Shiny dental clinic - Dr. Mina Gerges

14/09/2026

حكاية سليم 😍❤️

سليم لسه أقل من سنتين 😍 وعنده تسوس رضاعة…
وطبعًا سليم زي أي طفل في سنه، كان خايف يقعد على كرسي الأسنان…
ده هو مكانش راضي يقعد على المكتب أصلًا 😂😂

مامته كانت كشفت عند أكتر من دكتور، وكانت مترددة جدًا بسبب سنه الصغير وخوفه من العلاج.

لحد ما شافت حالات التخدير الكلي اللي بنعملها، وعرفت إننا متخصصين في التعامل مع الحالات دي ومع الأطفال الصغيرين جدًا.

سألت كتير… واطمنت أكتر من مرة ❤️
ولما اطمأنت وثقت فينا، أخدنا القرار.

وبفضل ربنا تمت العملية بنجاح ❤️🙏🏻

والأجمل بقى؟
إننا هنوريكم النتيجة اللي مامته نفسها مكنتش مصدقاها 😍🔥

لما تشوفوا صور سليم قبل وبعد، هتعرفوا ليه دايمًا بنقول:
الطفل الصغير محتاج حد يفهمه قبل ما يعالجه ❤️

📍 Shiny Dental Clinic
Mina Gerges – Pedodontist

#اطفال

04/09/2026

حكاية رحاب… المريضة الجميلة بتاعتنا 😂❤️

رحاب عندها 25 سنة، ومن النوع الخواف حبتين تلاتة أربعة 😂😂

فضلت مأجلة خلع ضرس العقل فترة كبيرة، خصوصًا إن أكتر من دكتور قالولها إن الضرس محتاج خلع جراحي… فطبعًا الخوف اشتغل والخلع اتأجل واتأجل 😅

لحد ما جت عندنا وشافت بنفسها حالات الخلع الجراحي، وشافت إن الموضوع مش بالصعوبة ولا الألم اللي كانت متخيلاه!

من أول البنج، بنستخدم جيل موضعي قبل الحقن وكمان جهاز مخصوص لإعطاء البنج بشكل مريح، عشان نقلل إحساس المريض بالألم لأقصى درجة ممكنة ❤️

وبعدها تم خلع ضرس العقل وعمل الغرز… ورحاب خلصت وهي مش مصدقة إنها خلصت أصلًا 😂❤️

والأجمل بقى؟
إن رحاب هي اللي صورت الصور دي وبعتهالنا عشان تشكرنا 🥹❤️

خليكِ زي رحاب… ومتأجليش خلع ضرس العقل بسبب الخوف ❤️😂

02/09/2026

ريتال ❤️.. كانت بتيجي من بره المنيا مخصوص، والأجمل إنها كانت بتيجي وهي مبسوطة وفرحانة! 🥰

من أول ما تدخل العيادة كانت بتجري تقعد على الكرسي، وكأنها جاية تتبسط مش جاية تعمل أسنان 😍🦷

خلال جلستين بس قدرنا نعمل:
🦷 حشو عصب لضرسين
👑 طربوشين
🦷 خلع ضرسين وسِن
🔗 ٢ حافظ مسافة

وكل ده وهي مبسوطة وفرحانة ومتعاونة جدًا ❤️

والأجمل إننا ختمنا الرحلة بصورة حلوة سوا 📸❤️

شكرًا لأهل ريتال على ثقتهم فينا، وشكرًا لريتال على كل الطاقة الحلوة اللي كانت بتدخل بيها العيادة كل مرة 🥰

📍 Shiny Dental Clinic
👨‍⚕️ Dr. Mina Gerges – Pedodontist
📞 للحجز والاستفسار: 01030674674

30/08/2026

«عملتِ حشو عصب لطفلك؟ أوعي تعملي الغلطة دي! 👀🦷

28/08/2026

وده أجمل ريفيو من أجمل ميرا ❤️

أصدق ريفيو ممكن تاخده… هتاخده من الطفل نفسه، مش من الأهل ❤️
الأهل ممكن يكونوا مكسوفين منك أو يجاملوا… لكن الطفل مش هيعرف يخبي، هيقول اللي في قلبه بصراحة 😂❤️

وده كان ريفيو مش متوقع خالص من ميرا 😍

مين بقى ميرا؟ 👀

ميرا بنت سكر جدًا، كانت متعاونة معايا وصبورة بشكل يخلي الواحد مبسوط وهو شغال معاها ❤️
كان عندها مشكلة في ٤ ضروس دائمة، وعملنا ٣ حشوات عادية، وحشو عصب لضرس، وكمان طربوشين.

