Glitz Dental Clinic Formerly American Dental

20/07/2026

আজি (২০জুলাই, ২০২৬) নিয়মীয়া বাৰ্তা বাতৰিকাকতৰ স্বাস্থ্য শিতানত

18/07/2026

গৰ্ভৱতী নাৰীৰ দাঁত আৰু মুখৰ যত্ন
সুস্থ মাতৃ, সুস্থ সন্তান—মুখৰ স্বাস্থ্যৰ পৰাই আৰম্ভ হওক
ডাঃ অজিত পটঙ্গীয়া
BDS (Gauhati University), DDS, MS (University of Texas, USA)
গৰ্ভাৱস্থা এগৰাকী নাৰীৰ জীৱনৰ আটাইতকৈ আনন্দময় যদিও অতি সংবেদনশীল সময়। এই সময়ছোৱাত মাকৰ প্ৰতিটো শাৰীৰিক পৰিৱৰ্তনৰ প্ৰভাৱ গৰ্ভস্থ সন্তানৰ ওপৰতো পৰে। দুখৰ বিষয় এই যে, এই সময়ত বহুতে পুষ্টি, ঔষধ বা স্বাস্থ্য পৰীক্ষাৰ ওপৰত গুৰুত্ব দিলেও দাঁত আৰু মুখৰ স্বাস্থ্যক প্ৰায়ে অৱহেলা কৰে। অথচ সুস্থ দাঁত আৰু সুস্থ মুখ কেৱল মাকৰ বাবেই নহয়, গৰ্ভস্থ সন্তানৰ সুস্থ বিকাশৰ বাবেও সমানেই গুৰুত্বপূৰ্ণ।
এবাৰ এগৰাকী নৱগৰ্ভৱতী মহিলাই তীব্ৰ দাঁতৰ বিষত অতিষ্ঠ হৈ মোৰ চেম্বাৰত আহি কাতৰভাৱে ক'লে—"চাৰ, যিকোনো উপায়ে এই দাঁতটো আজি উঠাই দিয়ক।"
পৰীক্ষা কৰাৰ পাছত জানিলোঁ যে তেওঁ মাত্ৰ দুমাহৰ গৰ্ভৱতী। তেওঁৰ যন্ত্ৰণা দেখি সহানুভূতি অনুভৱ কৰিলেও সেই মুহূৰ্তত দাঁত উঠোৱাটো উপযুক্ত নাছিল। মই গৰ্ভাৱস্থাত নিৰাপদ ঔষধ দি সংক্ৰমণ নিয়ন্ত্ৰণৰ ব্যৱস্থা কৰিলোঁ আৰু উপযুক্ত সময়লৈ অপেক্ষা কৰিবলৈ পৰামৰ্শ দিলোঁ।
আচলতে, তেওঁ গৰ্ভধাৰণ কৰাৰ পূৰ্বেই একে দাঁতৰ সমস্যাৰে মোৰ ওচৰলৈ আহিছিল। তেতিয়াই দন্তক্ষয়ত বেয়াকৈ ভাঙি যোৱা দাঁতটো উঠাই দিবলৈ পৰামৰ্শ দিছিলোঁ। কিন্তু ঔষধ খোৱাৰ পিছত বিষ কমি যোৱাত তেওঁ দাঁতটো উঠুওৱাৰ সিদ্ধান্ত পিছুৱাই দিলে। ফলত গৰ্ভধাৰণৰ পিছত সমস্যাটো অধিক জটিল হৈ পৰিল।
এই ঘটনাই এটা গুৰুত্বপূৰ্ণ শিক্ষা দিয়ে—দাঁতৰ চিকিৎসা কেতিয়াও অযথা পিছুৱাই ৰাখিব নালাগে, বিশেষকৈ সন্তান ধাৰণৰ পৰিকল্পনা থাকিলে।
গৰ্ভাৱস্থাত মুখৰ স্বাস্থ্য কিয় বেয়া হ'ব পাৰে?
গৰ্ভাৱস্থাত ইষ্ট্ৰ'জেন আৰু প্ৰ'জেষ্টেৰন আদি হৰমনৰ মাত্ৰা যথেষ্ট বৃদ্ধি পায়। ইয়াৰ ফলত দাঁতৰ আলু অধিক সংবেদনশীল হৈ পৰে আৰু মুখৰ ভিতৰত থকা বিজাণুৰ প্ৰতি শৰীৰৰ প্ৰতিক্ৰিয়াও সলনি হয়। ফলস্বৰূপে দাঁতৰ আলু, দাঁত আৰু মুখগহ্বৰত বিভিন্ন সমস্যা দেখা দিব পাৰে।
