https://www.facebook.com/112711721684438/

Dr Doaa Amin, Mansoura (2026)

23/04/2024

العلاقات الآمنة للأطفال لا تكوت مع أهل مثاليين,إنماأهل عاديين !
يمارسون الأمومة و الأبوة العادية بالأخطاءالعادية!!
لكنهم قادرون على الإعتذار وتصحيح الخطأ كلما أمكن
لا يجادلون فى الخطأ
مشاعرهم تظهر عليهم وتغلبهم أحيانا..
ويستطيعون تدارك مشاكلهم
يجيدون اللعب مع أطفالهم,وربما يربحون أو يخسرون أمامهم..
وهو ما أسماها د دونالد وينيكوت (The good enough mother)

29/03/2024

"عمرك ما هتشوف إنسان بيعبر عن الحب زي رسول الله صل الله عليه وسلم

بتلاقيه وهو طالع علي جبل أحد يقول ( هذا جبل أحد نحبه ويحبنا 🤍)

بتلاقيه شاف جمل صاحبه بيعنف فيه
بيحضنه ويمسح علي دمعه ويقول ( الراحمون يرحمهم الله❤️ )

بتلاقيه واقف علي المنبر يقول
أحب الناس علي قلبي ( عائشه 💚)
قدام افواج الرجال لم يستحي من حبها يوما

بتلاقيه خلص الصلاة وقال لـ معاذ هات يدك اسبح عليها
ويقول ( والله لاني احبك يامعاذ💛)

بتلاقيه ماشي في طرقات مكه بعد الفتح ويقول
( ها هنا حجر كنت القي عليه السلام🩵 )

بتلاقيه بيحضن الحسن والحسين ويقول ( ريحانتا قلبي🩷)

بتلاقيه في حركه معتاده يقبل فاطمه ابنته بين عينيها ويقول
( بضعة مني🧡)

بتلاقيه يضحك مع ابو هريرة ويقول ( من أحبه فقد أحبني🩵)

كلنا عااارفين قد ايه كان بيحب ابوبكر الصديق رضوان الله عليه
و قد ايه هو كان ممتن ليه

انه يكون في رجل قادر علي حب الاماكن والنباتات والجبال والاشخاص🤍

ويوقف قدام الكل يبوح بالحب عادي❤️

صل الله عليك ياخير الوري 🤎

اللهم صل وسلم وبارك علي سيدنا وحبيبنا محمد"

21/03/2024

لما بتروح لدكتور شاطر وخبرة بيبقى من ضمن الفحوصات عمل اشعة وتحاليل ..وحتى الاشعة والتحاليل انواع ولكل نوع بيبين حاجة معين ومميزة عن التانى
ليه؟

عشان هو مهما وصل بعلمه وسنين خبرته مش هايشوف اللى ما بيتشافش !!

مش هاينجم ولا يُقر اللى شاكك فيه الا بعين تالتة مخصصة تشوف المستخبى وتتحقق وتأكد المعلومة ..

كذلك احنا البشر فى علاقاتنا مع الآخرين
مش بكلام اللى قدامك ولا تصرفاته انت فجأة انكشفلك اللى جواه وعرفت اللى فى قلبه وبنيت سيناريوهات وتلاقيه قصده كذا عشان قبل كدة حصل كذا وحتى بصلى بالطريقة كذا ورد عليا بكذا!!!

فيلم طويل عريض مبنى على قصة وسيناريو وحوار هابط من انتاج دماغك اللى ما اتحققتش من حاجة والشيطان اخد وادى معاك واقنعك وشعللك وجاب كرسى يتفرج على احدث اصداراته وانجازاته العظيمة👏🏻

نية اللى قدامك واللى جواه واللى فى قلبه واللى بيحس بيه كل دة اسمه غيب ربنا ستره عننا عشان نعرف نتعامل مع بعض

وهو وحده المطلع على كل دة واللى بيحاسب عليه ويؤجر و يمنع و يعطى سبحانه المدبر☝🏻

فما تشتغلش شغلانة مش بتاعتك ولا انت مش مؤهل ليها..اتعامل وفق قدراتك واللى متحدد ليك

باللى ظاهر ليك…. بس كدة

بلاش الاستوديو التحليلى للفيماورائيات 😅 اللى جواه والله العظيم مش بتاعك

بيتعامل معاك تمام.. يبقى تمام وأُحسِن الظن
قال كلام كويس أو اعتذر… ما تتدخلش فى نيته وتقول لا هو قصده غير كدة

