دكتور عبدالله عزت - Ezzat Clinic

  • Home
  • Egypt
  • Suez
  • دكتور عبدالله عزت - Ezzat Clinic
Call Directions

دكتور عبدالله عزت - Ezzat Clinic Contact information, map and directions, contact form, opening hours, services, ratings, photos, videos and announcements from دكتور عبدالله عزت - Ezzat Clinic, Cosmetic Dentist, السويس/شارع ناصر/أمام المدرسة الفندقية, Suez.
(1)

طب وجراحة الفم وتجميل الأسنان 🦷

للتواصل :-
01555039063

العنوان :-
السويس - بداية شارع ناصر - أمام المدرسة الفندقية

اللوكيشن :-
https://maps.app.goo.gl/85EsyMhu32TVCNCg7?g_st=com.google.maps.preview.copy

لحجز كشف أونلاين :-

https://wa.me/201552974961

كسبان خسران بدفع 🙂🥎أنا عايز ألعب مع ناس غير أخواتي عشان جايين عليا بخسارة بس عايز لعيبه مش عايز حد يضيع وقتي كفايه الكور...
18/10/2026

كسبان خسران بدفع 🙂🥎

أنا عايز ألعب مع ناس غير أخواتي عشان جايين عليا بخسارة بس عايز لعيبه مش عايز حد يضيع وقتي كفايه الكور اللي أنا بضيعها 😂

من يومين طلعت عالكورنيش قولت أجيب ٢ حلبسة والجو حلو ومسقع ❄️قولت للراجل بكام ياخويا..قاليفيه ب٢٠وفيه ب٣٠وفيه ب٤٠قولتله ه...
17/10/2026

من يومين طلعت عالكورنيش قولت أجيب ٢ حلبسة والجو حلو ومسقع ❄️

قولت للراجل بكام ياخويا..
قالي
فيه ب٢٠
وفيه ب٣٠
وفيه ب٤٠

قولتله هات اتنين ب٣٠ وبصراحة الراجل روق عليهم على الآخر 🤎

بدور في المحفظه على ٦٠ جنيه فكه ملقتش غير ١٠٠ جنيه مقفوله، وأنا بدهاله فيه حاجه قالتلي الراجل دا سهران في السقعه دي عشان لقمة عيشه اي يعني ال٤٠ جنيه باقي اللي هتاخدهم منه هيزودوك اي، سبهمله ياعم..

وهو بيدني باقي ال١٠٠ قولتله خلاص يا ريس واديته بوسه في الهوا 😘 { الواحد بياخد على الناس بسرعة أوي 😅 }

بصلي بابتسامة حلوة وقالي شكرااا..

مشيت ركبت عربيتي لقيته جاي ورايا بسرعة بيقولي خد الطبق دا { شوية حمص على ترمس زي العسل }

بالله عليكم مش الناس الحلوة الشقيانه على أكل عيشها دي أولى بكل جنية زيادة عن احتايجك..

بدل ما الجنيه دا يروح لناس بتقف في الإشارات، أو تيجي ترازينا وإحنا قاعدين في أي قهوة أو كافيه..

خلي الزيادة دي للي بيتعب في الدنيا عشان أكل عيشه 👌🏻

ربنا يرزق كل واحد بيشقى على لقمة عيشه من واسع فضله 💚

السعادة في ١٢ صورة 😌🌊☀️🤍
17/10/2026

السعادة في ١٢ صورة 😌🌊☀️🤍

عايزك تركز في أول صورة وتالت صورة وتشوف قد اي التسوس بيكون ظاهر من برا صغير بس أول ما نبدء نشيل منه نكتشف إنه مُتعمق في ...
17/10/2026

عايزك تركز في أول صورة وتالت صورة وتشوف قد اي التسوس بيكون ظاهر من برا صغير بس أول ما نبدء نشيل منه نكتشف إنه مُتعمق في السنة..