গৰ্ভাৱস্থাত দেখা দিব পৰা মুখ আৰু দাঁতৰ সাধাৰণ সমস্যা
১। গৰ্ভাৱস্থাজনিত আলুপ্ৰদাহ (Pregnancy Gingivitis)
এইটো আটাইতকৈ সাধাৰণ সমস্যা। দাঁতৰ আলু ৰঙা আৰু ফুলা হয়, ব্ৰাছ বা ফ্লছ কৰাৰ সময়ত সহজে তেজ ওলায়। সঠিক পৰিচৰ্যা নকৰিলে এই অৱস্থা অধিক জটিল হ'ব পাৰে। অধিকাংশ ক্ষেত্ৰত সন্তান জন্মৰ পিছত এই সমস্যা নিজে নিজেই কমি যায়।
২। পেৰিয়'ডণ্টেল ৰোগ
দাঁতৰ আলু আৰু হনুৰ হাড়ত হোৱা এই সংক্ৰমণ যথেষ্ট গুৰুতৰ। গৱেষণাই দেখুৱাইছে যে গুৰুতৰ পেৰিয়'ডণ্টেল ৰোগ থাকিলে কম ওজনৰ শিশু জন্ম, সময়ৰ আগতে প্ৰসৱ, আনকি বিকলাংগ বা মৃত সন্তান জন্মৰ আশংকাও বৃদ্ধি পাব পাৰে। সেয়েহে গৰ্ভাৱস্থাৰ পূৰ্বেই এই ৰোগৰ চিকিৎসা সম্পূৰ্ণ কৰা উচিত।
৩। গৰ্ভাৱস্থাজনিত গ্ৰেনুল'মা
কিছুমান গৰ্ভৱতী নাৰীৰ দাঁতৰ আলুত ৰঙা, কোমল আৰু সহজে তেজ ওলোৱা সৰু মাংসপিণ্ডৰ দৰে বৃদ্ধি দেখা যায়। ইয়াক Pregnancy Granuloma বোলা হয়। যদিও ই কেন্সাৰ নহয় বা বিপদজনক নহয়, তথাপি আহাৰ গ্ৰহণ বা কথা কওঁতে অসুবিধা কৰিব পাৰে। অধিকাংশ ক্ষেত্ৰত সন্তান জন্মৰ পিছত নিজে নিজেই নাইকিয়া হয়।
৪। মুখ শুকাই থকা
হৰমনৰ পৰিৱৰ্তনৰ ফলত কেতিয়াবা লালটিৰ নিঃসৰণ কমি যায়। লালটিয়ে দাঁত পৰিষ্কাৰ কৰি ৰখা, হজমত সহায় কৰা আৰু মুখৰ স্বাভাৱিক আর্দ্ৰতা বজাই ৰখাত গুৰুত্বপূৰ্ণ ভূমিকা পালন কৰে। মুখ শুকাই থাকিলে দাঁতৰ ক্ষয় আৰু মুখৰ দুৰ্গন্ধ বৃদ্ধি পোৱাৰ সম্ভাৱনা থাকে।
৫। দাঁতৰ এনামেল ক্ষয়
গৰ্ভাৱস্থাৰ আৰম্ভণিতে সঘনাই বমি হ'লে পাকস্থলীৰ অম্ল দাঁতৰ এনামেল ক্ষয় কৰিব পাৰে। ফলত দাঁত সিৰসিৰায় আৰু ঠাণ্ডা বা গৰম খাদ্য খাওঁতে বিষ অনুভৱ হয়।
গৰ্ভাৱস্থাত দাঁত আৰু মুখৰ যত্ন কেনেদৰে ল'ব?
১। পুষ্টিকৰ আহাৰ গ্ৰহণ কৰক।
কেলচিয়াম, প্ৰটিন, আইৰন, জিংক, চেলেনিয়াম, ভিটামিন-ডি, ভিটামিন-চি আৰু অন্যান্য প্ৰয়োজনীয় পুষ্টি উপাদানসমৃদ্ধ সুষম আহাৰ গ্ৰহণ কৰক। ফল-মূল, সেউজীয়া শাক-পাচলি, গাখীৰ আৰু গাখীৰজাত খাদ্য নিয়মীয়াকৈ খাব লাগে।
২। দিনে দুবাৰ দাঁত ব্ৰাছ কৰক।
পুৱা আৰু শোৱাৰ আগতে অন্ততঃ দুমিনিট ধৰি ভাল টুথপেষ্টেৰে সঠিক পদ্ধতিৰে দাঁত ব্ৰাছ কৰক।
৩। প্ৰতিদিনে ফ্লছ ব্যৱহাৰ কৰক।
