Dental world

17/08/2025

02/11/2023

aligners braces correction kerala

25/10/2023

dental clinic & Ortodontic centre

21/10/2021

"സാറെ ഭാര്യക്ക് ഭയങ്കര പല്ലു വേദനയാണ് പക്ഷെ അവൾ പ്രഗ്നൻറ് ആണ് .എന്തെങ്കിലും ചെയ്യാൻ പറ്റുമോ ?"
കഴിഞ്ഞ ദിവസം ഹോസ്പിറ്റലിൽ എത്തിയപ്പോൾ കാർ മാറ്റി പാർക്ക് ചെയ്യാനായി കീ വാങ്ങിക്കാൻ ഓടി വന്ന സെക്യൂരിറ്റിയുടെ ചോദ്യമായിരുന്നു ഇത്.
ഒപിയിൽ വരുന്ന രോഗികളിൽ നിന്ന് ഒരിക്കലെങ്കിലും ഇത്തരമൊരു ചോദ്യം കേൾക്കാത്ത ദന്ത ഡോക്ടർമാരുണ്ടാകില്ല ..
അതായത് ഗർഭിണിയാണ് ,അത് കൊണ്ട് ചികിത്സ ചെയ്യാനാവില്ലല്ലോ.. പിന്നെ എന്തു ചെയ്യും?.

ഗർഭകാലത്ത് ദന്ത ചികിത്സ നടത്തുമ്പോൾ ഒരുപാട് ഘടകങ്ങൾ ശ്രദ്ധിക്കേണ്ടതുണ്ട്.
അടിയന്തിര പ്രാധാന്യമുള്ളതല്ലാത്ത പല ചികിത്സകളും മാറ്റി വെക്കാറാണ് പതിവ്‌.

പക്ഷെ ഗർഭിണികളിൽ ഏറ്റവും കൂടുതൽ വില്ലനാകാറുള്ളത് പല്ലു വേദനയാണ്.

പല്ലുവേദനയുടെ കാരണം പലതുമാകാം .
എങ്കിലും പല്ല് കേടായി അണുബാധ സംഭവിച്ചതായിരിക്കും മിക്കപ്പോഴും മൂലകാരണം.
അത്തരം സാഹചര്യങ്ങളിൽ ആ പല്ലിനുതകുന്ന ശരിയായ ചികിത്സ നൽകേണ്ടത് അത്യാവശ്യമാണ്.

പക്ഷെ പലപ്പോഴും ഇവിടെ ഗർഭാവസ്ഥ ഒരു തടസ്സം സൃഷ്ടിക്കും. അണുബാധകൾക്ക് നൽകുന്ന ആന്റിബയോട്ടിക്കുകളും വേദനസംഹാരികളും കുഞ്ഞിന്റെയും അമ്മയുടെയും സുരക്ഷ കണക്കിലെടുത്തു ശരിയായ അളവുകളിലും സാധരണ നൽകുന്ന തോതിലും നൽകാനാവില്ല.
അപ്പോൾ മതിയായ പരിഹാരം കാണാനാകില്ല.

പല ചികിത്സകളും ഗർഭകാലത്തെ മൂന്നു മാസങ്ങളടങ്ങുന്ന മൂന്നു ഘട്ടങ്ങളായി മാറ്റി അതിലെ രണ്ടാമത്തെ ഘട്ടത്തിൽ (സെക്കൻഡ് ട്രൈമെസ്റ്റർ -4,5,6 മാസങ്ങൾ ) ചെയ്യാറാണ് പതിവ്‌.

അടിയന്തിര സാഹചര്യങ്ങളിൽ ഗൈനക്കോളജിസ്‌റ്റിന്റെ സമ്മതപത്രത്തോടെ ചികിത്സ നൽകാറുണ്ട്.

ഈ ഗർഭകാലത്തെ പല്ലു വേദന നമുക്ക് തന്നെ ഒഴിവാക്കാവുന്നതാണ്.അതിനുള്ള എളുപ്പവഴികളാണ് ഇനി ചർച്ച ചെയ്യുന്നത്‌.!!!

