25/04/2021
احدى مشاكل الاسنان
المراجع : دكتور رحت لفلان طبيب سوالي رحاتي حشوة جذر بجلسة وحدة بس الحشوة البرة انكسرت واريد اسويها
اني: خلي نسوي اشعة افضل
بعد الاشعة
اني: صديقي هذي مو حشوة جذر هاي تحنيط فترة ويرجع الالم
المراجع: لا دكتور حشوة جذر متاكد
بعد نقاش طويل
المراجع : دكتور حشوة جذر شكم جلسة؟
اني: حبيبي ٤ او ٣ جلسات حسب السن
المراجع: لا دكتور هواي سويلياها بجلسة
اني: والله ميصير
المراجع : لا دكتور ترهم فلان طبيب ديسويها هيج انتو تدورون فلوس براسنه.
اني: خلص حبيبي ارجع للطبيب خلي يسويها الك اني احب يكون الشغل نظيف ومرتب ومضبوط وميصير بجلسة وحدة
( دائما احنه ندور مستعجل ورخيص منفكر انه السن هو جزء من عدنا ولازم نعالج ومنفرط بيه لان ميتعوض والاستعجال والتماهل حيخسرنه السن ، لازم نفكر بالسن قبل مانفكر بالشغلات الفوك ونطلب اشعة من الطبيب بعد الشغل حتى نتاكد الشغل مضبوط )