ফ্লছে দাঁতৰ মাজত জমা হোৱা খাদ্যকণা আৰু প্লাক আঁতৰাই পেৰিয়'ডণ্টেল ৰোগৰ আশংকা যথেষ্ট কমায়।
৪। এলক'হলবিহীন মাউথৱাছ ব্যৱহাৰ কৰক।
দন্ত চিকিৎসকৰ পৰামৰ্শমতে এলক'হলবিহীন এণ্টিমাইক্ৰ'বিয়েল মাউথৱাছ ব্যৱহাৰ কৰিলে মুখৰ বিজাণুৰ সংখ্যা নিয়ন্ত্ৰণত থাকে।
৫। পৰ্যাপ্ত পানী পান কৰক।
মুখ শুকাই যোৱা ৰোধ কৰিবলৈ দিনটোৰ ভিতৰত প্ৰচুৰ পৰিমাণে পানী খাব লাগে।
৬। নিয়মীয়াকৈ দন্ত চিকিৎসকৰ পৰামৰ্শ লওক।
গৰ্ভাৱস্থাত অন্ততঃ এবাৰ সম্পূৰ্ণ দাঁত আৰু মুখৰ পৰীক্ষা কৰোৱাটো বাঞ্ছনীয়।
গৰ্ভাৱস্থাত দন্ত চিকিৎসা কৰোতে কি কি সাৱধানতা ল'ব?
দন্ত চিকিৎসকৰ ওচৰলৈ যাওঁতে আপুনি যে গৰ্ভৱতী, সেই কথা প্ৰথমেই জনোৱা উচিত। ইয়াৰ ফলত চিকিৎসকে ঔষধ, বিষনাশক, এক্স-ৰে বা অন্য চিকিৎসা পদ্ধতিৰ ক্ষেত্ৰত সঠিক সিদ্ধান্ত ল'ব পাৰে।
গৰ্ভাৱস্থাৰ প্ৰথম তিনি মাহ আৰু শেষৰ তিনি মাহত অতি প্ৰয়োজন নোহোৱা দাঁত উঠোৱা বা ডাঙৰ অস্ত্ৰোপচাৰ এৰাই চলাই ভাল। যদি অত্যাৱশ্যকীয় চিকিৎসাৰ প্ৰয়োজন হয়, তেন্তে স্ত্ৰীৰোগ বিশেষজ্ঞ আৰু দন্ত চিকিৎসকৰ পৰামৰ্শ অনুসৰি চিকিৎসা কৰা উচিত।
অৱশ্যে দাঁতৰ আলু পৰিষ্কাৰ কৰা (Scaling) আৰু মুখৰ সংক্ৰমণ নিয়ন্ত্ৰণ কৰা অভিজ্ঞ দন্ত চিকিৎসকৰ দ্বাৰা নিৰাপদভাৱে কৰিব পাৰি। ইয়াৰ ফলত দাঁতৰ আলুৰ ৰোগ নিয়ন্ত্ৰণত থাকে আৰু মাতৃ-শিশু দুয়োৰে স্বাস্থ্যৰ বাবে উপকাৰ হয়।
উপসংহাৰ
গৰ্ভাৱস্থা কোনো ৰোগ নহয়; ই জীৱনৰ এক পৱিত্ৰ আৰু স্বাভাৱিক অধ্যায়। কিন্তু এই সময়ছোৱাত দাঁত আৰু মুখৰ স্বাস্থ্যৰ প্ৰতি অৱহেলা কৰিলে ইয়াৰ প্ৰভাৱ কেৱল মাতৃৰ ওপৰতেই নহয়, গৰ্ভস্থ সন্তানৰ ওপৰতো পৰিব পাৰে। সেয়েহে সন্তান ধাৰণৰ পৰিকল্পনা কৰাৰ আগতেই সম্পূৰ্ণ দাঁত আৰু মুখৰ পৰীক্ষা কৰোৱা, গৰ্ভাৱস্থাত নিয়মীয়া মুখৰ পৰিচৰ্যা বজাই ৰখা আৰু যিকোনো সমস্যা হ'লে দেৰী নকৰি দন্ত চিকিৎসকৰ পৰামৰ্শ লোৱাটোৱেই বুদ্ধিমত্তাৰ পৰিচয়।
মনত ৰাখিব—সুস্থ দাঁত, সুস্থ হাঁহি; সুস্থ হাঁহি, সুস্থ মাতৃত্ব।
লেখকৰ পৰিচয়: ডা: অজিত পটঙ্গীয়া, প্ৰাক্তন মুৰব্বী, দন্ত চিকিৎসা বিভাগ, এপল’ হস্পিতাল, ঢাকা। (আমেৰিকা, কানাডা, চৌদি আৰব আদিত দন্ত চিকিৎসা সেৱা আগবঢ়োৱাৰ অভিজ্ঞতা সম্পন্ন)। যোগাযোগ: ৮৬৩৮১৪০০০৬