قابلك بوجه عبوس ولا مكشر التمس ليه العُذر و ابتدى انت بالتبسم وارمى ورا ضهرك

وفى كل الأحوال انت واخد بالك من حدودك لا قافل بالضبة والمفتاح وكِشِر وقِفل

ولا فاتحها على البحرى وكله طمعان و بتدى وشمعة تحترق للآخرين

إنت بنى آدم ليك قدرات وأولويتك فى الدنيا دى كلها هو ربك

هاترضيه ازاى
هاتبعد عن اللى نهانا عنه بإيه؟
هاتحسن فى معاملاتك ازاى عشان ابقى من عباده المحسنين اللى بيحبهم سبحانه؟

15/03/2024

قبل ما الشياطين تتسلسل فى شهر رمضان ،بتأمن على أماكِنها و تسيب خزين يكمل الشهر تلقائى وعدَّاد السيئات شغَّال بدون أى مجهود منها ، إلا من رحم ربى 🖐🏻

⛔️اقنعك ان الكماليات ضروريات

ياميش واشكال وانواع حلويات وكنافات وعبايات رمضان وقفطان وسجاجيد وهدايا وفوانيس وزينة واسواق بحالها بتتفتح على حِس رمضان

والناس تروح فى عز الازمات المالية اللى عايشيناه… تستلف وتعمل جمعيات او تضيع فلوس شهرين و اكتر فى بند يسمى (نفقات متغيرة) مش ثابتة ولا أساسية ولكن تحت مظلتها فيه اثم كبير اسمه…. اسراف

(إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا )

يعنى ما نفرحش ونتبسط بشهر رمضان ؟؟⭐️🌟

يا ست الكل ويا سيدى افرح انه شهر العبادة اللى جاى بحسنات مضاعفة وانك لو احسنت فيه الصيام واحتسبت اجرك وصبرك ربنا يغفر لك كل اللى فات.. انت متخيل عِظم الثواب والاجر!!

افرح ان فيه ليلة القدر اللى لما تصلى وتدعى وتذكر ربنا و تقرأ القرآن فى كام ساعة ربنا هايحسبهالك عبادة عُمر بحاله..

افرح بالديتوكس اللى بيحصل لجسمك وساعات كتير فى اليوم من غير شهوات ولا أكل ..ساعات لرقى وصفاء الروح والقلب والنفس…

شهر هدية ربانى .. بريك من الجرى وعمى البصر و البصيرة وموت القلب من كتر ما انشغل بالماديات والحياة الدنيا

الشيطان قاصد يقحمك فى الدنيا قبل رمضان ، عافية وقدرة وإقتدار ، وضامن تكمّل زى ما إنت لحد ما يستلم الشيفت تانى فى العيد ويكمل مسيرته

⛔️أقنعك تنشغل بالشكليات وتسيب الاساس !!!

رمضان بقى شهر الأكل و الولايم و الحلو وأصناف كتير على السفرة مع انه قسماً بالله العظيم شهر الصيام!!!

رمضان بقى شهر المسلسلات والاعلانات اشكال والوان و السهر و الليالى و الخيم الرمضانية وعزومات السحور برة وحفلات وكل ماهو يُضل ويِبعِد ويشتت عن الهدف الرئيسى والاساسى لشهر المغفرة والعبادة والصيام والقيام🤲🏻

اكرم اهل بيتك واعزم اهلك وزيِّن المكان ، ولكن بالمعقول، فى حدود ميزانيتك الطبيعية ، استثناء بسيط وليس القاعدة وميزانية جديدة!!
وأكيد مش هو دة الاصل

الاصل العبادة 🤲🏻
الدعاء والقيام والتضرع وفهم القرآن والعمل بيه ✊🏻قبل ما تتسابق فى عدد الختمات وانت مش فاهم حاجة وادينا بنقلد وزى ما رمضان جه.. زى ما راح 😔

فكَّر كويس فى قول الله تعالى: (اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ
ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ﴾ 🥹 الحديد: 20]

كل يوم فى رمضان إشغل نفسك، بهل ربنا تقبّل صيام النهاردة؟؟…

مش عاملين فطار ايه النهاردة!!!

09/03/2024

عن فتح الطائف...

ومرت الأيام, وغيّر الله الأحوال، وجاء الرسول بعد أحد عشر عامًا كاملة بما لا يتخيّله أحد، لا من الطائف، ولا مكة، ولا من أهل الجزيرة بكاملها، جاء الآن عزيزًا منتصرًا مُمَكَّنًا، رافعًا رأسه، ومحاطًا بجيش مؤمن جرّار، يزلزل الأرض من حوله، ويرفع راية (لا إله إلّا الله محمد رسول الله).

