20/03/2021
🦷 სარძევე კბილები
👩👦👦 თემა, რომელიც ყველა მშობელს აინტერესებს
👶 სარძევე კბილების ამოჭრისთვის პირის ღრუ და ღრძილები მზადებას იწყებს 3-4 თვიდან. პირველი კბილი - ცენტრალური საჭრელი კი ქვედა ყბაზე 6-7 თვიდან ამოიჭრება. 2-3 წლის ასაკში ბავშვს პირის ღრუში 20
კბილი აქვს. ამოჭრის ვადები სრულიად ინდივიდუალურია. კბილები ზოგჯერ ნაადრევად ამოიჭრება 3-4 თვეზე. ასევე, რიგ შემთხვევებში გვიანდება-ხოლმე მათი ამოსვლა. თუ კბილების ამოჭრა 3-4 თვით დაგვიანდა, ძალიან ნუ შეშფოთდებით. მაგრამ, თუ 1,5-2 წლის ასაკში, ბავშვს კბილები არ ამოსდის, ასეთ შემთხვევაში, აუცილებელია სპეციალისტის კონსულტაცია.
⏫ კბილების ამოჭრის ვადებზე, მრავალი მიზეზი ახდენს გავლენას, მაგ:
• გენეტიკური თავისებურება;
• გეოგრაფიული გარემო, სადაც ბავშვი იზრდება და ვითარდება;
• საკვების თავისებურება;
• ენდოკრინული სისტემის მდგომარეობა;
• გადატანილი ინფექციები;
• სხვადასხვა დაავადებები, რომლებიც ნივთიერებათა ცვლის დარღვევით მიმდინარეობენ;
• დედის მიერ გადატანილი დაავადებები და სხვა.
🚫 კბილების ამოსვლას, ზოგჯერ, თან ახლავს სხვადასხვა სახის დისკომფორტი, მაგ:
• გაძლიერებული ნერწყვდენა;
• ღრძილების შეშუპება;
• მტკივნეულობა;
• მტკივნეულობით გამოწვეული მოუსვენრობა;
• ჭირვეულობა;
🔆 კბილების ამოსვლას ზოგჯერ სხეულის ტემპერატურის მატება და ნაწლავური ინფექციები ახლავს თან.
🦠 როდესაც ღრძილები შეშუპებული და მტკივნეულია, ბავშვები ცდილობენ ყველაფერი პირში ჩაიდონ, რაც ზოგჯერ, ნაწლავური ინფექციის განვითარების და ცხელების მიზეზიც ხდება.
⏺ ამ პერიოდში, ტკივილის, ქავილის და დისკომფორტის შესამცირებლად, შეგიძლიათ გამოიყენოით სპეციალური გელები, ღრძილზე აპლიკაციისთვის. ასევე, შეგიძლიათ ბავშვს მისცეთ სპეციალური რეზინის რგოლი და სათამაშოები, რომელთა ღეჭვა, კბილის ამოსვლის პროცესს გაამარტივებს. მაქსიმალურად უნდა დაიცვათ ყველა იმ ნივთის სისუფთავე, რომელსაც ბავშვი პირში იდებს, რომ არ მოხდეს პირის ღრუში სხვადასხვა დაავადების გამომწვევი მიკრობების შეტანა და ინფექციის განვითარება.
❇ ზოგ შემთხვევაში, კბილების ამოსვლა, არავითარ პრობლემასთან არ არის დაკავშირებული და ეს პროცესი, სრულიად უმტკივნეულოდ მიმდინარეობას.
📣 გახსოვდეთ👇
❗პირის ღრუს ჰიგიენა იწყება პირველი კბილის ამოსვლისთანავე. ამისთვის მოწოდებულია სპეციალური ჯაგრისები და კბილის პასტები 0 წლიდან. ხდება როგორც ახლადამოჭრილი კბილების გაწმენდა, ასევე ღრძილების მასაჟი, რაც შემდგომი კბილების ამოსვლას ამარტივებს.🦷👶
