Dr Khalid Al-ghannam Dental Clinic

20/02/2026

فاكرين ضيفتنا اللى كنا عاملينلها حشو أمامى من ١١ سنة 🤩
كانت جاية قبل فرحها مخصوص من القاهرة عشان تعمل تبييض وتجميل
شرحنالها قبل التبييض إن الحشو القديم هيبقى باين وممكن يحتاج يتغير عشان يبقى لونه زى لون الأسنان بعد التبييض وده هى تقرره بعد ما نخلص
عملنا تبييض وعلاج لبعض البقع البيضاء على الأسنان

ودي كانت النتيجة 😍
وأول تعليق هتلاقوا كلام والدتها ربنا يحفظها بعد الفرح الحمدلله😍
ألف مبروك ليهم ربنا يبارك لهم وعليهم ويجمع بينهم في خير

قولولنا رأيكم 😉

17/02/2026

كل رمضان وانتوا طيبين 😊🎁

06/02/2026

صاحيين تشوفوا تفاصيل الحالة دي ولا نخليها وقت تاني 😄🤔

29/01/2026

الآنسة نور والآنسة إسراء
دول المساعدين معانا فى العيادة
نور كان بقالها حوالي ٨ شهور و إسراء حوالى ٥

من أفضل الناس اللى اشتغلوا فى العيادة على مدار ١٥ سنة رغم الفترة القصيرة نسبياً (وطبعاً فى ناس غيرهم ممتازين جداً اشتغلوا معانا على مدار السنين ومازال التواصل قائم حتى الآن لا ينقطع ولكن لا يتسع المجال لذكرهم الآن)

ميزتهم الأكبر مش اتقانهم للعمل ولا اجتهادهم
الميزة الأكبر والأهم هى انهم "عندهم دم" قد يبدو اللفظ غريب لكن هى دى الكلمة المعبرة حقيقة.
بمعنى انهم لما بيغلطوا هما أول ناس بيضايقوا من نفسهم انهم أخطأوا وبيسارعوا لإصلاح الخطأ ومش بيآوحوا أو بيجادلوا أو بيدافعوا

ودى حقيقةً أهم صفة فى أى إنسان خاصة فى عمل كله ضغوطات زى شغلنا

الحاجة التانية هي انهم "ولاد أصول" (أو بنات أصول بقى بس هى بتتقال كده 😄)
الجدعنة ومراعاة مصلحة العيادة إلى جانب مصلحتهم الشخصية
الاتنين من فترة بقوا مش قادرين ينظموا أمورهم الدراسية مع الشغل وبلغوني بكده
ورغم ذلك احترموا المكان وتحملوا مسئولياتهم كاملة لفترة شهر أو أكثر لحد ما نقدر نوظف حد مكانهم ويستلم مسئوليات الشغل منهم
ودى حاجة كبيرة ومحترمة ومايعملهاش إلا حد محترم وعنده أصل
ولأن الصفات والتصرفات دى أصبحت نادرة جداً فى هذا الزمن حبيت أشكرهم هنا على هذا الأدب وهذه الأخلاق..وخالص دعواتنا لهم بدوام التوفيق
شكراً جزيلاً

23/01/2026

دخلت زائرتنا الفاضلة مع والدتها كشف
-أهلا وسهلاً

-فلانة جاية لحضرتك مخصوص من القاهرة عشان فرحها آخر الشهر وعايزة تعمل تبييض..هى كانت جاتلك قبل كده زمان بس هى بقالها سنين عايشة فى أكتوبر

-اهلا بيكي (وانا بحاول افتكر 🤔)

-انا فلانة وكنت عاملي السنة دي وكل ما أروح لحد يقولي الله يباركله اللى عملها

أبص ألاقي الحشو الأمامي ده معمول من أكتر من عشر سنين الحمدلله بنفس الشكل اللى فى الصورة و بنفس الحالة يمكن اللون أصبح أغمق شوية وطبعاً بتكنولوچيا وطريقة مختلفة عما يمكن عمله اليوم

الحمد والفضل لله لما بلاقي حالات زى كده بفرح جداً وبحس إن المجهود اللى ربنا بيوفقنا لعمله فى كل تفصيله والوقت الطويل اللى بناخده مش بيكون على الفاضي ولا هى (حسوكة) بزيادة