أحد عشر عامًا فقط فرّقت بين الموقفين، وتحقق ما ذكره لصاحبه زيد بن حارثة يوم قال له في يقين - بعد عودتهم المحزنة من الطائف -: "يَا زَيْدُ، إِنَّ اللَّهَ جَاعِلٌ لِمَا تَرَى فَرَجًا وَمَخْرَجًا، وَإِنَّ اللَّهَ نَاصِرٌ دِينَهُ، وَمُظْهِرٌ نَبِيَّهُ".

وسبحان الله! جاء الفرج والمخرج على صورة أعظم بكثير من تخيل الجميع، ونصر الله الدين، وأظهر النبي الكريم، ولا شك أنّ الرسول وهو ذاهب إلى الطائف كان في رأسه ذكريات كثيرة تجول في خاطره، إنها ذكريات لا حصر لها؛
الجيش يقطع صمت الصحراء في اتجاه الطائف للمرة الثانية في حياته،

ولعله تذكر صاحبه زيد بن حارثة حِبّه، عندما كان يصحبه في رحلة الطائف، والآن زيد لا يسير معه، فقد سبق زيد إلى الجنة، إذْ استشهد في موقعة مؤتة.

ولعله تذكّر أهل الطائف، وهم يرفضون دعوته جميعًا -بلا استثناء- في تعنت أشد من تعنت أهل مكة.

ولعله تذكر عَدَّاس النصراني الغلام الصغير الذي آمن، واختفى ذكره من السيرة بعد ذلك، ولا نعلم من حاله شيئًا، لكنَّ الله يعلمه.

ولعله تذكر وهو يمر على وادي نخلة مجموعة الجن التي آمنت به في رحلته إلى الطائف، وهو في طريق عودته إلى مكة المكرمة، ويتذكر جبريل، وملك الجبال..

ذكريات كثيرة بعضها سعيد وبعضها أليم، والأيام على أي حال تمرّ، وكل شيء يذهب، ولا يبقى إلّا العمل.
طبت حيا وميتا يا حبيب الله

اللهم نصرا وعزا لأهل غزة والمسلمين يارب العالمين

19/01/2024

قال ابنُ رجبٍ رحمهُ الله:
‏"ما دامَ العبدُ يُلحُّ في الدُّعاء، ويطمعُ في الإجابةِ من غيرِ قطعِ الرَّجاء؛ فهوَ قريبٌ منَ الإجابة، ومَن أدمَنَ قَرعَ البابِ يُوشَكُ أن يُفتحَ له".

في ساعةِ الاستجابة؛ لا تغفلوا عن جِراحِ إخوانِكم في مشارقِ الأرضِ ومغارِبها؛ فإنَّ الجُرحَ ممتدّ، والنَّزفَ مشتدّ، ولا عاصِمَ ومُنقذَ إلَّا الواحدُ الأحَد.

08/11/2023

كل يوم وانت بتبتدى يوم جديد فى أمان وحياتك ماشية وأهل بيتك بخير و يومك بيخلص فى إطار العادى جداً مفيش كوا~رث ولا د~م ولا حر~وب

افتكر تنصر دينك كللل يوم و دة فرض عليك مش اوبشن اختيارى
امشى خطوة صغيرة لربنا كل يوم فى طريق التوبة من ذنوبك الكتير، خطوة فى اصلاح عيوبك، تقوية قلبك، تزويد طاعاتك وعباداتك

كل يوم اخواتك بيدونا كلنا دروس فى الصبر و الرضا و الجه~اد … وإنت مش قادر تجا~هد نفسك القليلة الضعيفة اللى ما بين جنبيك؟!!!

قال احد الشيوخ:
"يا بني لا تخشَ على مستقبل الإسلام فهو منصورحتمًا، ولكن اخشَ على نفسك من الاستبدال."💔

09/10/2023

هل سِعة الصدر و كُتر الأعذار اللى بتديها للى قدامك
تسوى انك تعمل جريمة فى حق نفسك؟؟

لما تكون كل حاجة واضحة قدامك زى الشمس وانت مُصِر تقول لعل ولعل ولعل..