Send a message to learn more

12/07/2026

ডেন্টেল ইমপ্লেন্ট: হেৰুৱা দাঁতৰ স্থায়ী সমাধান

ডা: অজিত পটঙ্গীয়া

আমাৰ দেশত আধুনিক দন্ত চিকিৎসা সেৱাৰ মান যথেষ্ট উন্নত হৈছে। তথাপিও সচেতনতাৰ অভাৱ, দন্ত ক্ষয়, আলুৰ ৰোগ আৰু বিভিন্ন দুৰ্ঘটনাৰ বাবে আজিও লাখ লাখ মানুহে নিজৰ প্ৰাকৃতিক দাঁত হেৰুৱাব লগা হয়।

দাঁত হেৰুৱাৰ পাছত বহুতে পৰম্পৰাগত কৃত্ৰিম দাঁত বা 'ডেনছাৰ' (Denture) ব্যৱহাৰ কৰে, কিন্তু ইয়াৰ অভিজ্ঞতা বহু সময়ত বৰ সুখকৰ নহয়। মোৰ এটা ব্যক্তিগত অভিজ্ঞতালৈ মনত পৰে— মই সৰু থাকোঁতে মোৰ দেউতাই ভাৰতীয় সৈন্যবাহিনীৰ বেছ হস্পিটালত চিনাকী সূত্ৰে সম্পূৰ্ণ কৃত্ৰিম দাঁত লগাইছিল। পিছে অলপ আঠালতীয়া আহাৰ খালেই সেই দাঁত মুখৰ পৰা ওলাই আহিছিল। ইয়াৰ বাবে তেওঁ সমাজত কেইবাবাৰো লাজ পাবলগীয়া হৈছিল আৰু অতিষ্ঠ হৈ অৱশেষত সেই যোৰ দলিয়াই পেলাইছিল।

একেদৰে, মই চিকিৎসক হোৱাৰ পাছত 'নেপক' (NEEPCO)-ৰ এজন অভিযন্তা মোৰ ওচৰলৈ আহিছিল। তেওঁ একেলগে দুযোৰ ডেনছাৰ বনাই লৈছিল। কাৰণ সোধাত তেওঁ ক'লে যে শ্বিলঙত হোৱা এখন গুৰুত্বপূৰ্ণ মিটিঙৰ পাছত আহাৰ খাওঁতে মাংসৰ টুকুৰা চোবাওঁতেই তেওঁৰ ডেনছাৰ ধৰি ৰখা প্লেটখন ফাটি গৈছিল। ফলত তেওঁ আধাপেটে উঠি আহিবলগীয়া হৈছিল। এইবোৰ ঘটনাই প্ৰমাণ কৰে যে পুৰণি পদ্ধতিৰ খোলা-মেলা কৰা কৃত্ৰিম দাঁতে মানুহক কিমান অসুবিধা আৰু মানসিক কষ্ট দিব পাৰে।
পুৰণি পদ্ধতি বনাম আধুনিক ডেন্টেল ইমপ্লেন্ট

কিছু বছৰ আগলৈকে দাঁত হেৰুৱালে মূলতঃ দুটা বিকল্প আছিল:

নিজে খোলা-মেলা কৰিব পৰা প্লেট যুক্ত ডেনছাৰ।

কাষৰ সুস্থ দাঁতৰ সহায় লৈ স্থায়ীকৈ লগাই দিয়া ব্ৰিজ (Bridge)।

কিন্তু চিকিৎসা বিজ্ঞানৰ অগ্ৰগতিৰ ফলত আজিকালি কৃত্ৰিম দাঁত লগোৱাৰ আটাইতকৈ আধুনিক, বিজ্ঞানসন্মত আৰু সুবিধাজনক ব্যৱস্থাটো হৈছে 'ডেন্টেল ইমপ্লেন্ট' (Dental Implant)। ই হৈছে প্ৰকৃত দাঁতৰ দৰেই দেখিবলৈ একে, চিৰামিক বা জাৰকন (Zirconia) আদি পদাৰ্থৰে নিৰ্মিত কৃত্ৰিম দাঁত, যাক মুখৰ হনুৰ হাড়ত এটা ধাতুৰ স্ক্ৰুৰ সহায়ত স্থায়ীকৈ বহুৱাই দিয়া হয়। ইয়াৰ সহায়ত হাঁহিবলৈ, কথা পাতিবলৈ বা টান আহাৰ চোবাই খাবলৈ কোনো অসুবিধা নহয়; ই সম্পূৰ্ণ আচল দাঁতৰ দৰেই কাম কৰে।
সকলোৰে বাবে ডেন্টেল ইমপ্লেন্ট উপযুক্তনে?

প্ৰশিক্ষিত চিকিৎসকৰ অভিজ্ঞতাই দেখুৱাইছে যে ইমপ্লেন্টটোক ধৰি ৰাখিবলৈ মুখৰ হনুৰ হাড় পৰ্যাপ্ত পৰিমাণে স্বাস্থ্যকৰ আৰু গাঢ় (Dense) হোৱাটো জৰুৰী। সাধাৰণতে দাঁত সৰোৱা বা মুখৰ সৰু-সুৰা শল্য চিকিৎসা কৰিব পৰা শাৰীৰিক সক্ষমতা থকা যিকোনো লোকেই ডেন্টেল ইমপ্লেন্ট লগাব পাৰে।

মন কৰিবলগীয়া দিশসমূহ:

ইমপ্লেন্ট কৰোৱা ব্যক্তিসকল মুখৰ স্বাস্থ্যৰ প্ৰতি অধিক সচেতন হোৱা উচিত আৰু নিয়মীয়াকৈ চিকিৎসকৰ ওচৰত মুখ পৰীক্ষা কৰোৱা আৱশ্যক।

অনিয়ন্ত্ৰিত ডায়েবেটিছ, হৃদৰোগ, থাইৰয়ডৰ গুৰুতৰ সমস্যা, লিউকেমিয়া, মানসিক ৰোগত ভোগা ব্যক্তি, মুখমণ্ডলৰ কেন্সাৰৰ বাবে ৰেডিয়েছন লৈ থকা লোক, অত্যন্ত ধূমপায়ী আৰু কম সহনশীল ব্যক্তিৰ ক্ষেত্ৰত বিশেষ পৰীক্ষা-নিৰীক্ষা কৰিহে ইমপ্লেন্টৰ সিদ্ধান্ত লোৱা হয়।

ডেন্টেল ইমপ্লেন্ট কেনেকৈ কৰা হয়?

প্ৰত্যেক ৰোগীৰ মুখৰ অবয়ব আৰু প্ৰয়োজন অনুসৰি ইয়াৰ চিকিৎসা পৰিকল্পনা সুকীয়া হয়।

প্ৰথম পৰ্যায় (Implant Placement): টাইটেনিয়াম ধাতুৰে তৈয়াৰী এটা অত্যন্ত ক্ষুদ্ৰ স্ক্ৰু সদৃশ ইমপ্লেন্ট হেৰুৱা দাঁতটোৰ ঠাইৰ হনুৰ হাড়ত বহুৱাই দিয়া হয়। লাহে লাহে এই ধাতুৰ স্ক্ৰুটো চাৰিওফালৰ হাড়ৰ লগত প্ৰাকৃতিকভাৱে মিলি (Osseointegration) মজবুত হৈ পৰে।

