الحسيني لطب وجراحة الفم والأسنان - AlHusseini Dental Clinic

Directions Website

الحسيني لطب وجراحة الفم والأسنان - AlHusseini Dental Clinic Contact information, map and directions, contact form, opening hours, services, ratings, photos, videos and announcements from الحسيني لطب وجراحة الفم والأسنان - AlHusseini Dental Clinic, Dentist & Dental Office, ابراش/مشتول السوق/الشرقية, Mashtûl el-Sûq.

نرحب بكم في مركز الحسيني لطب وجراحة الفم والأسنان دكتور أحمد صبحي الحسيني
وعند زيارتكم لنا سوف تجدون كل الرعاية والعناية من الفريق الطبي المؤهل تماماً لعلاج أسنانكم بدون ألم في عدة تخصصات باستخدام احدث التقنيات والأجهزة

🎉 بمناسبة مرور سنتين على افتتاح عيادة الحسيني لطب وجراحة الفم والأسنان 🎉حبّينا نفرحكم معانا ونقولكم شكرًا على ثقتكم بينا...
08/09/2025

🎉 بمناسبة مرور سنتين على افتتاح عيادة الحسيني لطب وجراحة الفم والأسنان 🎉

حبّينا نفرحكم معانا ونقولكم شكرًا على ثقتكم بينا 💙

🎁 الهدية على حسابنا!

أول اتنين يعلقوا على البوست هياخدوا جلسة تنضيف جير وتلميع للأسنان مجانًا ✨

📍 زورونا في عيادتنا، وخلّي ابتسامتك دايمًا منورة 😁

كوبري الزرقا - ابراش - مشتول السوق اعلى الدرويش للاجهزة الكهربائية.

📞 للحجز والاستفسار: [01080888218]

سنة جديدة محتاج look جديد؟يلا نبدأ 2025 بابتسامة مختلفة وجميلة، الحسيني كلينيك عملتلك عروض متتفوتش عشان تحافظ على صحة أس...
30/12/2024

سنة جديدة محتاج look جديد؟
يلا نبدأ 2025 بابتسامة مختلفة وجميلة، الحسيني كلينيك عملتلك عروض متتفوتش عشان تحافظ على صحة أسنانك وجمالها
ابدأ 2025 بأحلى نيولوك واستمتع باحلي عروض السنة الجديدة حتى 31/1/2025 .

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

أحياناً بيكون سبب تشوه الابتسامة وجود تقوس أو اعوجاج أو تراكب وتزاحم في الأسنان الأمامية، وده مش بس بيخلي شكل الأسنان مش...
29/12/2024

أحياناً بيكون سبب تشوه الابتسامة وجود تقوس أو اعوجاج أو تراكب وتزاحم في الأسنان الأمامية، وده مش بس بيخلي شكل الأسنان مش مضبوط لكن كمان بيزود فرص تراكم الجير وبواقي الأكل عليها واللي ممكن يسبب اصفرارها واصابتها بالتسوس والتصبغات، ده غير مشاكل أكبر زي تعرض الأسنان البارزة للكسور والتشققات مع ضغط عضلات الفك عليها، وتغير شكل الفك أو الوش كله مع النمو الغير منتظم للأسنان وغيرها..

تقويم الأسنان علاج فعال للمشاكل دي، وتأثيره العلاجي بيعتمد على قابلية الأسنان للحركة والتزحزح تدريجياً تحت تأثير الشد والضغط بشكل مستمر لفترة، واللي بيخلي الأسنان مع الوقت تستعيد وضعها الطبيعي في فجوات الفكين وتبقى على استقامة واحدة..

في أكتر من طريقة لتقويم الأسنان منها طرق ثابتة وطرق متحركة ومنها عمليات التقويم الجراحي،

بيكون مهم لأي مريض مركب تقويم انه يتعلم ينظف أسنانه كويس ويعتني بيها طول فترة العلاج بحرص أكتر من العادي، ويتابع مع دكتور أسنان متخصص باستمرار علشان التقويم يحقق النتايج المطلوبة في أقصر وقت وبدون مضاعفات ومشاكل وترجع للمريض ابتسامته المشرقة الجذابة بإذن الله..

شرفنا بزيارتك في مركز الحسيني لطب وجراحة الفم والأسنان دكتور أحمد صبحي الحسيني لاستعادة ابتسامتك باستخدام التقويم .

