عيادة الميدان لطب الاسنان

عيادة الميدان لطب الاسنان عيادة أسنان تعمل بنظام الحجز المسبق
(1)

30/06/2026

كشف اسنان ع الفيس😊
🦷👨‍⚕️
الي عنده سؤال يتفضل🌹

26/05/2026

العيادة تعمل طوال اجازة عيد الاضحى الكشف مجاني الحجز
بالتليفون ٠١١٥٠٧٣٧٠٥٥
كل عام وأنتم بخير

22/05/2026

ازيكم 😁 .. يا رب تكونوا بخير و صحة 🤲🏻
النهاردة هكلمكم عن موضوع مهم جدا و هو جفاف الفم xerostomia 🥵

🔴ايه هو جفاف الفم ؟
جفاف الفم هو نقص اللعاب في الفم .

🔴ايه المشكلة لو عندك جفاف الفم ؟
عشان نجاوب ع السؤال ده لازم نعرف و نفهم ايه وظيفة اللعاب و ايه اهميته ؟
١- بيمنع التسوس لأنه بيبطل تأثير الاحماض الي بتفرزها البكتيريا لأنه بيخفف تركيز الاحماض دي و بيغسلها اول بأول و كمان بيحتوي على أجسام مضاضة تقتل البكتيريا و الفطريات و بيحتوي على املاح معدنية بتساعد في تقوية ميناء الاسنان.
٢- بيغسل بقايا الطعام من الفم .
٣- بيساعد في عملية التذوق و مضغ و بلع و هضم الطعام.
٤- ترطيب بطانة الفم و الاسنان و حمايتها من التشقق .

و بكده نقدر نعرف ان جفاف الفم بيسبب ازدياد البكتيريا و الفطريات في الفم و البكتيريا تفرز احماض و ده يسبب تسوس للأسنان و رائحة فم سيئة و التهاب و نزيف اللثة و صعوبة في التذوق و مضغ و بلع و هضم الطعام و بحة في الصوت و الم في الحلق (الزور) و الاصابة بعدوى فطرية في الفم . 🤷🏻‍♂️😔

🔴ايه اسباب جفاف الفم ؟ 🤔
١- التقدم في العمر .
٢-بعض الأدوية لها اعراض جانبية تسبب جفاف الفم مثل ادوية الضغط و العلاج النفسي و مضادات الحساسية و ادوية ارتخاء العضلات و مضادات الاحتقان و بعض المسكنات.
٣-علاج السرطان الكيميائي او الاشعاعي .
٤-مرض السكر .
٥- التدخين و الكحوليات و المخدرات.
٦- التنفس المستمر من الفم .

🔴ايه علاجه ؟ 🤔
على حسب السبب بنحدد العلاج المناسب .
*يعني لو انت بتاخد ادوية بتسببلك جفاف فم توقفها بعد استشارة الدكتور طبعا .
* لو مدخن او بتشرب كحول او مخدرات توقفها و في حاليا مصحات بتساعدك عشان تعالج نفسك من الادمان.
*لو انت مريض سكر تزبط سكرك بالالتزام بالعلاج و التغذية المناسبة .
*معظم الحالات الي بتتعالج من السرطان بترجع لحالتها الطبيعية بعد الانتهاء من العلاج .
*تحاول تعود نفسك تتنفس من الانف و ليس الفم .

🔵 بالإضافة للي فات بننصح الحالة بالأتي :
١- مضغ اللبان الخالي من السكر لأنه بيحفز افراز اللعاب .
٢- شرب الماء اثناء الاكل عشان يساعدك في المضغ و البلع و كمان تشرب ماء خلال اليوم لتعويض نقص اللعاب .
٣- تقليل السكريات قدر المستطاع .
٤- استخدام مرطبات الفم زي biotene .
٥- استخدام زبدة الكاكاو على الشفاه .
٦- بلاش الاكل الناشف زي المقرمشات و الاكل الحراق .

يا رب تكونوا استفدتم من الموضوع 😊
يا ريت تعمل شير للموضوع عشان نفيد اكبر عدد ممكن من الناس😊 .
و اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055

يُعتبر الذئبة الحمراء من الأمراض المناعية المزمنة التي تؤثر على أجزاء مختلفة من الجسم، ومن بينها الفم والأسنان. يحدث الم...
18/05/2026

يُعتبر الذئبة الحمراء من الأمراض المناعية المزمنة التي تؤثر على أجزاء مختلفة من الجسم، ومن بينها الفم والأسنان. يحدث المرض نتيجة مهاجمة الجهاز المناعي لأنسجة الجسم السليمة، مما قد يسبب العديد من المشكلات الفموية.