എറ്റവും പ്രധാനപ്പെട്ടത് ഗർഭകാലത്തു ദന്താരോഗ്യം എല്ലാ സമയത്തെയും പോലെ കാത്തു സൂക്ഷിക്കുക എന്നതാണ്.

പൊതുവെ ഗർഭകാലത്തെ പല്ലു വേദനയുടെ മൂലകാരണം ഗർഭിണി ആകുന്നതിനും മുന്നെ സംഭവിച്ചതായിരിക്കും.
അതായത് ഗർഭിണിയാകുന്നതിനു മുന്നെ ദന്തക്ഷയം സംഭവിച്ചു (പോട്/പൊത്ത്) അതിനെ അവഗണിച്ചു ആ പല്ലിന്റെ വേരിനു താഴെ അണുബാധ വന്നാണ് പലപ്പോഴും ഗർഭിണികളിൽ പല്ല് വേദന ഉണ്ടാകുന്നത്.

ഇതൊഴിവാക്കാനുള്ള ഏറ്റവും നല്ല മാർഗം ഗർഭിണിയാകുമെന്ന് പ്രതീക്ഷിക്കുന്ന സമയത്തു ഒരു ദന്ത ഡോക്ടറെ സന്ദർശിച്ചു പല്ലുകളുടെ ആരോഗ്യ സ്ഥിതി മനസിലാക്കി ദന്തക്ഷയം സംഭവിച്ച പല്ലുകൾക്ക്
ഉചിതമായ ചികിത്സ നേടുക എന്നതാണ്.അടക്കാൻ കഴിയുന്ന പല്ലുകൾ അടക്കുക,വേര് ചികിത്സ (റൂട്ട് കനാൽ) ആവശ്യമായവക്ക് അത് ചെയ്യുക, എടുത്തു കളയേണ്ട പല്ലുകൾ എടുത്തു കളയുക തുടങ്ങിയ ചികിത്സകൾ എത്രയും പെട്ടെന്ന് നേടുക.

പക്ഷെ ഇവിടെ വില്ലനാകുന്നത് പൊതുവെ ഇന്ത്യയിൽ പ്രത്യേകിച്ചും കേരളത്തിൽ ഇപ്പഴും അത്ര പ്രചാരത്തിൽ ഇല്ലാത്ത കുടുംബാസൂത്രണത്തിന്റെ (ഫാമിലി പ്ലാനിങ് ) അപാകതയാണ്. അതു കൊണ്ട് തന്നെ ഗർഭിണി ആകുന്നതിനു മുന്നോടിയായി ദന്ത ഡോക്ടറെ സമീപിക്കുന്ന പതിവ്‌ നമ്മുടെ നാട്ടിൽ ഇല്ല താനും.

അപ്രതീക്ഷിതമായി ഗർഭിണികളാകുന്നവർ തുടക്കത്തിൽ തന്നെ ഒരു ഡെന്റൽ വിസിറ്റ് നടത്തിയാലും ഈ പ്രശ്നങ്ങൾ ഒഴിവാക്കാനാകും.

അതായത് സൂക്ഷിച്ചാൽ ദുഃഖിക്കണ്ട!!!

ഗർഭിണികളിലെ അമിതമായ ഛർദ്ദി മൂലം പല്ലുകളുടെ ഇനാമലിനു തേയ്മാനം സംഭവിക്കുന്നതിനും ,
അത് പിന്നീട് പുളിപ്പിനും,
തുടർന്ന് പല്ലിൽ പോടു വരുന്നതിനും കാരണമായേക്കാം..

ഈ സമയങ്ങളിൽ ഇടക്കിടക്ക് പല്ലു തേക്കുന്നത് ദന്താരോഗ്യം കാത്തു സൂക്ഷിക്കുന്നതിന് സഹായകമാകും.

ഗർഭിണികളിൽ കണ്ടു വരുന്ന മറ്റൊരു പ്രശ്നമാണ് മോണ വീക്കം (Gingivitis).
ഗർഭ കാലത്തെ ഹോർമോണുകളുടെ വ്യതിയാനവും കഴിക്കുന്ന മരുന്നുകളും ഇതിനു കാരണമാകാം.
ശരിയായ ദന്ത ശുചിത്വം കാത്തു സൂക്ഷിക്കുന്നതിലൂടെ ഒരു പരിധിവരെ ഇതു തടയാം.
ഇത്തരം സാഹചര്യങ്ങളിൽ
കൂടുതൽ സങ്കീർണ്ണമാകുന്നതിനു മുന്നെ ദന്തഡോക്ടറെ കണ്ടു മതിയായ ചികിത്സ തേടൽ അത്യാവശ്യമാണ്.