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

زراعة الأسنان تعتبر الحل المثالي والدائم لتعويض الأسنان والضروس المفقودة وبرغم إنها عملية جراحية وإجراء مكلف إلى حد ما ل...
29/12/2024

زراعة الأسنان تعتبر الحل المثالي والدائم لتعويض الأسنان والضروس المفقودة وبرغم إنها عملية جراحية وإجراء مكلف إلى حد ما لكن مع تطور التقنيات والأدوات الجراحية والتركيبات بقت بتتعمل بشكل أسهل وبنتايج أفضل كتير خصوصاً في السنوات الأخيرة..

زراعة الأسنان بديل دائم لخيارات علاجية تانية زي الجسور والتيجان وكمان للتركيبات المتحركة (أطقم الأسنان) اللي بتحمل على اللثة..

في عملية الزرع جراح الأسنان بيغرس سنة صناعية في عظام الفك وبالتالي السنة المزروعة بتاخد نفس الوضع التشريحي الطبيعي للسنة مش مجرد المظهر الخارجي وبيكون ليها جذر ثابت في الفك مش مجرد راكبة على اللثة زي الأطقم أو متثبته على جذور أسنان موجودة زي التيجان والجسور..

السنة المزروعة بتكون ليها 3 أجزاء:

1⃣ الغرسة (الجذر) المصنوعة من معدن التيتانيوم الخامل ودي بتكون شبه المسمار البرمة (البرغي) وبتتغرس في عظام الفك وبتندمج معاها علشان توفر للسنة أعلى درجة ثبات ومتانة
2⃣ الدعامة ودي جزء من الغرسة لكن بتخرج من اللثة وبتبرز للخارج
3⃣ التاج وده بيكون مصنوع من البورسلين أو الزيركونيوم على مقاس المريض وبنفس شكل وتفاصيل السنة الطبيعية، وبيتثبت في الدعامة بحيث يشغل المكان الفارغ ويبان زي ما يكون سنة طبيعية بالضبط

زراعة الأسنان مناسبة لأغلب الحالات وحتى المرضى اللي عندهم فقدان لأكتر من سنة أو تآكل في عظام الفك أو أمراض في اللثة بيتم علاجهم وممكن يتعملهم زرع وإعادة بناء لعظام الفك بحيث تقدر تشيل الغرسات ويبقى زرع الأسنان ممكن حتى للمرضى دول..

د. أحمد صبحي بيعمل عمليات زراعة الأسنان في العيادة في دقايق معدودة وبيستخدم أحدث التقنيات والخامات والنتايج بفضل الله ممتازة حتى على المدى الطويل..

شرفنا بزيارتك لمركز دنتيكا لطب وجراحة الفم والأسنان دكتور أحمد صبحي لاستعادة ابتسامتك باستخدام عمليات زراعة الأسنان .
تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

جسور الأسنان من الحلول الممتازة لاستبدال سنة مفقودة كبديل لزراعة الأسنان، سواء فقد السنة كان بسبب اصابة أو خلع لسبب طبي ...
29/12/2024

جسور الأسنان من الحلول الممتازة لاستبدال سنة مفقودة كبديل لزراعة الأسنان، سواء فقد السنة كان بسبب اصابة أو خلع لسبب طبي أو تآكل شديد في السنة بسبب تسوس متقدم أو أي مشكلة تانية بحيث معادش باقي من كتلة السنة جزء كافي لتركيب تاج (طربوش)..

الجسر بيتكون من سنة صناعية في النص ودي اللي هتعوض السنة المفقودة، وتاجين (طربوشين) على الجانبين بيركبوا على السنتين اللي محوطين المكان الفاضي بعد نحتهم وتحضيرهم بنفس طريقة تركيب التاج..
الجسر بيتصنع في معمل أسنان على مقاس المريض من مواد متنوعه منها معدنية (زي الذهب) ومنها خزفية زي البورسلين والزيركونيوم واللي بتكون أفضل من الناحية الجمالية لأن لونها وشكلها قريب جداً من الأسنان الطبيعية..

