27/12/2024
"رحلة ضرس.. من الألم للراحة في جلستين فقط! 😲"
من كام يوم، دخلت العيادة سيدة على وشها علامات تعب وألم لا يوصف. أول ما بدأت تتكلم، صوتها كان مليان إحباط وقالت:
"دكتور، الوجع مش سايبني.. لا عارفة آكل ولا أنام.. وحتى صلاتي مش عارفة أعملها بسبب ضرس عملت فيه حشو عصب قبل كده!" 😢💔
الضرس ده كان أكتر من مجرد وجع.. كان مصدر لمعاناة حقيقية.
الضروس الخلفية في الفك العلوي بتكون قريبة جدًا من الجيوب الأنفية، وأي مشكلة فيها بتعمل إحساس بصداع رهيب وتقل في الرأس، خصوصًا أثناء الركوع والسجود. الضرس ده كان حارمها حتى من لحظات الراحة الروحية اللي كانت بتخفف عليها أي تعب. 😔🙏
بدأت أهدّيها واطمنها، وبدأنا نشتغل خطوة بخطوة. عملنا الفحص الشامل، ومع الأشعات اكتشفنا إن حشو العصب القديم فيه مشاكل كبيرة جدًا.
كانت عينيها مليانة خوف وكأنها بتسألني بصمت:
"هو في أمل أرجع لحياتي الطبيعيه تاني؟"
وقتها قلت لها:
"حضرتك معانا في أمان.. الضرس ده هيتعالج إن شاء الله، وهترجعي تعيشي حياتك بشكل طبيعي من تاني. هتاكلي اللي نفسك فيه، تنامي براحتك، والأهم.. هتصلي وتسجدي براحة ." ✨🦷
لكن لأن الحالات دي محتاجة مهارة خاصة، وعشان انا مؤمن بالتخصص وبحب اظي العيش لخبازه كان لازم أستدعي البطل المتخصص، د. مهاب شميس، أخصائي علاج الجذور في فريقنا.
د. مهاب بخبرته وأخلاقه العالية هو الشخص اللي دايمًا بيحقق المستحيل معانا. 💪🌟
💡 وفي جلستين فقط، اتحقق الوعد!
الضرس اتعالج بالكامل، الألم اختفى، والحياة رجعت زي الأول.. يمكن أحسن كمان! 😍
وأكتر لحظة أسعدتنا لما بعتت لنا فويس قالت فيه:
"أنا قدرت أسجد." 🙏
قد إيه حسيت وقتها بالامتنان والشكر لله إن ربنا جعلنا سبب في تغيير حياة الناس.. مش بس جسديًا، لكن كمان روحانيًا. 🙌❤️
---
**الرسالة دي ليك:
لو الألم واخد منك حياتك، متهملش المشكلة. إحنا هنا مش بس علشان نعالج، إحنا هنا علشان نرجّعلك راحتك وابتسامتك. ❤️**
مرفق بالبوست فويس شكرها لينا. 🎙️✨
