21/10/2022
أن شاء الله هانتكلم بطريقة مبسطة عن الفيتاليوم أو الطقم الجزئي المعدني وهانحاول نخلي الشرح مختصر
هانبدأ انهاردة بالموصلات الرئيسية للفك السفلي
-mandibular major connectors
وده طبعا لأهميتها لأنها بتربط كل أجزاء الطقم
(Direct & idrect retainers +minor connectors + denture base )
الموصلات بتنقسم لنوعين رئيسيين :-
1-lingual bar :-
وده بنفضله على جميع الانواع الاخرى لسببين:
الأول أنه مش بيغطي اجزاء كبيرة من اللثه وبالتالي بيساعد على التنشيط الفيزيائي للثه
والتاني أنه مش بيلمس الاسنان خالص لانه بيقع على الأقل ٣ مم تحت حافة اللثة (gingival margin )
وعشان كده لو ال lingual anterior floor depth أقل من ٧ مم بنلجأ للنوع التاني
2 - lingual plate :-
وده بيغطي ال lingual anterior floor وكمان بيلمس ال cervical third للاسنان الأمامية وطبعا ده من ضمن عيوبه ومن مميزاته أنه بيكون صلب عند أقل سماكة.
دول نوعين رئيسيين وفي انواع تانيه ممكن نعتبرها تعديلات عليهم زي
A - labial bar :
وده بنستخدمه لما تكون الاسنان الامامية منحنية جدا للداخل (inclined lingually)
B- sublingual bar :
وده بنستخدمه كبديل لل lingual plate لما يكون ماعندناش مسافة كافية أننا نعمل lingual bar
C- cingulam bar :
ده نقدر نعمله لما يكون تيجان الاسنان الامامية طويلة كفاية وكمان مافيش مسافات مابينهم وبيساعد أنه يعمل splinting للاسنان الأمامية
D - double lingual bar :
وده يعتبر جمع بين نوعين
Lingual bar + Cingulam bar