26/02/2026
السلام عليكم داكترتي الاعزاء
.. هو مسلسل رمضاني بس علمي😄 هناقش فيه الخناقات والجدال الي بيدور بين النظريات والمدارس المختلفه في مجال ال restorative & prosthodontics عشان نحاول نفض الاشتباك ده ان شاء الله 😄
- الحلقه الاولي: [ ارمي البوستات في الزباله 😀 ]
- من اشهر الخناقات الي شغاله دلوقتي هي خناقه مدرسه ال biomimetics مع post & core ..بس قبل مانفض الاشتباك ده عاوز اقول نقطه مهمه..الدكتور الشاطر لازم يبقي open minded ماتتبناش مدرسه واحده وتدافع عنها لمجرد اقتناعك بيها ودايما اخرج من ال comfort zone عشان تتطور وتتلعم وخلي العلم هو المقياس مش رايك الشخصي..لاننا ببساطه داكتره مش صنايعيه😃 ..
نخش في الموضوع.. " بصوت طلعت زكريا😃"
-خلينا نجيب الحدوته من الاول واحده واحده..في ليله شتويه بارده من ليالي باريس😃 جه الحاج Pierre Fauchard الي تم تلقيبه بعد كده ب Father of Modern Dentistry وقالك ماتيجي نحط metal pins placed into root canals to retain artificial crowns. مع العلم ان ساعتها مكنش الاندو بيتعمل زي دلوقتي طبعا..حضرتك يعني الكتاب بتاعه اتنشر سنه 1728 وكان اسمه "Le Chirurgien Dentiste, ou Traité des Dents "مش عارف طب ايه الي كان موجود ساعتها.. بس ماعلينا😁" ..المهم..الحاج كان عاوز يعمل form of mechanical retention للكراون عشان يمسك احسن وطبعا ساعتها الدنيا ماشيه بالحب وعلي قد ايدهم ومكنش عنده غير ال metal pins ومن وجهه نظره ساعتها انها نجحت وادت الغرض..
-في اوائل القرن ال19 Gold and platinum posts were used وابتدي الموضوع يتطور واحده واحده لحد ماوصلوا ل
The idea of a custom cast gold post and core (one-piece)
وفضل الداكتره ساعتها يطوروا الموضوع وابتدوا يوصلوا ل A cast metal post With a built-up core Cemented into the root
لحد مابقي classical cast post-and-core system.
-ربنا كرم بقي وجه القرن ال20 وعلم الاندو اتطور وظهر معاه Ferrule concept وابتدي تتطور معاه فكره اننا نلزق بدل مانحشر بس😄 فيابتوع البايوميمتك يالي بتلزقوا كل حاجه احنا كمان بنعرف نلزق " لسان حال الي شغال بوست وكور بس 😃"..المهم..علي نص القرن ال20 بقي تقريبا Endodontically treated tooth = Post & Core + Crown” was almost automatic وطبعا كل ده كل الشغل بمعادن باختلاف انواعها
metal ,Gold and platinum.
-في اواخر القرن ال20 ابتدي Introduction of fiber posts عن طريق راجل كباره كده اسمه Marco Ferrari وللدقه مش هو الي اخترعه بشكل واضح لاننا نقدر نقول ان البوست والكور ده كونسبت اتطور علي مدار سنين طويله لكن ابحاث الحاج فيراري كان ليها دور كبير في اعتماد الفايبر بوست وابتدت الشركات تتطور فيه ..والحقيقه هو كان تطور مهم جدا نتيجه ظهور عيوب في استخدام المعادن الي قلنا عليها وكان اهمها ان cast metal posts صلبة جدًا وبتعمل stress concentration وبتسبب vertical root fracture (غير قابل للإصلاح) يعني نقدر نقول من الاخر ان عندنا مشكله كبيره في اختلاف ال modulus of elasticity بين البوست والdentin "وديه نقطه محوريه هنتكلم عنها في الحلقه الجايه"..
-البداية كانت مع أبحاث المواد المركبة (Composite Materials) الفكرة ظهرت لما الباحثين بدأوا يستخدموا ألياف زجاجية (Glass fibers) أو ألياف كربون (Carbon fibers) مدمجة جوه (Resin matrix) علشان يعملوا مادة معامل مرونتها قريب من dentin وأقل صلابة من المعدن توزع stress بدل ما تركزه في الroot.
-من هنا بقي ومع تزايد الابحاث ديه ظهر أول Fiber Posts تجاريًا أول نظام مشهور كان من شركه Bisco طرحت في أوائل التسعينات بوست مصنوع من ألياف كربون وبعدها ظهر نظام مهم جدًا من Ivoclar Vivadent وهو نظام: Composipost (كربون فايبر بوست) لكن المشكلة كانت اللون الأسود (غير جمالي تحت الكراون السيراميك).
-بعدها حصل التطور الكبير: Glass Fiber Post والي بعدها ظهرت أنظمة زجاجية شفافة أو بيضاء زي : RTD وهي الشركة اللي طورت نظام: FRC Postec
ثم انتشر بشكل واسع من خلال: Ivoclar Vivadent وده كان نقطة التحول لأنه لونه حلو وبيمرر الضوء ومناسب للكراون السيراميك.
FRC Postec Plus**
[ هو نظام Glass Fiber–Reinforced Composite Post ] وهو من أشهر أنظمة الفايبر بوست اللي انتشرت عالميًا في أواخر التسعينات وبداية الألفينات عن طريق Ivoclar Vivadent.
-ليه الاختراع ده كان ثوري ومهم وقتها؟
لان قبل ظهوره كان الشائع: Cast metal post Carbon fiber post (لونه أسود ومش جمالي) لكن بظهور FRC Postec Plus كان نقلة لأنه:
لونه أبيض/شفاف فبالتالي مناسب للـ all-ceramic أفضل توزيع للإجهاد مقارنة بالمعدن Failure pattern غالبًا repairable (core fracture مش root fractur.
-فالملخص ان الفلسفه الميكانيكيه بتاعه الفايبر بوست هي simulation of dentin modulus of elasticity.
-واهم نقطه لازم نبقي عارفينها كويس وده اكبر خطا شائع عن البوست والكور بشكل عام post mainly designed for core retention not tooth reinforcement.
-- كفايه كده عشان هنكمل الحلقه الجايه ونبتدي نخش في الخناقه بتاعه هيلزق ولا مش هيلزق😃..ولازم طبعا اقلكوا الكلمتين بتوع الي عجبوا البوست يدينا اللايك المتين وان لم تنشره فاعلم ان الشيطان منعك😄 واكتر حد هيشير البوست هبعتله شويه papers حلوه فيها خلاصه موضوع الفايبر بوست بالذات والي حابب يشوف كتاب الحاج Pierre Fauchard منصحوش لانه كان فرنساوي ومش هيفهم منه حاجه😃..اتمني تكونوا استفدتوا..
والسلام عليكم
![Full case presentation [ diastmas mangment with minimal prep. veneers ]شغل الفينيرز هو السهل الممتنع..بمعني انه يبدو كتح...](https://img5.dentists10.com/825/111/122268827708251110.jpg)