تركيب الجسر بيتم على زيارتين، في الاولى الدكتور بيحضر مكان السنة المفقودة ويحضر الأسنان المحيطة اللي هيركب عليها تيجان وياخد طبعة بالمقاس، ويركب تيجان مؤقته، وبعد ما الجسر بمكوناتته (التيجان الدايمة والسن الصناعي) يجهزوا في معمل الأسنان بيجي المريض الزيارة التانية علشان تركيب الجسر بشكل دائم واللي بيه بترجع للمريض ابتسامته الجميلة الجذابة بإذن الله..

لو السنة اللي هتتعوض بالجسر كان ليها بواقي أو جزء من جذرها لسه موجود بيحتاج المريض يزور عيادة الأسنان الاول علشان الدكتور يستأصل الجزء الباقي وبنستنى أسبوعين لغاية ما الجرح يلم وبعدين يبدأ تركيب الجسر..

الجسور من التركيبات الثابتة بمعنى ان المريض مش بيقدر يشيل الجسر إلا في عيادة دكتور الأسنان، وعلشان كدا بيكون مهم المريض يهتم بنظافته بشكل مستمر علشان متتكومش حواليه مخلفات وبواقي الأكل وتحصل التهابات في اللثة أو مشاكل لا قدر الله..

شرفنا بزيارتك لمركز الحسيني لطب وجراحة الفم والأسنان دكتور أحمد صبحي الحسيني لاستعادة ابتسامتك باستخدام التركيبات الثابتة ( الجسور )

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

التيجان Crowns المعروفة بالتلبيسة أو الطربوش، نوع من التركيبات الثابتة اللي بتستعمل لتجميل الأسنان عن طريق تغطية سنة بال...
16/11/2024

التيجان Crowns المعروفة بالتلبيسة أو الطربوش، نوع من التركيبات الثابتة اللي بتستعمل لتجميل الأسنان عن طريق تغطية سنة بالكامل بحيث نداري عيوب أو كسور أو أجزاء مفقودة فيها..

التيجان بتستعمل لحماية الأسنان الضعيفة وعلاج مشاكل زي كسور الأسنان أو التآكل الشديد بسبب التسوس وتعتبر بديل جيد للزرع لما بيكون جذر السنة سليم وباقي من كتلتها جزء كافي..

التاج كمان ممكن يستعمل لتغطية غرسات الأسنان وتثبيت جذر السنة في مكانه..

التاج ممكن يكون مصنوع من المعدن أو بورسلين مصهور أو مواد تانية زي الراتنج والسيراميك أو الزيركونيوم والأنواع دي بتختلف عن بعضها في الشكل والقوة وكمان في التكلفة..

تركيب التاج بيحتاج المريض يزور عيادة الأسنان مرتين، في المرة الأولى الدكتور بيحضر السنة وينحتها وياخد طبعة بالشكل والمقاس علشان يتعمل عليها التاج، وبعدين بيركب تاج مؤقت لحد الزيارة التانية بعد ما التاج الدائم يتصنع في معمل الأسنان، وفي الزيارة التانية بيتشال التاج المؤقت ويتثبت التاج الدائم اللي لو المريض اعتنى بيه كويس بيفضل سنين طويلة بيأدي وظيفته بكفاءة كبيرة بدون ما يضعف أو يجراله أي حاجة بإذن الله..

شرفنا في مركز الحسيني لطب وجراحة الفم والأسنان دكتور أحمد صبحي الحسيني لاستعادة ابتسامتك باستخدام التركيبات الثابتة ( التيجان ) .

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

الحشوات التجميلية نوع من حشوات الأسنان بتستعمل حديثاً كبديل لحشوات البلاتين (الحشوات السمراء) لأن ليها مميزات أكبر أهمها...
10/11/2024

الحشوات التجميلية نوع من حشوات الأسنان بتستعمل حديثاً كبديل لحشوات البلاتين (الحشوات السمراء) لأن ليها مميزات أكبر أهمها قرب لونها من لون الاسنان وقدرتها على الالتصاق بالسنة بقوة أكتر من حشوات الفضة..

استعمال الحشوات التجميلية مش مقتصر بس على الأضراس، إنما بتستخدم بفاعلية عالية كمان في تجميل وترميم الأسنان الأمامية Aesthetic Anterior Restorations سواء لترميم تجويفات بسبب التسوس أو بعد إصابتها بكسور..

أشهور نوعين من أنواع الحشوات التجميلية حشوات الكومبوزيت Composite Restorations المعروفة بـ (الحشوات البيضاء) وحشوات السيراميك Ceramic Restoration..