🔴تأثير الذئبة الحمراء على صحة الفم والأسنان

يعاني بعض مرضى الذئبة الحمراء من ظهور تقرحات داخل الفم، والتهابات اللثة، وجفاف الفم بسبب نقص إفراز اللعاب. ويؤدي جفاف الفم إلى زيادة خطر تسوس الأسنان ورائحة الفم الكريهة وصعوبة المضغ والبلع أحيانًا. كما أن بعض الأدوية المستخدمة في العلاج، مثل الكورتيزون ومثبطات المناعة، قد تضعف مقاومة الجسم للعدوى وتزيد من احتمالية الإصابة بالتهابات الفم واللثة.

🔴الاحتياطات الواجب اتخاذها عند زيارة طبيب الأسنان

يجب على مريض الذئبة الحمراء إبلاغ طبيب الأسنان بالحالة المرضية والأدوية المستخدمة قبل بدء العلاج. ومن المهم التأكد من استقرار الحالة الصحية قبل إجراء أي تدخل جراحي أو خلع للأسنان. كما يُفضل تجنب مواعيد العلاج أثناء نشاط المرض أو عند الشعور بالإجهاد الشديد.

وفي بعض الحالات، قد يحتاج المريض إلى استشارة الطبيب المعالج قبل استخدام بعض الأدوية أو المضادات الحيوية. كذلك يجب الاهتمام بالتعقيم الجيد داخل العيادة بسبب ضعف المناعة لدى بعض المرضى.

🔴نصائح للحفاظ على صحة الفم والأسنان
تنظيف الأسنان مرتين يوميًا باستخدام فرشاة ومعجون مناسب.
استخدام غسول فم طبي للمساعدة في تقليل الالتهابات.
شرب كميات كافية من الماء للتخفيف من جفاف الفم.
التقليل من السكريات والمشروبات الغازية.
زيارة طبيب الأسنان بشكل دوري للكشف المبكر عن أي مشكلة.

و اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055 😊
العنوان : شارع المهدي المتفرع من شارع عمر أفندي أعلى سوبر ماركت الدلتا و محلات المهدي للملابس الدور الاول
و متابعة صفحة العيادة حتى يصلكم العروض و كل جديد 😊
#المنوفية #أسنان #شبينالكوم .

30/04/2026

ازيكم يا رب تكونوا بخير 🤲🏻😁
احيانا بيجي حالات العيادة بتشتكي من ورم في الوجه زي الي في الصورة كدة في منطقة امام و اسفل الاذن و فاكر ان المشكلة من الاسنان رغم ان اسنانه سليمة و بعد الكشف تطلع المشكلة في الغدة النكافية الي بتبقى في الخد .

و عشان كده هكلمكم النهاردة عن مرض النكاف (mumps)

هو عدوى فيروسية تنتقل عن طريق التنفس و الرذاذ تصيب الغدد اللعابية و تؤدي لتورمها .

🔴الأعراض:
١- تورم الخد سواء من جهة واحدة او من الجهتين.
٢- صعوبة في المضغ و ألم مع البلع.
٣- ارتفاع درجة حرارة الجسم .
٤- رشح و ضعف عام بالجسد و فقدان للشهية.

🔴الوقاية :
زيه زي اي عدوى فيروسية لما تجيلك مره جسمك بيكتسب مناعه ضدها و حاليا في تطعيم اجباري (MMR) للطفل لما يتم سنة و سنة و نصف من عمره مع تطعيم الحصبة و الحصبة الألماني .

🔴العلاج :
تعزل نفسك و ترتاح لمدة ٢١ يوم و تبعد عن الاختلاط بالناس عشان متنقلش المرض لحد و تستخدم ادوات منفردة للأكل و الشرب و النوم منفرد .

العلاج الدوائي الي بتاخده هو علاج لتقليل الاعراض زي خافض للحراره و مضاد للتورم و مسكن .

يا رب تكونوا استفدتم من الموضوع 😊
يا ريت تعمل شير للموضوع عشان نفيد اكبر عدد ممكن من الناس😊 .
و اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055 😊

23/04/2026

من أسألة المتابعين 😁

👩 : يا دكتور انا كنت عند دكتور الجلدية عشان شعري بيقع و الدكتور قالي ان شعرك بيقع بسبب مشاكل الاسنان الي عندك فهل ده ممكن فعلا و ازاي بيحصل كده !!؟

👨‍⚕️ : اه طبعا ممكن الاسنان تسبب تساقط الشعر و ده لأن لما يكون عندك مشاكل في اسنانك زي تسويس او خراج او التهاب لثة جهاز المناعه عندك بيفرز اجسام مضاضة عشان يهاجم البكتيريا المسببة للتسوس او الخراج او التهاب اللثة و احيانا بعض الاجسام المضاضة دي بتروح تهاجم بصيلات الشعر بالخطأ و بالتالي الشعر يقع 🤷🏻‍♂️.

👩 : طب و الحل يا دكتور؟!

