07/11/2022
اهمية الطربوش بعد حشو العصب:
1- أسباب ضعف الضرس .
🔴 الأول: لما الدكتور بيعمل حشو عصب لضرس بيكون غالبا نتيجة كسر او تسوس كبير في الضرس ده, كمان الدكتور بيحتاج يفتح فتحة معينة اسمها access cavity علشان يقدر يوصل للقنوات العصبية وينظفها كويس جدا. فالتسوس او الكسر مع حفر الدكتور للضرس بيضعفه طبعا أكتر. ودي أول نقطة.
🔴تاني حاجه ~ بتسبب ضعف الضرس وهي موت العصب نفسه, لأن القنوات العصبية اللي داخلها العصب بيكون داخلها أيضا الشعيرات الدموية اللي دورها توصيل العناصر الغذائية الضرورية للضرس زي الكالسيوم والفلورايد, وهذا القنوات طبعا بيتم ازالتها مع العصب وبالتالي الضرس لن يصل له غذاءه مرة تانيه. فأصبح “ضرس ميت” لكن موجود في مكانه.
🔴تالت سبب :الضرس لما العصب بتاعه يموت. طبيعي ميحصلش أي احساس في الضرس ده بعد كده الا اذا حصل فيه ألم نتيجة خراج أو عدوى بكتيرية. ودي ألمها بيكون عند نهاية جذر الضرس وليس مكان عصب الضرس. عدم الاحساس في الضرس بيتسبب في انه لو حدث تسوس في جسم الضرس مرة تانية لن تشعر به. وبالتالي يزيد التسوس مع الوقت ويضعف الضرس أكتر واكتر
٢_غيير لون الضرس بعد حشو العصب.
الضرس أو السن بعد فترة تتراوح من شهور لعدة سنوات ممكن يبدأ في تغيير لونه مع الوقت ويصبح أغمق من الأسنان المحيطة. لذلك فتغطية السن المتغير لونه بطربوش أو بعدسة تجميلية نفس لون أسنانك تحل هذه المشكلة. ولو طربوش هيكون أفضل لحماية الضرس أو السن من الكسر كما قلنا سابقا.
3- حماية علاج الجذور وحشو العصب حماية تامه من اي حاجه
📢يعني اي علاج جذور ؟👇
علاج الجذور هو علاج ل الأسنان اللي وصل فيها الإصابة للعصب وهو علاج بديل للخلع، يعني طريقة للحفاظ علي الأسنان الطبيعية أكبر وقت ممكن عن طريق تنظيف جذور وقنوات الأسنان من الأنسجة الحية الموجودة جواها ونشيلها وبعدين نحشي الفراغ اللي نتج عن التنظيف ده، وبكدا نكون قفلنا قناة الجذر ونحمي السن وباقي الأسنان وكمان الفك من الأضرار اللي كانت هتحصل لهم.🥳✔
