19/08/2026
Ritstjórinn Jón Kristján Sigurðsson hafði þetta að segja um hvernig hann fann okkur og hvað skiptir hann máli:
Þegar ég vissi að það yrði ekki lengur um flúið að fara í alvöru tannviðgerð, lagðist ég í rannsóknarvinnu. Hrökk af vana í blaðamannsgírinn og kannaði alla kosti og galla, sú rannsókn varð til þess að ég valdi Kreativ Dental.
Það sem vó þyngst var reynslan og þekkingin innan tannlæknateymisins. Þar stendur yfirtannlæknir Kreativ Dental, Loui (Dr.Lajos Patonay) sérstaklega upp úr. Hann er bæði skurðlæknir og kjálkaskurðlæknir, þekktur um heim allan og kenndi við Semmelweis-háskólann við góðan orðstír. Hann hefur jafnframt tekið þátt í samstarfi á vegum Evrópusambandsins við þróun framtíðartækni í tannlækningum.
Annað sem skipti mig miklu máli var öryggið sem fylgir langri sögu og að þjónusta á íslensku hafi verið í boði á stofunni síðastliðin 10 ár. Það er auðvelt að tala um ábyrgð, en hvað verður um hana ef tannlæknastofa starfar í þrjú eða fimm ár og hverfur svo? Kreativ Dental er að renna inn í sitt 29. starfsár. Fyrir mér vegur það þungt. Sama á við um orðsporið og þá staðreynd að hægt er að sannreyna upplýsingar um tannlæknana sjálfa, meðal annars með því að fletta upp skráningarnúmerum þeirra, en Kreativ gefur upp fimm stafa númer sem allir tannlæknar í Ungverjalandi hafa.
Minn eini tannlæknaótti er að lenda á einhverjum sem er með takmarkaða reynslu og þekkingu. Þegar maður veit að maður er í góðum höndum hverfa allar áhyggjur og maður nýtur tímans í einni fegurstu borg heims.
Svo skiptir utanumhaldið miklu. Það er haldið utan um mann frá A til Ö, allt frá komu á flugvöll og áfram, þannig að maður þarf ekki að vera með áhyggjur af smáatriðunum. Mér finnst mikill munur á því að koma til Búdapest og ganga beint að afgreiðslu borði í komusal hjá tannlæknastofu sem tekur á móti fólki alls staðar að úr heiminum, með skipulagða þjónustu og áratuga sögu, eða að treysta á einhverja sem standa í komusalnum og veifa skiltum.
Þá verður ferðin líka meira en bara tannlæknisheimsókn. Arena-hótelið er orðið enn betra eftir að hafa verið tekið í gegn og staðsetningin er frábær. Neðanjarðarlestin er rétt handan við hornið og eftir fjögur stopp er maður kominn á aðaltorgið þar sem veitingastaðir, verslanir og borgarlífið taka við.
Haustið er svo sérstaklega góður tími til að skreppa til Búdapest. Maður getur framlengt íslenska sumarið, fengið smá sól og notið borgarinnar — og jafnvel klárað jólainnkaupin í leiðinni á hagstæðan hátt.