وتختلق حجج وتبريرات وتقول معلش، وكل معلش بوجع جديد و اثر اسوأ على قلبك وذكرياتك
وكل موقف بيرجعك لورا مع نفسك اكتر واكتر
وتيجى عليها كمان وكمان

عشان ايه؟
عشان شوية معتقدات بنيتها انت برضه بدماغك العظيمة دى اللى دخلتك فى دوامة ما بتخلصش
اصلهم طيبين
اصلها ما تقصدش
اصله عصبى شوية
اصلها عيلة صغيرة ما بتفهمش
اصله عنده ظروف
اصلها عندها مشاكل
اصلى بحبه…بحبها…بتحبنى…بيحبنى

وعلى ذلك
الاعذار عاملة زى الرخصة اللى بيدخلوا بيها حياتنا وجوانا يقلبوها خراب و يمشوا بعد ما يقلِّبونا فى كل حاجة💔

العيب مش منهم
العيب انك فتحت حدودك عشان ما عرفتش تحميها كويس،
العيب انك اخدت فكرة تحتمل الصواب او الغلط، ودخلتها دماغك من اوسع الابواب
وكبرتها واكدتها لحد ما بقت معتقد اصلى وحقيقى وبجد

ولما الدنيا دارت والسنين جريت وربنا رزقك الوعى والبصيرة …
عرفت ان مصدر الغلط منك انت والله

بنيت معتقدك عشان احتياجك واللى قدامك استغلها واصطادك و مشى حاله وعرف يكسب من وراك كويس

الكلام دة مش عشان نكره نفسنا وتصرفاتنا اللى تبدو ساذجة مع مرور الوقت

ولا اننا نأنب ضميرنا وناخد قرارات عنترية اننا هانجمد قلبنا مع اى حد بعد كدة ونبطل هبل بقى

الكلام دة عشان اولا تتقبل نفسك ونيتك الطيبة ، وحتى لو اخطأت فى حق نفسك ، فإنت بشر زى أى حد

ثانيا تتعلم من اخطاءك وتشكر ربنا عليها وعلى اى حد دخل حياتك وكان السبب انك تدرك و تتغير للاحسن

ثالثا تحمد ربنا انك كويس دلوقتى وهاتعدى و ربنا معاك والوحيد اللى مش بيتغير و هو الولى وهو المعين

08/10/2023

الهدية الوحيدة 🎁 اللى اكيد هاتوصل لصاحبها وقيمتها كبيرة اوى وان شاء الله تُقبَل…. هى الدعاء 🤍🤲🏻

خلى همَّك الاكبر فى الليالى المباركة دى الدعاء لنفسك وكل حبايبك

الدعاء هو العبادة، هو شغلانتك و صلتك و كلامك ولغة الحُب مع ربك❤️

فتخيل بقى انت بتطلب كل اللى نفسك فيه دنيا وآخرة، ومش انا لوحدى يارب، وكل حبايبى ، عدّهم واكتبهم فى ورقة واسألهم واجتهد تهاديهم ولك المثل على طول ان شاء لله ❤️❤️انت فى حضرة اكرم الاكرمين 🤍🤍

ومعلش تعالى على نفسك وادعى للى مِشى من حياتك…صعبة معلش ..جاهد نفسك فيها ✊🏻

ادعيله ربنا يعافيه و يعفو عنه، كدة كدة الاذى وَقع والله اعلم بمن ظلم ومن اتقى، فلو كنت اتقيت ربنا، كمِّل تقوى للآخر وادعى ربنا عشان ينقى قلبك ويبقى سليم ، وتعدِّى وتتعافى بجد بقى

ولو كنت ظلمت، ولو بقدر صغير ، فانت كدة بتكفَّر عن ذنبك ولو كان بسيط عشان يعفو عنك إنت 🫵🏻

محدش كبير على الغلط احنا بشر، ما تستكبرش واكسَر نفسك لله ، عشانك انت ، مش عشان اى حد 🤚🏻

قال النَّبِيَّ صلى الله عليه وسلم : «دَعْوَةُ الْمَرْءِ الْمُسْلِمِ لأَخِيهِ بِظَهْرِ الْغَيْبِ مُسْتَجَابَةٌ، عِنْدَ رَأْسِهِ مَلَكٌ مُوَكَّلٌ كُلَّمَا دَعَا لأَخِيهِ بِخَيْرٍ،

قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ»

تهادوا الدعاء … ولكم المِثل 💖

07/10/2023

أوقات الكرب و ضيق الصدر ليست دوماً نتيجة لأفعال الاخرين..أو الظروف المحيطة.. حتى وإن بدا لك ذلك واضحاً جليَّا …

فربما هى ذنوبك التى اوقعتك،…

ربما قصرت فى أورادك التى الزمت نفسك بها مع الله..

