Dr. Luma/د. لمى اخصائية اسنان الأطفال وذوي الاحتياجات الخاصه

  • Home
  • Iraq
  • Baghdad
  • Dr. Luma/د. لمى اخصائية اسنان الأطفال وذوي الاحتياجات الخاصه
Call Directions

Dr. Luma/د. لمى اخصائية اسنان الأطفال وذوي الاحتياجات الخاصه �طبيبة اسنان ماجستير اسنان اطفال وذوي
احتياجات خاصة (غازضاحك_بنج عام)
�دبلوم مهني تقويم الاسنان
🔹(نستقبل جميع الاعمار)
⚖️الحساب محمي قانونيا
🔹١٩٩١

بكلوريوس طب وجراحة الفم والاسنان 2014/2013
ماجستير اسنان الاطفال2019
سرتفكيت وتدريب عملي على علاجات الاسنان تحت البنج العام 2019
دبلوم مهني تقويم الاسنان 2022

18/10/2026

⁨ من يبدي الدوام والأطفال بالمدرسة،
هواية تجيني أمهات مخبوصات: 'دكتورة ابني وكع بالمدرسة وانكسر سنه.. هذا دائمي لو لبني؟ يتعوض لو راح بعد؟!'
حتى متظلون بحيرة وتعرفون تتصرفون بسرعة، جمعتلكم بهذا المخطط كل سن شوكت يطلع بالضبط (الفك الفوك والجوه) حسب العمر بالسنوات.

احفظوا المنشور يمكم وشاركوه ويا كل أم وأب عدهم أطفال بالمدرسة، لأن هاي المعلومة كلش مهمة وممكن تنقذ سن طفلكم بأي لحظة! 🦷📌

⁩

17/10/2026

من خلال تعاملي ويّا هوايه من أطفال ذوي الهمم وعوائلهم، تعلّمت أنو أكو أمور وتفاصيل بحياتهم ما نعرفها، وما نحس بصعوبتها إلا من نسمع منهم ونفهم تجاربهم.

لهذا أحب أحچي ويّا الأهل وأسألهم عن يومياتهم والتحديات اللي يواجهوها، مو من باب الحكم على اختياراتهم، وإنما حتى أفهم أكثر شنو اللي يمرّون بيه.

ومن خلال هالأحاديث، لاحظت أنو هوايه من الأهالي يتريثون بقرار إنجاب طفل ثاني؛ قسم منهم حتى يركزون على رعاية طفلهم الأول وتدريبه ويوفرون إله كل اللي يحتاجه، وقسم منهم عندهم مخاوف من احتمال تكرار نفس التجربة. وطبعاً كل عائلة إلها ظروفها وأسبابها الخاصة.

وبنفس الوقت، حتى الأمور اللي ممكن نشوفها بسيطة، مثل تسوّس الأسنان أو صعوبة تفريشها، مرات تكون وراها تحديات أكبر مما نتخيّل، ولهذا ما أحب أحكم على الأهل من مجرد اللي أشوفه بالعيادة.

وبزيارتنا الأخيرة، فرحت لأن لاحظت فرق بحركة بنوتتنا. جانت ما تكدر توكف، وهسه صارت تكدر توكف بإسناد، بعد التمارين والعلاج الطبيعي. وإن شاء الله يستمر تقدّمها ويجي يوم نشوفها تمشي على رجليها. 🤍

الحوار اللي بالفيديو صار بعفوية ويّا أهلها، وهم مرحّبين بنشره ومنتظرين نزوله، فحبيت أشاركه وياكم كجزء من يوميات عيادتنا، ومن التفاصيل اللي نتعلّم منها من أهل أطفالنا.

16/10/2026

من الحالات القريبة لقلوبنا من كربلاء.. 🤍
بطلنا من ذوي طيف التوحد،
يتميز بحفظ القرآن الكريم وتجويده ورفع الأذان.
تمت معالجة أسنانه قبل سنة تحت التهدئة الوريدية (IV Sedation) بسبب رهاب علاج الأسنان، بعد إحالته من قبل الزملاء الأطباء في كربلاء.
واليوم في زيارته الدورية لمتابعة أسنانه، أهدانا هذه اللحظة اللطيفة وهو يؤذن داخل العيادة.
الاحتواء النفسي وبناء الثقة هو المفتاح الأول في طب أسنان ذوي الهمم ✨

13/10/2026

مرات أبسط سوالفنا ويه الطفل، وراها هدف مهم 🤍🦷

بهذا المقطع، طبيبة التخدير دتحچي ويه طفل قبل التخدير الوريدي لعلاج أسنانه، وتحاول تكسر حاجز الخوف وتخليه مرتاح ومطمئن قبل الإجراء.

ومن ضمن سوالفها، سألته: «شنو تريّكت اليوم؟» 😄

يمكن السؤال يبين عادي، بس بالحقيقة إله أهمية طبية كبيرة؛ لأن قبل التخدير لازم نتأكد من التزام الطفل بتعليمات الصيام، حسب الوقت المحدد من فريق التخدير.

يعني لو جان الطفل متريّك فعلاً، جان ممكن نحتاج نأجل الإجراء حفاظاً على سلامته.

فالتعامل اللطيف ويه الطفل مو بس حتى نخفف خوفه، وإنما حتى نهيّئه نفسياً للعلاج، مع الالتزام بكل إجراءات السلامة قبل التخدير. 🤍

شكراً لكل طبيب يعرف شلون يجمع بين العلم، والاهتمام، والإنسانية بالتعامل ويه أطفالنا. 🌷

12/10/2026

تتخيلون انو الأسنان البالغ عنده ٣٢ سن، وبعض ذوي الهمم يجونه نشوف كل هل ٣٢ سن متسوسة وواصلة مرحلة قلع!!

