15/01/2026
بعد ما فكيت التقويم اتفاجئت إن أسنانك بترجع لطبيعتها تاني !!😱
يعني إيه ؟ التقويم مش ناجح ! الدكتور غلطان ؟ ولا إيه اللي حصل ؟!
في أسباب كتير ممكن تتسبب في رجوع الأسنان لوضعها زي :👇🏻
1️⃣ مرونة الأربطة المحيطة بالأسنان
يعني الأسنان مش ثابتة في العضم بشكل مباشر دي متثبتة عن طريق أربطة وألياف مرنة
ووقت التقويم الألياف دي بتتمدد ، وبعد ما بنشيله الألياف بتحاول ترجع لوضعها الطبيعي بالظبط زي الأستك وده ممكن يسحب الأسنان معاها
2️⃣ عدم الالتزام بـ( المثبت )
وده السبب المنتشر أكتر لأن العضم والأنسجة المحيطة بالأسنان بتحتاج لوقت غالباً من 12 لـ18 شهر عشان تستقر وتتصلب في الوضع الجديد
ولو المريض مالتزمش بلبس المثبت حسب تعليمات الدكتور ، الأسنان هتتحرك تاني فوراً ⚠️
3️⃣ العادات الفموية السيئة
زي دفع اللسان للأسنان وقت الكلام أو البلع ، أو قرقضة الأظافر ، العادات دي بتعمل ضغط مستمر على الأسنان كفيل بتحريكها من مكانها الجديد بمرور الوقت
4️⃣ ضغط ضروس العقل
في بعض الحالات ممكن نمو ضروس العقل في مكان ضيق تعمل ضغط على الأسنان المجاورة ، وده بيتسبب في تحريك الأسنان الأمامية وفقدان نتائج التقويم
لو عاوز تعرف معلومات أكتر عن التقويم وإزاي تحافظ على نتيجته ؟
تقدر تتواصل معانا من خلال الرسائل أو تكتبلنا استفسارك في الكومنتات
زورنا دلوقتي في Dr/ Haredy Dental Clinic .. اضحك وماتداريهاش !❤️
Bringing Smiles To Life 😁
📍العنوان : طلخا - شارع صلاح سالم الموقف القديم برج النور الدور الخامس
📞للتواصل والحجز : 01557768812