حشوات السيراميك ليها تقريباً نفس ميزات الحشوات البيضاء من ناحية اللون وقدرتها على الالتصاق بالسنة بقوة، لكن الحشوات البيضاء بتتميز بطواعيتها وسهولة تشكيلها نسبياً مقارنة بحشوات السيراميك اللي بتحتاج دكتور الأسنان يكون عنده مهارة عالية علشان يقدر يشكلها بحيث تاخد شكل التضاريس الطبيعية للأسنان زي الحشوة البيضاء بالضبط فتحقق الغرض التجميلي وترجع للسنة شكلها الأصلي بعد الحشو..

لكن حشوات السيراميك بتتميز كمان عن الحشوات البيضاء بكذا ميزة، أهمها:
⭐ صلابة حشوات السيراميك اقوى وبالتالي بتكون أقل عرضة للكسر والتشقق مع الوقت
⭐ خامة السيراميك مش بتنقل الحرارة وتفاعلها مع مادة السنة أقل وبالتالي مش بتسبب للمريض أي حساسية أو ألم بعد كدا مع المأكولات والشروبات الباردة أو السخنة
⭐ تفاعل السيرامك مع المأكولات والمشروبات كمان اقل وده بيقلل تحلل الحشوة مع الوقت وبيطول عمرها الافتراضي

د. أحمد صبحي الحسيني بيعمل الحشوات التجميلية في جلسة واحدة في العيادة بيقيم فيها السنة ويحضرها ويرمم الكسور والتجويفات ويستعوض أي جزء مفقود منها بالحشوة اللي بتتشكل وتتنحت علشان تاخد الشكل الطبيعي للسنة، ومبيكونش في داعي لتركيب طربوش أو عمل أي إجراءات أكبر وأعقد لتجميل السنة وبترجع للمريض ابتسامته الجميلة.. 😄

شرفنا بزيارتك لمركز الحسيني لطب وجراحة الفم والأسنان دكتور أحمد صبحي لاستعادة ابتسامتك باستخدام الحشوات الأمامية التجميلية .

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

الفينير هو قشرة أو عدسة رقيقة ليها نفس لون وخامة الأسنان الطبيعية بيستعملها طبيب الأسنان لتبييض وتجميل واخفاء عيوب الأسن...
26/10/2024

الفينير هو قشرة أو عدسة رقيقة ليها نفس لون وخامة الأسنان الطبيعية بيستعملها طبيب الأسنان لتبييض وتجميل واخفاء عيوب الأسنان المحدودة بحيث ترجع للمريض ابتسامته المشرقة الجذابة..

قشور الفينير Veneeres بتكون مصنوعة في الغالب من البورسلين اللي بيخليها شبه الأسنان الطبيعية بدرجة كبيرة وكمان بيديها صلابة وقوة تحمل كبيرة يخليها تعيش فترات طويلة ونادراً ما بيتغير لونها أو تتعرض لأي شقوق أو كسور مع الاستعمال الطبيعي للأسنان طالما ركبها دكتور متخصص عنده الخبرة والمهارة اللازمين..

قشور الفينير بتتصنع مخصوص لكل مريض في معمل الأسنان على مقاس أسنانه وشكلها الخارجي، وبيتراوح سمكها من 0.3 - 0.8 مم، وبيثبتها دكتور الأسنان على الجانب الخارجي للسنة بعد ما يحضر السنة بكحت جزء من المينا الخارجية علشان يثبت شريحة الفينير مكانها..

قشور الليومينير Lumineers هي نوع حديث من أنواع الفينير بتكون مصنوعة من نفس الخامة وليها نفس الخواص، لكن الفرق ان قشرة الليومينير بيكون سمكها أقل من الفينير (بيكون السمك حوالي 0.2-0.3 مم) وده بيخلي تثبيتها يحتاج تحضير وكحت أقل لمينا الأسنان وده بيفيد في الحفاظ على الأسنان وسلامتها أكتر من الفينير، لكنها في المقابل بتكون أغلى في التكلفة لأن تشكيلها في المعمل بيحتاج مهارة ودقة أكبر من الفينير..