ചുരുക്കത്തിൽ ,
ഗർഭിണികളിലെ ദന്താരോഗ്യ പ്രശ്നങ്ങളിൽ പലതും മുൻകൂട്ടി കണ്ടു കൊണ്ട് ഒഴിവാക്കാവുന്നതാണ്.
കൃത്യമായ ഇടവേളകളിൽ ദന്ത ഡോക്ടറെ സമീപിച്ചു
നിർദ്ദേശങ്ങൾ അനുസരിച്ചു ആവശ്യമായ ചികിത്സകളും മുൻകരുതലുകളും എടുക്കുന്നതിലൂടെ ദന്താരോഗ്യ പ്രശ്‍നങ്ങൾ ഇല്ലാത്ത ഒരു ഗർഭകാലം സ്വയത്തമക്കാവുന്നതാണ്.!!!

ഡോ.മുഹമ്മദ് ഷാഫി പി.സി
ചീഫ് ഡെന്റൽ സർജൻ
ട്രസ്റ്റ് ഹോസ്പിറ്റൽ , രണ്ടത്താണി

16/08/2021

ഇന്ന് എല്ലാവർക്കും സുപരിചിതമായ ചികിൽസാ രീതിയാണ് റൂട്ട് കനാൽ.

എന്നിരുന്നാലും " റൂട്ട് കനാലൊക്കെ വേണോ, സാധാരണ അടയ്ക്കാൻ പറ്റില്ലേ?" എന്നതാണ് മിക്കവരുടെയും സംശയം.

എപ്പോഴാണ്, എന്തെല്ലാം സാഹചര്യങ്ങളിലാണ് റൂട്ട് കനാൽ ചെയ്യുന്നത് അല്ലെങ്കിൽ ചെയ്യേണ്ടി വരുന്നതെന്ന് കൂടുതൽ പേർക്കും ധാരണ ഇല്ലാത്ത ഒന്നാണ്.

പല്ലിന് മൂന്ന് പാളികളാണ് ഉള്ളത്. ഒന്ന്, ഇനാമൽ എന്ന ഏറ്റവും ആദ്യത്തെ പുറമേക്ക് കാണുന്ന പാളി, അതിന് തൊട്ടു താഴെ ഡെൻറ്റിൻ, ഏറ്റവും ഒടുവിൽ മൃദുവായ മൂന്നാമത്തെ പാളി ആണ് പൾപ്, അതായത് ഞരമ്പുകളും രക്തക്കുഴലുകളും അടങ്ങുന്ന പല്ലിൻ്റെ ജീവനുള്ള ഭാഗം.

ഈ പൾപ് എന്ന മൃദുവായ പാളിലേക്ക് പല്ലിൻ്റെ കേട് ബാധിക്കുമ്പോൾ പൾപ് ഇൻഫെക്റ്റഡ് ആകുന്നു, അഥവാ അണുബാധ ഉണ്ടാവുന്നു. അപ്പോഴാണ് സാധാരണയായി വേദന അനുഭവപ്പെട്ടു തുടങ്ങുന്നത്..

❓ എന്താണ് റൂട്ട് കനാൽ ചികിൽസ ?

പൾപിലെ അണുബാധയെ നീക്കം ചെയ്യുന്ന പ്രോസീജിയർ ആണ് റൂട്ട് കനാൽ..

റൂട്ട് കനാൽ ചികിത്സക്ക് ഇടയിൽ,
-> ബാക്ടീരിയ, മറ്റ് രോഗാണുക്കൾ എന്നിവയെ നീക്കം ചെയ്യുന്നു
-> ആ ഇടങ്ങൾ ഡിസിൻഫെക്റ്റ് ചെയ്യുന്നു
-> നീക്കം ചെയ്ത ഭാഗങ്ങൾ ഫിൽ ചെയ്യുന്നു
-> പല്ലിനെ സീൽ ചെയ്യുന്നു അഥവാ അട്ക്കുന്നു
-> പല്ലിന് ക്യാപ്പ്, അഥവാ crown ഇടുന്നു.

