01/11/2025
كتير من الناس عندهم إعتقاد خاطئ أن تنضيف الجير بيضعف طبقه المينا الخارجيه للأسنان أو بيسبب فراغات بين الأسنان .
الجير هو طبقه صلبه بتتكون نتيجه تراكم بقايا الأكل والباكتيريا ومش بيتشال عن طريق غسيل الأسنان ولا بأي وصفه في البيت بيتشال فقط عن طبيب الأسنان .
أيه هي أضرار تراكم الجير؟
تراكم الجير بيؤدي إلي : إلتهاب ونزيف في اللثه , تراجع في اللثه , رائحه فم كريهه , تسوس تحت المناطق المتراكم فيها الجير و جيوب لثويه تؤدي إلي تآكل العظم .
تنضيف الجير من أهم الخطوات للحفاظ على صحه الفم واللثه علي المدي الطويل وهو إجراء بسيط لازم يتعمل لكل مريض في خلال من ست شهور لسنه .
طب هل تنضيف الجير بيسبب حساسيه للأسنان أو فراغات بين الأسنان؟
الحقيقه لأ وجود الجير نفسه وتكوينه المستمر بيؤدي إلي انحسار اللثه وقفل الفراغات الطبيعيه اللي بين الأسنان ولما الجير كله يتشال بتظهر الفراغات الطبيعيه للأسنان وبسبب وجود الجير لفتره طويله ومع انحسار اللثه بيتكشف جزء من جذر الأسنان ولأنه مش موجود عليه طبقه المينا بيحصل حساسيه بعد تنضيف الجير ممكن تفضل لمده أسبوعين لكن بتخف تماما واللثه بترجع مكانها الطبيعي .
هل تنضيف الجير بيضعف طبقه المينا ؟
لا تنضيف الجير لا يؤثر أطلاقا على طبقه المينا, الجهاز المستخدم في تنضيف الجير بيشتغل بالموجات فوق الصوتيه وده بيكسر تسربات الجير من غير ما يؤثر علي سطح السنه بالعكس تنضيف الجير بيحافظ علي طبقه المينا لأنه بيمنع تراكم ترسبات الجير اللي بتعمل التهابات وتسوس في اللثه والأسنان .
أيه التعليمات اللي المريض بيتبعها بعد تنضيف الجير ؟
تجنب الأكل الناشف لمده يوم
مواظبه على غسيل الأسنان مرتين يوميا بفرشه ناعمه أو متوسطه النعومه لمده دقيقتين كل مره .
إستخدام الخيط الطبي مره يوميا ضروري جدا لأنه بيوصل للأماكن اللي فرشه الأسنان مش بتقدر توصلها وبيشيل بواقي الأكل بين الأسنان
إستخدام غسول للفم ومعجون مناسب عن طريق إستشارة الطبيب .
تنضيف الجير مش رفاهيه هو إجراء مهم للحافظ على صحه الفم واللثه .
لو عندك نزيف في اللثه أو ملاحظ أي ترسبات علي الأسنان متستناش عليها
تواصل معانا عن طريق الصفحه أو عن طريق رقم العياده : 01096452455