الفينير والليومينير حلول مثالية لتجميل الأسنان الأمامية بشكل سريع وعلاج واخفاء عدد من المشاكل منها:
⭕ اصفرار الأسنان
⭕ فجوات الأسنان (الفلج)
⭕ الأسنان المكسورة
⭕ الأسنان المتشققة
⭕ بعض تشوهات الأسنان المحدودة

في الغالب تركيب الفينير أو الليومينير بيحتاج انك تزور عيادة الأسنان مرتين، في المرة الأولى الدكتور بياخد طبعة لشكل ومقاس أسنانك علشان تتعمل عليها القشور، وفي الجلسة التانية بتتحضر الأسنان وتتركب القشور وبتخرج بعدها بأسنان مثالية وبالابتسامة البيضاء الخلابة اللي بتتمناها بإذن الله ..

شرفنا بزيارتك لمركز الحسيني لطب وجراحة الفم والأسنان دكتور أحمد صبحي الحسيني لاستعادة ابتسامتك باستخدام قشور الفينير واللومنير .

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

اللون الطبيعي لمينا الأسنان (الطبقة الخارجية للسنة) بيكون أبيض مائل بدرجة بسيطة للاصفرار، واللون ده ممكن يتغير سواء بإن ...
22/10/2024

اللون الطبيعي لمينا الأسنان (الطبقة الخارجية للسنة) بيكون أبيض مائل بدرجة بسيطة للاصفرار، واللون ده ممكن يتغير سواء بإن الاصفرار يزيد أو بتكون بقع وتصبغات..

أهم وأشهر سبب للاصفرار والتصبغات دي هو تفاعل مينا الأسنان مع الأحماض اللي بتتكون في الفم بعد الأكل وخصوصاً بعد بعض أنواع الأطعمة والمشروبات زي السكريات والشاي والقهوة، وبتزيد كمان مع التدخين ومع تناول بعض الأدوية والمضادات الحيوية لفترات طويلة، والتفاعل ده ممكن يغير لون المينا أو يسبب تكون بقع داكنة على الأسنان
في طرق كتيرة لتبييض الأسنان بعضها بيكون باستخدام وصفات طبيعية ومواد وسوائل ممكن تستعمل في البيت، لكن نتائج الطرق دي مش بتكون بنفس كفاءة وسرعة عمليات تبييض الأسنان اللي بيعملها دكتور أسنان متخصص في عيادته..

أشهر طريقة للتبييض في عيادات الأسنان هي طريقة التبييض باستخدام الليزر، وبيشرف الدكتور على عملية التبييض باستعمال جل مخصص للتبييض وتسليط مصدر للضوء أو الحرارة عشان تسريع العملية، والنتائج بتكون ممتازة ومرضية جداً وفي جلسة واحدة بإذن الله..

لازم المريض يحط في اعتباره إن الاصفرار والبقع الداكنة ممكن يرجعوا تاني لو استمر التعرض لنفس العوامل اللي سببتهم قبل كدا، عشان كدا مهم المريض يحافظ على روتين تنظيف الأسنان اليومي بالفرشاة والمعجون (مرتين في اليوم على الأقل ويفضل بعد كل وجبة بنصف ساعة وقبل النوم) واستخدام الخيط الطبي في التنظيف وغسول الفم المطهر مرة في اليوم لو أمكن عشان يحافظ دايماً على نظافة وبياض أسنانه وتفضل ابتسامته مشرقة وجذابة..

شرفنا بزيارتك لمركز الحسيني لطب وجراحة الفم والأسنان دكتور أحمد صبحي الحسيني لاستعادة ابتسامتك باستخدام تبييض الأسنان بأحدث الأجهزة والطرق

تقدروا تتواصلوا معانا عن طريق:
📍 زيارتنا في العيادة في العنوان ده: (كوبري الزرقا - ابراش - مشتول السوق - أعلى الدرويش للأجهزة الكهربائية)
☎️ الاتصال تليفونياً على الأرقام: 01080888219 - 0108088218
💬 مراسلة صفحتنا على Facebook باستخدام الرابط: m.me/AlHusseini.Clinic

Address

ابراش/مشتول السوق/الشرقية
Mashtûl El-Sûq
44619

Opening Hours

Monday 4pm - 10pm
Tuesday 4pm - 10pm
Wednesday 4pm - 10pm
Thursday 4pm - 10pm
Saturday 4pm - 10pm
Sunday 4pm - 10pm

Website

Alerts

Be the first to know and let us send you an email when الحسيني لطب وجراحة الفم والأسنان - AlHusseini Dental Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category