ഇത്രയും കാര്യങ്ങളാണ് ഒരു ഡെൻറ്റിസ്റ്റ് ചെയ്ത് അവസാനിപ്പിക്കുന്നത്.

റൂട്ട് കനാൽ ചികിത്സ എന്നാൽ വേര് എടുത്ത് മാറ്റുകയാണ് അഥവാ വേരറുക്കൽ ആണ് എന്ന മിഥ്യ ധാരണ പലരിലും ഉണ്ട്, അതിനാൽ പലരും ഈ ചികിൽസാ രീതിയെ ഭയപ്പെടുന്ന തോ അവഗണിക്കുന്നതോ ആയി തോന്നാറുണ്ട്.

എന്നാൽ, റൂട്ട് കനാൽ ചികിൽസയിൽ ഇൻഫെക്ഷൻ ഉള്ള വേരിനുള്ളിലെ ഭാഗങ്ങൾ മാത്രമാണ് നീക്കം ചെയ്യുന്നത് എന്നതാണ് സത്യാവസ്ഥ.

മറ്റൊന്ന് രണ്ട് തരത്തിൽ നമുക്ക് റൂട്ട് കനാൽ ചികിൽസയെ സമീപിക്കാവുന്നതാണ്, ഒന്നു Hand RCT അഥവാ കൈകൊണ്ട് ചെയ്യുന്നത്, അതായിരുന്നു ആദ്യകാലങ്ങളിൽ കൂടുതലായി ഉപയോഗിച്ചിരുന്നതും പിന്നീട് ശാസ്ത്രത്തിൻ്റെ വികസനം ന്യൂതന രീതിയിൽ Rotary RCT അഥവാ മെഷീൻ ഉപയോഗിച്ച് ചെയ്യുന്ന റൂട്ട് കനാൽ ചികിൽസയിലേക്ക് വഴിതെളിക്കുകയായിരുന്നു. ആദ്യത്തേതിനെ അപേക്ഷിച്ച് രണ്ടാമത്തേതിന് സമയം കുറച്ച് മതിയെന്നത് എടുത്ത് പറയേണ്ടതാണ്. സിംഗിൾ സിറ്റിങ്ങിൽ തന്നെ റൂട്ട് കനാൽ ചികിൽസ നടത്താനായി സഹായകരമാവുന്നതും ഇത്തരം രീതികൾ അവലംബിക്കാനാവുന്നത് കൊണ്ട് മാത്രം ആണ്.

❓ ഏതെല്ലാം സാഹചര്യങ്ങളിലാണ് റൂട്ട് കനാൽ ചെയ്യുന്നത്?

1. നിരന്തരമുള്ള വേദന
-----------------------------------
രാവും പകലും തുടരുന്ന വേദന റൂട്ട് കനാൽ ചികിൽസയിലേക്ക് നയിക്കാറുണ്ട്, ചില വേദനകൾ മുഖത്തേക്കും താടിയിലേക്കും വ്യാപിക്കുന്നതായി അനുഭവപ്പെടുന്ന അവസ്ഥകളിലും ഡോക്ടറുടെ നിർദേശത്തോടെ റൂട്ട് കനാൽ ചെയ്യേണ്ടതായി വരാറുണ്ട്.

2. ചൂടിനോടും തണുപ്പിനോടുമുള്ള സെൻസിറ്റിവിറ്റി
---------------------------------------------------
ചൂടും തണുപ്പും തട്ടുമ്പോൾ പല്ല് പുളിക്കുക, അല്ലെങ്കിൽ കടുത്ത വേദന അനുഭവപ്പെടുക, വേദന ഭക്ഷണം കഴിച്ച് കഴിഞ്ഞോ തണുത്ത പാനീയങ്ങൾ കുടിച്ച് കഴിഞ്ഞും തുടർന്ന് കൊണ്ടിരിക്കുക എന്നത് പൾപിലെ ഇൻഫെക്ഷൻ്റെ സൂചനകളാണ്.