أو أنك لم تتضرع بخشوع منذ زمن طويل

ربما ظلمت احداً وانت لا تدرك، ربما أحد أولادك لا يسامحك عن خطأ يوم ما، أو كلمة لوالديك تألما منها فى الماضى ثم نسياها ولكن حاشاه سبحانه أن ينسى🤚🏻

ربما قادتك انانيتك فانعزلت عن العالم و لم تعير الكثيرَ حولَك اهتماماتك وتدرجهم فى قائمة اولوياتك!!

ربما هى صلاتك التى اديتها بدون قلب خاضع لربه مُحب ذليل 🤍 ، او صدقات نسيتها فى خضم قسوة الظروف وتكدس الاحداث💔

ربما هو قلبك الذى شرد بعيداً .. فأراد ربك أن يعيده إليه ليظل على عهده ووعده ما استطعت

فاللهم وإن قصرنا وابتعدنا .. رُدَّنا إليك رداً جميلاً دون كَسرَةٍ أو ظُلمةٍ .. أو فقدٍ أو أوقاتٍ عصيبة…أو ابتلاءٍ جديدٍ لم يعد يقوى الظهر على تحمله واحتماله…

اللهم هدياً ونوراً وثباتاً واستقامة على طريقك وحدك يا رب العالمين 🤍❤️

ً

05/10/2023

للناس اللى بتشتكى من الدنيا والارض اللى ضاقت عليهم و العيشة الصعبة والدولار اللى طالع والتعويم والاسعار اللى ولعت
وهانعمل ايه وبكرة شكله وهانروح على فين؟!!

الدنيا اتغيرت و بتتغير وهاتتغير كل دقيقة وثانية وسنين كتير قدام ولحد ما القيامة تقوم

الثابت الوحيد هو ربنا وكلامه هو الحقيقة اللى لما نغلب بأدمغتنا المحدودة دى .. بنروح ندوّر ونحط رأيي و رأيك على جنب خالص بقى مع احترامى للجميع يعنى ✋

ربك قال( ومن اعرض عن ذِكرى فإن له معيشةً ضنكاً)
ذِكرى مش باللسان بس وان كان دى عبادة عظيمة لوحدها ربنا بيفرج بيها الكربات و بيرفع درجات ويكفر سيئات وبيحفظنا ويعافينا

الذِكر الحقيقى هو ذِكر ربنا فى كل حدث وحديث، ابقى مستحضراه فى قلبى قبل ما اعمل او اقول اى حاجة

لما تبقى الدنيا مقفلة ادور على حكمته، واللى بتعلمه فى المحنة دى

بذكر ربنا فى حاجات كان نفسى فيها وما جاتش ، او حاجات واشخاص كنت معتقد فيهم افكار غلط وطلع فيهم خير كتير،({وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

بذكر ربنا فى ستره ليا سواء عيوب ولا ذنوب ، أو ستر من السؤال لغير وجهه الكريم

بذكر ربنا فى المستشفيات وانا بصحتى الحمد الله، شوية تعب ما يجيش حاجة جنب الامراض العضال اللى مالهاش حل ، أو دواها أمَرَّ من وجعها

بذكر ربنا فى كل نعمة ما اتخيلش غيابها، بشوف، بسمع، بمشى، بلاقى أكل ومية، بنام فى سريرى متطمن

بذكر ربنا فى شغلى اللى ربنا وهبهولى عشان ينفع بيا، وبكتبلى اجر السعى، وبذكره فى البشر اللى بقابلهم،وبتعلم منهم وبزكى نفسى معاهم وبيهم

بذكر ربنا فى كل صلاة، دعاء، مشى، نوم، سفر، اسواق، اكل…..حياة

فى حسن ظنى بيه و يقينى انه وحده اللى هايحمينى و يجبرنى و يخلينى اعدى وانجح فى الحياة كلها بكرمه وفضله ❤️

ولو ما ذكرتش ربنا فى كل اللى فات دة 👆 ففعلا الحياة والعيشة بتبقى ضنك … عافانا واياكم

‏
أولئك الذين يتركون كل شيء في يد الله.. سوف يرون في النهاية أيدي الله في كل شيء❤️
شمس الدين التبريزي

Dr Doaa Amin

23/04/2024

29/03/2024

21/03/2024

15/03/2024

09/03/2024

19/01/2024

08/11/2023

09/10/2023

08/10/2023

07/10/2023

05/10/2023

Address

Telephone

Website

Alerts

Contact The Practice

Shortcuts

Share

Category