দ্বিতীয় পৰ্যায় (Crown Placement): ইমপ্লেন্টটো স্থিৰ হোৱাৰ পাছত মুখৰ ভিতৰৰ দাঁত আৰু আলুৰ সঠিক জোখ লোৱা হয়। বাকী থকা দাঁতৰ ৰঙৰ লগত হুবহু মিলাই এটা কৃত্ৰিম দাঁত (Crown বা Cap) প্ৰস্তুত কৰি ইমপ্লেন্টৰ ওপৰৰ অংশত খাপ খাই পৰাকৈ লগাই দিয়া হয়।

যিহেতু ইয়াৰ গুৰিটো আচল দাঁতৰ দৰেই হাড়ৰ ভিতৰত টানকৈ লাগি থাকে, সেয়ে ই দেখাত আৰু ব্যৱহাৰত অবিকল প্ৰাকৃতিক দাঁতৰ দৰেই অনুভৱ হয়। আনকি হনুৰ হাড় কম থকাৰ বাবে ডেনছাৰ লগাব নোৱাৰা ৰোগীৰ ক্ষেত্ৰতো বিশেষ ইমপ্লেন্ট ব্যৱহাৰ কৰি ডেনছাৰখন সুস্থিৰ কৰিব পৰা যায়।
এই প্ৰক্ৰিয়াটো কিমান বেদনাদায়ক?

বহুতৰে ধাৰণা যে ইমপ্লেন্ট কৰিলে প্ৰচুৰ কষ্ট হয়। কিন্তু প্ৰকৃততে এই প্ৰক্ৰিয়াটোত স্থানীয়ভাৱে অবশ কৰা ঔষধ (Local Anesthesia) ব্যৱহাৰ কৰা হয়। ই দাঁত সৰোৱাতকৈও অতি সহজ আৰু বেদনাৰহিত পদ্ধতি। এজন প্ৰশিক্ষিত আৰু অভিজ্ঞ দন্ত চিকিৎসকে মাত্ৰ ১৫ ৰ পৰা ৩০ মিনিটৰ ভিতৰত এই সমগ্ৰ প্ৰক্ৰিয়াটো সম্পন্ন কৰিব পাৰে। অৱশ্যে অতি বিৰল ক্ষেত্ৰত স্নায়ু বা ওপৰৰ হনুৰ চাইনাছত সামান্য আঘাত লাগিব পাৰে, যাৰ বাবে দক্ষ চিকিৎসকৰ প্ৰয়োজন।
ডেন্টেল ইমপ্লেন্টৰ মূল সুবিধাসমূহ

সুন্দৰ মুখাবয়ব: ই হনুৰ হাড়ৰ লগত স্থায়ীকৈ লাগি থকা বাবে দেখাত আৰু অনুভৱত একেবাৰে নিজৰ প্ৰাকৃতিক দাঁতৰ দৰে হয়, যাৰ ফলত মুখৰ সৌন্দৰ্য্য অটুট থাকে।

স্পষ্ট উচ্চাৰণ: পুৰণি ডেনছাৰৰ দৰে ই পিছলি যোৱাৰ ভয় নাথাকে। ফলত কোনো সংকোচ নোহোৱাকৈ স্পষ্টকৈ কথা পাতিব পাৰি।

পৰম আৰামদায়ক: ই মুখৰ ভিতৰত শৰীৰৰ এটা অংগৰ দৰেই মিলি যায়। সেয়েহে সোলোক-ধোলোক কৰাৰ কোনো আমনি নাথাকে।

সহজতে আহাৰ গ্ৰহণ: ইমপ্লেন্টৰ সহায়ত আপুনি আপোনাৰ প্ৰিয় খাদ্যসমূহ কোনো অসুবিধা নোহোৱাকৈ চোবাই খাব পাৰে।

বৰ্ধিত আত্মবিশ্বাস: ই মানুহৰ হেৰুৱা আত্মবিশ্বাস ঘূৰাই আনে আৰু মুখলৈ কঢ়িয়াই আনে এটা স্বাভাৱিক, মৰম লগা হাঁহি।

মুখৰ সামগ্ৰিক সুস্বাস্থ্য: পৰম্পৰাগত 'ব্ৰিজ' কৰিবলৈ কাষৰ দুটা সুস্থ দাঁত কাটি সৰু কৰিবলগীয়া হয়, কিন্তু ইমপ্লেন্টৰ ক্ষেত্ৰত কাষৰ দাঁতৰ কোনো ক্ষতি কৰাৰ প্ৰয়োজন নহয়।

