممكن يؤدي إلى تراجع اللثة وظهور فراغات بين الأسنان.

البديل الأفضل لتنظيف ما بين الأسنان هو خيط الأسنان أو الخيط المائي، بطريقة صحيحة ولطيفة على اللثة.

لأن تنظيف الأسنان مهم… بس الأهم نختار الطريقة الصحيحة حتى نحافظ على أسناننا ولثتنا. 🤍

28/08/2026

🦷 سويت حشوة جذر؟ لا تعتبر العلاج انتهى!

بعد علاج الجذر، السن غالباً يكون فاقد جزء مهم من بنيته بسبب التسوس، الحشوة القديمة، أو التحضير لعلاج الجذر، وهذا يخليه أكثر عرضة للكسر.

لهذا، بعد علاج الجذر نحتاج نقيّم السن ونشوف إذا يحتاج تغليف (Crown) حتى نحميه من قوى المضغ ونقلل خطر انكساره.

لأن الهدف مو بس نعالج العصب…
الهدف نحافظ على السن لأطول فترة ممكنة. 🤍

📍 موقع العيادة: مجمع النسيم – شارع البوليفارد – فوق مطعم صاج الريف
🗓️ متواجدين كل أيام الأسبوع، حتى يوم الجمعة
⏰ من الساعة ٣ إلى ٩ مساءً

25/08/2026

🦷✨ اليوم قررنا نجرب الفلورايد على دكتورتنة!

تجربة بسيطة، بس مهمة حتى نعرف أكثر عن خطوات تطبيق الفلورايد وفائدته في الوقاية من التسوس وتقوية الأسنان.

والنتيجة؟ دكتورتنا صارت جزء من التجربة 😂🤍

الوقاية دائماً أسهل من العلاج… وفحص الأسنان الدوري والفلورايد ممكن يكونون خطوة مهمة للحفاظ على صحة الأسنان.

17/08/2026

الابتسامة مو ترند… الابتسامة حاجة. 🤍

إذا الأسنان سليمة، مو كل تغيير بالابتسامة يحتاج برد وفينير.
مرات نكدر نوصل لنتيجة حلوة بـ تنظيف، تبييض، أو حشوات بسيطة.

أما إذا الأسنان متكسرة، متضررة، أو بيها حشوات كبيرة ومتكررة، هنا ممكن نحتاج نفكر بخيار يعيد ترميم السن ويحافظ على الباقي منه.

القرار مو بالترند… القرار بالتشخيص، وحاجة الأسنان.

14/08/2026

«دكتور، أني أحتاج زرعتين لو ثلاثة؟»
هذا من أكثر الأسئلة اللي توصلني من المراجعين.

بس عدد الزرعات مو شي نحدده بالتخمين أو من خلال الرسائل.
بعد الفحص والاستشارة وتقييم الحالة، نحدد شنو العلاج الأنسب وكم زرعة يحتاجها المريض فعلاً.

لأن مرات المريض يتوقع يحتاج 3 أو 4 زرعات، بينما التخطيط الصحيح ممكن يحقق نفس الهدف بعدد أقل.

مو عدد الزرعات هو اللي يحدد نجاح العلاج… التخطيط الصحيح هو الأساس. 🦷