من أول ما بدأنا كان الهدف واضح واستعنا بالله على تحقيقه..الجودة والإتقان رقم واحد ثم يأتي بعد ذلك أي شئ
كان تحدي كبير جداً فى الأول لأن المدرسة دي فى طب الأسنان كانت نادرة من أكتر من ١٥ سنة وكان تقبلها مش سهل من كل النواحي ومن كل الأطراف "مرضى وأطباء"، سواء نظام المواعيد لكل حالة أو وقت الجلسة الطويل نسبياً أو التكاليف

كل تفصيله ليها دور فى استمرارية وعمر العملية مش بس فى شكلها الكويس بعد ماتخلص

وقبل كل ذلك توفيق وبركة الله سبحانه وتعالى في هذا العمل

المهم قولولنا رأيكم فى الحشو ده بعد أكتر من عشر سنوات اللهم بارك 🤩

واستنوا نتيجة الحاجات الجديدة لها إن شاء الله

19/12/2025

البقاء لله وحده
توفيت إلى رحمة الله الدكتورة كوثر وليد والتى كانت المساعدة فى العيادة لمدة عام تقريباً

بدأت العمل فى العيادة في سبتمبر ٢٠٢٣ تقريباً وكانت تدرس طب الأسنان فى جامعة كفرالشيخ
كانت دائماً ما تعاني آلاماً مرضية مزمنة نسأل الله سبحانه أن تكون تكفيراً لذنوبها

رحمها الله وغفر لها وأبدل سيئاتها حسنات

12/12/2025

جمعتكم مباركة
الحالة دي نشرناها قبل كده من فترة قريبة
لكن قررت إعادة نشرها تاني لأني بحبها جداً
دي بنت عزيزة علينا وهي طالبة فى طب أسنان أيضاً وهتبقى دكتورة شاطرة إن شاء الله

كانت عاملة حشو أمامي فى مكان آخر وهي صغيرة بعد ما وقعت وسنتها اتكسرت
ودلوقتي جاتلنا عشان نغير الحشو لأن شكله ولونه بقوا مش عاجبنها
وطبعاً السنة المجاورة كمان كان فيها كسر خفيف لكن ماكانتش اتحشت

بعد تحليل الشكل والتصميم سريعاً لاحظت إن السنتين فيهم اعوجاج خفيف يعني مش على نفس الalignment بالظبط وفهمتها إن ده ممكن يخلي النتيجة النهائية مش أحسن حاجة وتقبلت ده

والحمدلله دي كانت النتيجة وكان تعليقها عليهم "تحفة" 🤩

انتوا بقى ايه رأيكم
تحفة ولا مش تحفة 😄

21/11/2025

زائرنا المرة دي من السعودية
طالب فى كلية طب أسنان
زارنا وعايز يعدل شكل سنته ويقفل المسافة المجاورة لها
والحمدلله قدرنا نعالجها بدون برد للسنة الطبيعية وكان مبسوط من النتيجة

رغم انه بيكون الموضوع أصعب لما نكون بنشتغل لحد فاهم وعينه معتادة على مستوى معين لكن ده دايما شئ بيسعدنا

مستنيين رأيكم 😊

Direct composite 😍

dentistry l

07/11/2025

زائرتنا الفاضلة من السودان
جتلنا وشايلة هم التسوس فى الأسنان الأمامية ومتخوفة جداً من شكل الحشو هيبقى ازاى لأنها كانت عاملة حشو قديم ووقع وكان شكله وحش على حد وصفها
عملنا تصميم لشكل الحشو واقترحت إننا نطول الأسنان شوية كمان غير علاج التسوس عشان الشكل هيبقى أحلى
لكنها كانت خايفة من ده وعايزاهم يفضلوا بنفس الشكل والطول

وانا ماسمعتش كلامها 😄

أحلى حاجة فى الحالة بالنسبة لي هو رد فعلها بعد ما خلصنا

"قالت "دى طلعت أحلى من ما كنت أتوقع
ودي فعلاً كانت أفضل جائزة بالنسبة لي

Keep it simple 🤩

10/10/2025

الحشو التجميلي بعد عامين من محاولة ناجحة لتفادي علاج العصب 🤩
الحمدلله
إيه رأيكم؟

10/10/2025

03/10/2025