وبعدين ركز في أول صورة ورابع صورة بس المرة دي مش عايزك تركز على الحشو لإنه كدا كدا حلو كالعادة 😉

ركزلي على اللثة رجعت للونها وشكلها الطبيعي ازاي بعد أسبوع من العلاج ! ❤️

لإن الموضوع مش مجرد إني بعمل حشوة وخلاص بالعكس أنا بهتم بكل التفاصيل اللي حوالين السنة سواء كان فيه جير محتاج يتشال، أو لثة متورمة محتاجة علاج...

هدفي إني أعالج المشكلة من أساسها وأهتم بكل التفاصيل عشان النتيجة تطلع كاملة وجميلة👌🏻❤️

لو تعرف حد عنده نفس شكل التسوس، اعمله منشن أو ابعتله البوست عشان يعرف إن ليها علاج ❤️

16/10/2026

الاجواء روعه 🖤🌧️

السويس أروق محافظة في مصر واللي مجاش السويس قبل كدا ميعرفش الكلام دا 🌥️🌄
16/10/2026

السويس أروق محافظة في مصر واللي مجاش السويس قبل كدا ميعرفش الكلام دا 🌥️🌄

بما إني دكتور حشوات تجميلية، وبقابل ناس كتيررر جدًا مكسوفة من ضحكتها، حابب أقولكم أنا بقول إيه للناس دي.. ❤️الضحكة الحلو...
16/10/2026

بما إني دكتور حشوات تجميلية، وبقابل ناس كتيررر جدًا مكسوفة من ضحكتها، حابب أقولكم أنا بقول إيه للناس دي.. ❤️

الضحكة الحلوة والابتسامة الحقيقية بييجوا من ثقتك في نفسك، ومن إنك تحب نفسك وتتقبلها على أي وضع..

أنا عارف إن ساعات الموضوع مش بيبقى بالبساطة دي لإني في يوم من الأيام برضوا كان عندي سنة مكسورة لمدة سنين وكنت بتكسف اضحك وبحسب حساب نظرة الناس ليا ألف مرة 🥲

بس مع الوقت بقيت أقول لنفسي ما تضحك ياعم براحتك هو كلام الناس يهم في اي 😂

عشان كده دايمًا بقولكم متخلوش مشكلة في أسنانكم تخليكم تشوفوا نفسكم أقل من أي حد..

اللي يتريق عليك سيبه لنقصه وماتخليش كلامه يسرق منك حاجة جميلة زي ضحكتك ❤️

وفي نفس الوقت، لو فيه حاجة مضايقاك في أسنانك ومأثرة على ثقتك بنفسك، فالحمدلله فيه حلول كتير ممكن تساعدك ترجع تبتسم براحتك ❤️

حب نفسك زي ما أنت، ولو تقدر تحسن حاجة مضايقاك اعمل ده عشان نفسك مش عشان ترضي الناس..

15/10/2026

نعامه تنننننحه

حصل موقف من شوية هيجنني 🥲ركنت عربيتي هنا ونزلت اجيب شوية حاجات للعيادة، وأنا راجع العربية ببص على المحل اللي مشاور عليه ...
14/10/2026

حصل موقف من شوية هيجنني 🥲

ركنت عربيتي هنا ونزلت اجيب شوية حاجات للعيادة، وأنا راجع العربية ببص على المحل اللي مشاور عليه دا وبقول سبحان الله الراجل دا بيبيع بطاريات وكوتشات بس مفيش قدامه مكان إنه يغير للناس، ياترى شغال كويس ولا اي !

ربنا يرزقه من وسع..