👨‍⚕️ : بسيطة بنعالج مشاكل الاسنان و المشكلة تتحل و الشعر ميقعش . 😁👌🏻

يا رب تكونوا استفدتم من الموضوع 😊
يا ريت تعمل شير للموضوع عشان نفيد اكبر عدد ممكن من الناس😊 .
و اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055

23/04/2026

هل مشاكل الاسنان او الم الاسنان ممكن يسبب الم في الكتف و الذراع ؟! 🤔
الاجابة : اه ممكن الم الاسنان يسمع في اجزاء مختلفة من الجسم 👨‍⚕️
اجزاء زي ايه ؟ 🤔
زي الاذن و العين و الرأس و الرقبة و الكتف و الذراع و بعض الاحيان قد تسبب الم في القدمين ودي حصلت ل لعيب كورة مشهور و ممكن مشاكل الاسنان تسبب تساقط شعر الرأس .

و عشان كده بعض اطباء الانف و الاذن و القلب و الجلدية بتحول حالتها لطبيب الاسنان لمعالجة سبب الألم .

يا رب تكونوا استفدتم من الموضوع 😊
يا ريت تعمل شير للموضوع عشان نفيد اكبر عدد ممكن من الناس😊 .
و اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055

18/04/2026

الأسنان و الصيف 🦷🌞☀️
النهارده هكلمكم عن المشاكل الاكثر حدوثا في فصل الصيف و طرق الوقاية منها 😎

ايه هي المشاكل ؟
المشكلة مش في فصل الصيف نفسه انما المشكلة في عاداتنا في فصل الصيف الي بتأثر سلباً على الاسنان .

* طيب ايه هي العادات دي ايه ؟🤔

١ - شرب سوائل باردة جدا و الجسم ساخن من الجو الحر :
لأن الجسم بيبقى ساخن من الحر و الاسنان كمان ساخنة و تقوم شارب ماء بارد جدا فالأسنان هيحصل فيها شروخ بسبب التغير السريع لدرجة الحرارة و الشروخ تخلي الاسنان حساسة بزيادة زي ما بيحصل في الكوباية الزجاج لما تصب فيها حاجه ساخنة و هي باردة فتشرخ او تطق بالزبط .

🔴كمان المشكلة بتزيد لما تكون بتشرب حاجه باردة و فيها سكر او لون غامق او سكر و لون مع بعض لأن السنان هيحصل فيها شروخ و الشروخ يدخل في اللون و السكر فالأسنان لونها يغمق و تسوس لأن البكتيريا بتدخل من الشروخ دي .

٢ - أكل المثلجات (الايس كريم) نفس تأثير المشروبات الباردة بالزبط .

* طيب نتجنب حدوث المشكلة دي ازاي ؟ 🤔

١- بلاش البارد جدا (المثلج) و لو نفسك تشرب البارد يبقى على الاقل تنتظر لما حرارة جسمك تنخفض و بعدين تشرب .

٢- اشرب او كل تدريجي مش بسرعه بحيث تدي فرصة لدرجة حرارت جسمك تنخفض ببطئ مش بسرعه.

٣- استخدم الشاليموه (الشفاطة) في شرب المشروبات لأنها بتقلل تلامس المشروبات مع الاسنان .

💥 ملحوظة اول كومنت فيه صورة لشكل الاسنان لما يحصل فيها الشروخ .

يا رب تكونوا استفدتم من الموضوع 😊
يا ريت تعمل شير للموضوع عشان نفيد اكبر عدد ممكن من الناس😊 .
و اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055
#المنوفية #أسنان #شبينالكوم

13/04/2026

العيادة تعمل طوال اجازة شم النسيم بإذن الله
الكشف مجاني
الحجز مسبق بالتليفون ٠١١٥٠٧٣٧٠٥٥

كل عام وأنتم بخير بمناسبة عيد الفطر المبارك أعاده الله علينا وعليكم بالخير و اليُمن و البركات. وعشان العيد ميكملش غير با...
19/03/2026

كل عام وأنتم بخير بمناسبة عيد الفطر المبارك أعاده الله علينا وعليكم بالخير و اليُمن و البركات.
وعشان العيد ميكملش غير بابتسامة منورة ومرتاحة😁، بنطمنكم إن عيادة الميدان لطب الاسنان مستمرة في استقبالكم طوال أيام أجازة العيد.

🔴اخيرا متنسوش الكشف و المتابعة مجاني في عيادة الميدان .
للحجز و الاستفسار برجاء الاتصال على 01150737055 😊
العنوان : شارع المهدي المتفرع من شارع عمر أفندي أعلى سوبر ماركت الدلتا و محلات المهدي للملابس الدور الاول
و متابعة صفحة العيادة حتى يصلكم العروض و كل جديد 😊
#المنوفية #أسنان #شبينالكوم

Address

Shebin Al-Kom

Telephone

+201150737055

Website

Alerts

Be the first to know and let us send you an email when عيادة الميدان لطب الاسنان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category