25/05/2025
كتير من الامهات بتسأل ازاي تحافظ على الأسنان اللبنية من التسوس اللي بيحصل في سن صغير و بشكل سريع
اول حاجة نحب ننبه عن بعض العادات اللي لازم الام تاخد بالها منها
مثلا الطفل اللي بينام بعد الرضاعة مباشرة يفضل طول الليل اللبن بين أسنانه أو اللي بينام والأكل في بقه
كل دا طبعا غير الحلويات و الأكل اللي بيلزق في الاسنان وعدد مرات الاكل دا وطبيعة الاكل
و الام معندهاش ثقافة غسيل أسنان الأطفال
سؤال : امتى نبدأ نغسل أسنان الطفل؟؟
المفروض ان غسل الفم بيبدأ من قبل طلوع الأسنان اصلا انك بتنضفي اللثه بعد الرضاعه
واول ما الأسنان بتطلع بنبدا نغسل ب ميه وفرشه بتتلبس في الصباع صغيره
مش متاحه
بمنتهى البساطة حضرتك بتجيبي حتة شاش طبي نظيفة و تلفيها على احد الأصابع و تدلك اللثة و الأسنان على الاقل مرة قبل النوم
والافضل مره بعد اي أكل ايا كان
ولما الطفل يكبر شوية نبدأ نجيب فرشة أسنان للأطفال حجمها صغير و باستخدام معجون للأطفال او حتى من غير معجون لان العرض الأساسي هو إزالة بقايا الاكل المتراكمة على الأسنان
و طبعا دا بيقلل معدل انتشار او ظهور التسوس في الأسنان بنسبة كبيرة جدا جدا مع عوامل تانيه كثيره
📌 ملحوظه
الطفل ما ينفعش يغسل أسنانه بنفسه لحد من 6 ل 8 سنين لازم حد يغسل له أسنانه في السن دا
من سن 8 ل 12 يغسل أسنانه وحد واقف معاه ومتابعه
وفي حالة ظهور التسوس يا ريت نرجع لطبيب الأسنان في أقرب وقت لأن التسوس حاليا منتشر من سن سنه وسنه ونص في الأطفال
ودا فيديو بيوضح طريقة غسيل الأسنان و اللثة