وحشو الضروس الدائمة مش دايمًا بيكون سهل، وبيحتاج طفل صبور وهادي ومتعاون…
وميرا كانت بنوتة بشوشة ومبتسمة دايمًا، وده خلّى الشغل أسهل وأهون بكتير ❤️

حابب أقولك بجد يا ميرا:
أنا مبسوط جدًا إني اشتغلتلك ❤️
ومتبوظيش ضروس تاني بقى 😂
ونشوفك عروسة عسل كده 😍❤️

وشكر كبير للأستاذ جون، بابا ميرا 🙏
كان بيجيبها في مواعيدها، وهما أصلًا من بره المنيا، يعني المشوار مش قريب، لكنه كان ملتزم جدًا بالمواعيد وحريص إنها تخلص كل الشغل في أحسن صورة.

شكرًا ليكم على ثقتكم فيا ❤️🙏

27/08/2026

تعالى معايا أحكيلك حكاية حمزة ❤️

حمزة عنده ٩ سنين، وعنده فوبيا شديدة من دكاترة الأسنان.
راح لـ ٥ دكاترة قبل كده، ومحدش قدر يشتغل له.

باباه استشاري جراحة في الكويت، ورافض تمامًا التخدير الكلي، ورافض كمان إن حد يمسك حمزة أو يضايقه.

طيب والعمل؟ 😂
شكلي هبقى الدكتور السادس… والناس متعشمين فيا خير، على أساس إني تخصص أطفال وهعمل اللي متعملش قبل كده! 🙈😂

بعد حوالي تلت ساعة بس…
حمزة هو اللي بيقولي:

“يا دكتور ما تشوفلي الجنب التاني بالمرّة!” 😂❤️

تخيل عملنا إيه في One Session؟ 👇🏻

🦷 حشو عصب للأطفال + طربوش للضرس الخامس [E].
🦷 خلع الضرس الرابع [D].
🦷 حشو عادي للناب [C].
🦷 أخدنا مقاس حافظ مسافة.
🦷 وخلعنا سنتين لبني من الفك العلوي.

كل ده تم في حوالي ساعة واحدة. 💪🏻

بس بصراحة… أنا مش أكتر حاجة فرحتني هي كمية الشغل اللي اتعملت.

الحاجات دي أنا بعملها بشكل شبه يومي، والحمد لله.

اللي فرق معايا بجد هو حمزة نفسه ❤️

بعد ما خلصنا، جه سلّم عليا وقالّي:

“كتر خيرك يا دكتور.”

وبعدين حضني وباسني. ❤️

والحاجات دي لما تيجي من طفل… بتبقى صادقة جدًا، عفوية، ومن القلب فعلًا. 🥹❤️

وكمان كل الشكر لد. مصطفى، والد حمزة، على ثقته فينا، وإنه ادّانا الفرصة نحل مشكلة ابنه من غير تخدير كلي، ونخليه يسافر وهو مطمّن عليه. ❤️

يمكن أنا مش من عادتي أكتب بوستات طويلة…
بس حكاية حمزة كانت تستاهل. 😍

ولو وصلت لحد هنا…

تبقى محترم والله 😂❤️

23/08/2026

جودى الشجاعه عملت حشو عصب لضرس دايم في جلسه واحده .
Shiny dental clinic - Dr. Mina Gerges

18/08/2026

09/08/2026

بانا وعدي ❤️🇦🇪
أحلى وأشقى أطفال نَوّرونا من الإمارات 🇦🇪✨

قدرنا ننجز في زيارتهم أكتر من ضرس وسن، ما بين حشوات، علاج عصب وطرابيش 🦷💪🏻
ورغم إن الـmission كانت كبيرة… أنجزناها بنجاح 😎❤️

الأجمل إنهم مشيوا مبسوطين، وإحنا كمان كنا مبسوطين بيهم جدًا 🥰

نورتونا يا بانا وعدي، ونستناكم دايمًا ❤️🇦🇪

📍 Shiny Dental Clinic – Minya
👨🏻‍⚕️ Dr. Mina Gerges – Pedodontist