شنو اللي يوصل شخص من ذوي الهمم لهاي المرحلة من التسوسات اللي تسوي ألم قوي وورم (لا أكل ولا نوم من الألم)؟

وبعضهم من شدة الألم يصيرون أعصاب لدرجة يضربون أهلهم أو يضربون نفسهم بحيث نشوف ملطخين وجههم أو إيديهم من الألم.

أغلب أسباب هيج حالات أنو تصير بيهم أشخاص غير ناطقين وإدراكهم قليل، فيمكن ما يگدرون يحچون ولا يعبرون عن اللي يحسّوه من وين يجيهم الألم، حتى ما يقبلون يفتحون حلكهم أو يخلّون أحد ينظف أسنانهم.

وبنفس الوقت أغلب أطباء الأسنان ميستقبلوهم لأن ما يگدرون يحصلون منهم تعاون حتى يعالجون أسنانهم.

بالتالي تتراكم التسوسات إلى أن توصل مرحلة حتى الأهل اللي منايموه من عياط الألم اللي يصير!!

الحل الأنسب لعلاج أسنان ذوي الهمم بالذات اللي غير ناطقين وإدراكهم قليل، أنو نعالج أسنانهم تحت تأثير مهدئ منوم بالوريد أو بنج عام حسب اللي نشوفه الأنسب بالمعاينة.



10/10/2026

🦷 من الحالات النادرة اللي نشوفها بطب الأسنان هي التحام سنّين سوه، بس الأندر من هذا إنّه نشوف ٣ أسنان لبنية ملتحمة ببعض!

هاي الحالة لطفلة عمرها ٦ سنوات، قلعتلها السن، وكانت المفاجأة إنّه مو سن واحد بالشكل المعتاد، وإنما ٣ أسنان لبنية ملتحمة .

حالة مميزة ونادرة، وحبيت أشاركها وياكم حتى تشوفون شكد ممكن نواجه حالات مختلفة ومميزة بطب أسنان الأطفال. 💙

One of the rarest teeth I ever extract!
Fusion of teeth No. #81 #82 #83
Child age:6yrs old

09/10/2026

اذا شاب او شابة من ذوي الهمم
بالذات فئة معينه (مينطبق على الكل) همه:
غير ناطق ، غير متعاون ، ميقبل يفتح حلكه ، ميقبل اهله يفرشون اسنانه (اله بالتجتيف اذا كدروا)، و ميسطرون على نوعية الاكل الي ياكله ، واصله اسنانه تقريبا اغلبيتها جذور !!

1️⃣هنا الاهل يسئلون بعد قلع الجذور ، نكدر نسوي تركيبات او طخم او زراعه ؟
علميا وعالميا اي شخص من ذوي الهمم ماعنده ادراك وغير ناطق وغير متعاون و محد ميكدر يعالج اسنانه اله تحت بنج عام
ميصير نسويله اي تركيبات او زراعه لان مراح ادوم بحلكه ، بأعتبار ميكدر ينظف اسنانه ولا يقبل احد يفتح حلكه وينظف اسنانه ، و اي شي صناعي يحتاج عنايه اكثر من السن الطبيعي
فأذا سويناها راح يعاني من التهابات لثه ونزيف وألم وممكن توكع وره فتره او يصير خُراج
بعدين هوه متأقلم باكل على جعب الجذر صار سنين ، فلمن نقلعه ويروح الورم والالم هم يستمر ياكل بنفس الطريقه ، لان صار سنين متعود يمشي اموره بدون مضغ على اسنان حقيقيه

2️⃣الاهل لمن يسمعون هيج
كبل يكولون (دكتوره انتي سويها وبعدين حنيلش نفرش اسنانه عكب العمليه)

ناخذه بالعقل والمنطق ، من جان طفل ويكدرون يلزموه مكدروا يفرشون اسنانه
شحال هسه صار شابه او شابه ويحتاج تجتيف بالقوه من عدة اشخاص حته يكدرون يفتحون حلكه
فأكيد بالعنف مراح يفرشون زين ولا يكدرون يطبقون هيج خطوه بشكل روتيني

08/10/2026

البنوته الحلوه جانت عايشه خارج العراق ، رغم هذا بس مرات اشوف اطفال همه عايشين طول عمرهم بالعراق بس كل حجيهم انكليزي ويفهمون عربي بس مو قوي (من المدارس الاهليه)
وهنا البنوته اجتي عدها تسوسات حاولوا يعالجوها بعيادات سابقه بس هيه تخاف من عدة اشياء بس اكثر شي shots الابره💉 ، بحيث مكدروا يكملون شغل الاسنان وتفاقم الوضع يمها
و صار ورم عدها
طبعا الغاز الضاحك هم منفع وياها ،
فعالجنه اسنانها تحت تأثير منوم بالوريد

06/10/2026

هل مشاكل الأسنان عند ذوي الاحتياجات الخاصة تختلف عن باقي الأطفال؟


ذوي الهمم همه حالات مختلفه ، يعني حته الي من نفس النوع مثلا توحد نلكه بيه درجات مختلفه منهم الي متعاونين وعدهم ادراك ومنهم غير ناطقين وماعدهم ادراك وهل شي ينطبق على متلازمة داون والضمور وغيرها من المتلازمات او الامراض الايضيه و الوراثيه

بالمعاينه راح نشوف وضع الشخص ونطي نصائح للاهل بطرق العنايه بالفم وشون نكدر نعالج اسنانه حسب وادراكه. ووضعه الصحي

Address

Baghdad
10021

Telephone

+9647715734873

Website

Alerts

Be the first to know and let us send you an email when Dr. Luma/د. لمى اخصائية اسنان الأطفال وذوي الاحتياجات الخاصه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category