ഇത്തരം സാഹചര്യങ്ങളിലും റൂട്ട് കനാൽ ആവശ്യമായി വരാറുണ്ട്.

3. പല്ലിൻ്റെ നിറം മാറ്റം
-------------------------------
പൾപിലേക്ക് ഇറങ്ങിയ കേട് പല്ലിൻ്റെ നിറം മാറ്റത്തിന് കാരണമാകാറുണ്ട്, വീഴ്ചകളോ ആക്സിഡറ്റുകളോ തുടർന്നുള്ള പല്ലിൻ്റെ നിറം മാറ്റം സാധാരണ റൂട്ട് കനാലിലേക്ക് നയിക്കപ്പെടാറുണ്ട്.

4.മോണവീക്കം
------------------------
വേദനയുള്ള പല്ലിൻ്റെ താഴെയുള്ള മോണ ഭാഗം വീങ്ങുന്നത് കാണാറുണ്ട്, മോണയിലേക്കും കൂടുതൽ ഇൻഫെക്ഷൻ പടരുന്നതിൽ നിന്നും രക്ഷയെന്നോണവും റൂട്ട് കനാൽ ചികിൽസ നടത്തേണ്ടതായുണ്ട്.

5. ഭാഗികമായി പൊട്ടി പോയ പല്ലുകൾ
-------------------------------------------------------
പൊട്ടി പോയ പല്ലുകളിലും കഠിനമായ വേദന അനുഭവപ്പെടുന്ന സമയത്ത് റൂട്ട് കനാൽ ചെയ്യേണ്ടതായി വരാറുണ്ട്.

6.ഇളക്കമുള്ള പല്ലുകൾ
----------------------------------
ഇൻഫെക്ഷൻ കാരണം പല്ലിന് ഇളക്കം സംഭവിക്കാറുണ്ട്, മോണയിലേക്കും അണുബാധ പടരുന്ന സമയത്താണ് ഇത് സാധാരണയായി കാണാറുള്ളത്.

റൂട്ട് കനാൽ ചികിൽസ ചെയ്ത് ഇൻഫെക്ഷൻ മാറ്റേണ്ടത് അത്തരം ഘട്ടങ്ങളിൽ അത്യാവശ്യമായി വരാറുണ്ട്.

❓ റൂട്ട് കനാൽ ചികിൽസക്ക് ശേഷം എന്ത്?

റൂട്ട് കനാൽ ചികിൽസ കഴിഞ്ഞാൽ നിർബ്ബന്ധമായും പല്ലിന് ക്യാപ്പ് അഥവാ Crown ഇടുക എന്നത് നിർബ്ബന്ധമായും ചെയ്യേണ്ട ഒന്നാണ്. റൂട്ട് കനാൽ ചികിൽസക്ക് ശേഷം പല്ലുകൾ പൊട്ടിപ്പോവാനുള്ള സാധ്യത തടയാനാണ് Crown ചെയ്യുന്നത്, അതിൽ ഉപേക്ഷ വരുത്തിയാൽ റൂട്ട് കനാൽ ചെയ്ത പല്ല് എടുത്ത് മാറ്റുകയെന്ന അവസ്ഥയിലേക്ക് ആവും കാര്യങ്ങൾ എന്നതും ഓർമ്മിക്കുക.

റൂട്ട് കനാൽ ചികിൽസയെ ഭയപ്പെടേണ്ടതില്ല, പല്ലിന് വേണ്ട ശ്രദ്ധ നൽകിയാൽ ഇത്തരം ചികിൽസകളെ ആശ്രയിക്കാതെ തന്നെ നല്ലൊരു ഓറൽ എൻവിറോൻമെൻറ് നമുക്ക് തന്നെ ഉണ്ടാക്കിയെടുക്കാനാവുമെന്നതും വസ്തുതയാണ്.

വിദഗ്ദരുടെ ഉപദേശങ്ങൾ ശ്രദ്ധിക്കുക, അവശ്യാനുസരണം അവരെ സമീപിക്കാനും മടി കാണിക്കാതിരിക്കുക.

- ഡോ.ഗായത്രി പി എം -
Credits dent info