06/07/2026
قبل ما نفكر في العلاج… لازم الأول نفكر في التشخيص الصحيح. 👌
طفل عمره 11 سنة جالنا العيادة وهو بيعاني من ألم شديد في الضرس.
بعد الفحص الإكلينيكي والتصوير بالأشعة، لقينا إن الضرس عنده Open Apex، وده شيء طبيعي في السن ده لأن الجذر لسه مكملش نموه.
بدل ما نتجه مباشرة لعلاج الجذور التقليدي، كان القرار هو Vital Pulp Therapy بهدف الحفاظ على حيوية اللب، واستكمال نمو الجذر بشكل طبيعي، وإنقاذ الضرس لأطول فترة ممكنة
الحمد لله، الألم اختفى تمامًا بعد العلاج، ودي صورة من متابعة بعد شهر، والنتائج مطمئنة جدًا والحالة مكملة بشكل ممتاز حتى الآن. 🙏
وطبعًا لسه المتابعات مستمرة بإذن الله، لأن نجاح الحالات دي بيعتمد على المتابعة الدورية والتقييم المستمر.
🦷 كل حالة ليها تشخيصها، وكل تشخيص ليه خطة علاج مناسبة. اختيار العلاج الصح في الوقت الصح هو اللي بيحافظ على أسنان المريض ويحقق أفضل نتيجة ممكنة