দীৰ্ঘস্থায়িত্ব: মুখৰ স্বাস্থ্য আৰু পৰিষ্কাৰ-পৰিচ্ছন্নতা সঠিকভাৱে বজাই ৰাখিলে এটা ডেন্টেল ইমপ্লেন্টে সমগ্ৰ জীৱন ধৰি সংগ দিয়ে। অৱশ্যে সাধাৰণ দাঁতৰ দৰেই ইয়াৰ ওপৰৰ কৃত্ৰিম কেপটো কেতিয়াবা ক্ষয় গ'লে বা ভাঙিলে তাক মেৰামতি বা পুনৰ নিৰ্মাণ কৰি ল'ব পৰা যায়।

গতিকে, কৃটিম দাঁতৰ আমনিদায়ক সমস্যাৰ পৰা মুক্তি পাই এক সুন্দৰ, আত্মবিশ্বাসী হাঁহি আৰু সুস্বাস্থ্য লাভ কৰিবলৈ ডেন্টেল ইমপ্লেন্ট নিঃসন্দেহে এক সৰ্বোত্তম আধুনিক উপায়।

লেখকৰ পৰিচয়: ডা: অজিত পটঙ্গীয়া, প্ৰাক্তন মুৰব্বী, দন্ত চিকিৎসা বিভাগ, এপল’ হস্পিতাল, ঢাকা। (আমেৰিকা, কানাডা, চৌদি আৰব আদিত দন্ত চিকিৎসা সেৱা আগবঢ়োৱাৰ অভিজ্ঞতা সম্পন্ন)। যোগাযোগ: ৮৬৩৮১৪০০০৬

11/07/2026

কিছুমানে মোক দেখাবলৈ আহি কয় - " আপোনাৰ ক্লিনিক ইমান চাফা-চিকুন, ফিঁজো কম, চিকিৎসাও ভাল, বহুতো আধুনীক যন্ত্ৰ-পাতিও ব্যৱহাৰ কৰে, কিন্ত চয়মাইলৰ এখন ক্লিনিকলৈ গুগুলত শ শ পজিটিভ ৰিভিউ দেখি গ'লো, , ইমান লেটাৰা, ঘীণ লাগি গ'ল।" আজিকালি হাজাৰত পজিটিভ ৰিভিউ টকা দিলেই গোটাব পাৰি। সেইদৰে আজিকালি কিছুমান ৰাজনৈতিক দ'লো তেনেকুৱা, মাথোন টকা খৰছ কৰি পজিটিভ ৰিভিউ মানুহৰ মাজত প্ৰচাৰ কৰাই জয়ী হৈ যায়।

09/03/2026

Dental Implant by USA educated Dentist

09/03/2026

Dental Treatment by USA educated Dentist

04/03/2026

As the semi-final match between India and England approaches, we're reminded that a strong foundation is crucial for success, much like the importance of dental bridges in maintaining a healthy smile. Just as a well-crafted dental bridge can restore confidence and functionality to one's oral health, a strong team can propel a nation towards victory. As we cheer for Team India on March 5th, 2026, let's remember that even the smallest cracks can have significant consequences - just as a gap between teeth can lead to future problems. Book your appointment today and let us help you build a strong foundation for a healthier, happier you.

04/03/2026

As Holi, the festival of colors, approaches on March 4th, we're reminded of the importance of preserving our pearly whites amidst the vibrant celebrations. A healthy smile is not just a source of confidence but also a reflection of overall well-being. At Glitz Best Dentist India, we're committed to helping you achieve a radiant smile through our expert tooth fillings services.

Whether you're indulging in gujiyas or playing with colors, our dedicated team is here to ensure your oral health remains a top priority. Book your appointment today and let us help you shine bright with a healthy, beautiful smile!

travel inspiration wanderlust adventure travelblogger instatravel travelphotography explore discover nomad wanderful

03/03/2026

03/03/2026

As the Holi festival approaches, it's a perfect opportunity to reflect on the significance of color and vibrancy in our lives. At Glitz Best Dentist India, we believe that a healthy smile is a vital part of our overall well-being, and our dental crowns are designed to bring a touch of brightness to your daily life. Whether you're celebrating Holi or simply going about your day, a confident smile can make all the difference. So, take a moment to appreciate the little things that bring joy to your life, and remember to prioritize your oral health with a visit to our dental clinic.