بشغل عربيتي سمعت صوت { تكتكتك } يارب دا صوت البطارية ولا حد بيخبطلي على العربية ! 😂

اشغل تاني اسمع صوت { تكتكتك } لأ بأه دا هو صوووت البطارية.. 😶

نزلت دخلت للراجل قولتله عايزين نكشف على البطاريه كدا يا حج، كشف وقالي محتاجه بطاريه..😁

بصتله بضحكه 😂 وقولتله وماله يا حج نغير البطارية 😂

أنا بأه اللي هيجنني وعايز أعرفه دي دعوه فوريه مستجابه للراجل ولا أنا اللي فقر 🥲😂

الموضوع مخلصش لحد هنا لأ، أنا سبتله المفتاح وطلعت العيادة مع توتي ونزلتله تاني لقيته واقف قدام باب العربيه هو وكام واحد، وأنا عمال أقول لا يارررب أكيد بيتناقشو في حاجه وأكيد العربيه مقفلتش على نفسها ما هو مش كدا بأه بجد 🙂

دخلت عليه لقيته بيقولي العربيه قفلت على نفسها 🙂، قولتله وماله يا حج كلم صاحبك السروجي اللي جمبك يجي يفتحها 🙂

يعني أنا بدعي للراجل ربنا يرزقه أقوم أنا اللي اطلع الرزق اللي دعيتله بيه ! 🙂🙂😂😂

شوية معلومات كده عن العيادة عشان اللخبطة اللي بتحصل عند ناس كتير 🤍أنا مش شغال في العيادة لوحدي، ومش بشتغل جميع تخصصات ال...
13/10/2026

شوية معلومات كده عن العيادة عشان اللخبطة اللي بتحصل عند ناس كتير 🤍

أنا مش شغال في العيادة لوحدي، ومش بشتغل جميع تخصصات الأسنان...

السؤال الاشهر { إزاي يعني هو فيه دكتور يشتغل حاجه ويسيب حاجة ؟ }

هقولك آه طبعًا وده عادي جدًا وموجود عند دكاترة كتير، أنا مش أول دكتور يعمل كدا في العالم..

ولو حضرتك كنت بتعمل كل حاجة عند دكتور واحد بيشتغل في جميع التخصصات، فهو ما شاء الله عليه قدراته وخبرته في أكتر من مجال عالية جدًا، وده شيء يُحترم..

لكن أنا في العيادة ماشي بنظام مختلف شوية 🤎

كل دكتور في التيم عندي متخصص وشاطر في الجزء اللي بيعمله، ولما أحولك لدكتور من التيم، فده مش معناه إني مش قادر أعمل الحالة، بالعكس، أنا بحولك لإني شايف إن هو هيعمل الجزء ده أحسن مني...

أنا مثلًا بشتغل
• جميع أنواع الحشوات التجميلية
• حشو العصب لأسنان وضروس محددة
• التركيبات
• تنظيف الجير

وعندي
• أخصائي تقويم أسنان
• أخصائي زراعة وقص لثة
• دكاترة متخصصين في حشو عصب الضروس الخلفية، خصوصًا رقم ٦ و٧ و٨
• دكتورتين متخصصين في أسنان الأطفال

وكمان لو الحالة محتاجة تخصص أو إجراء مش موجود عندي أو عند التيم، مفيش أي مشكلة إني أرشح لحضرتك دكتور متخصص خارج العيادة { بتاخد رقم وعنوان وصفحة العيادة بالتفصيل تسهيلًا عليك عشان ربنا يسهل عليا حياتي ❤️ }

ببساطة مش لازم أعمل كل حاجة بنفسي عشان أكون دكتور شاطر..
المهم إن الحالة تتعمل صح، عند الدكتور الأنسب ليها ❤️

وفي النهاية، رزق كل واحد فينا مكتوب، ومش كل شغل لازم يكون من نصيبي..

Address

السويس/شارع ناصر/أمام المدرسة الفندقية
Suez

Opening Hours

Monday 11am - 4:30pm
5pm - 10pm
Tuesday 11am - 4:30pm
5pm - 10pm
Wednesday 11am - 4:30pm
5pm - 10pm
Thursday 11am - 4:30pm
5pm - 10pm
Saturday 11am - 4:30pm
5pm - 10pm
Sunday 11am - 4:30pm
5pm - 10pm

Telephone

+201555039063

Website

Alerts

Be the first to know and let us send you an email when دكتور عبدالله عزت - Ezzat Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category