Mery smile

28/05/2022

جلسه تنضيف مجانايوم الأتنين من ٤ ل٦
فرسيس بجوار المسجد البحري مقابل منزل الاستاذ سيد الديب

31/03/2022

كل شئ قابل لستقبالكم في عيادتنا لان راحتكم وابتسامتكم شئ يهمنا
وبنوفرلكم أحدث الاجهزه والتقنيات المستخدمه ف طب الاسنان واحدث اجهزه التعقيم
واهتمام خاص بالاطفال وتوفير جو مناسب لازاله التوتر والخوف مع مشكلات الاسنان

31/03/2022

زراعة العضم مكلفة عشان اتأخرت حضرتك في زراعة الضرس ..
زراعة الضرس مكلفة عشان حضرتك اتأخرت في حشو العصب ساعتها ..
حشو العصب مكلف عشان حضرتك اتأخرت في حشو عادي لما كان التسوس بسيط
و الحشو العادي مكلف عشان حضرتك معندكش ثقافة زيارة دكتور السنان للكشف كل 6 شهور
علاج الاسنان مش مكلف.. الاهمال هو المكلف ✋✋
لما بتروح لدكتور الأسنان بتدفع ثمن الاهمال وليس العلاج ✋

23/03/2022

مواعيد العمل ف رمضان يوميا من ٨ل ١١

11/03/2022

05/03/2022

بمناسبه عيد الام حبينا نحتفل معاكو ونعملكو خصومات ع جميع انواع الحشوات والتركبيات وتنضيف الجير من يوم الخميس

13/02/2022

☺التسنين☺ من اكتر المراحل الي بيكون فيها قلق و خوف علي أطفالنا الام بتكون بتعد الايام و الشهور و بتراقب تطور رضيعها و هو بيتحرك و يبتسم في انتظار ظهور اول اسنان ليه

في البوست ده حنحاول نوضح ليكم كل شئ بخصوص التسنين بشكل مبسط يلا بينا 👌

التسنين هو عملية ظهور الأسنان في فم الرضيع من داخل الفك حتي ظهورها خارج اللثة تماما .

اول سنه بتظهر في فم الرضيع امتي ؟ بتكون تقريبا عند عمر 6 شهور بعض الاطفال ممكن بدري عند عمر 4 او 5 اشهر و بعض الاطفال ممكن تطلع عندها اول سنه عند عمر سنة في اختلافات فردية كبيرة بين الاطفال و بعضها متقارنش طفلك بطفل تاني .

ترتيب ظهور الأسنان مش مهم و مش ثابت مع كل الاطفال و بيختلف من طفل للتاني .

ابني اتاخر في التسنين يا دكتور ؟
مينفعش نقول ان الطفل متأخر الا لو عمره تخطي سنه و لسه مطلعش ولا سنه وقتها بيتم فحصه من الدكتور و تحديد الأسباب و العلاج .

ايه هي اعراض التسنين ؟
-الطفل مقريف و زهقان بيعيط طول الوقت
-بيريل و صباعه في بقه
-رافض الاكل و الرضاعة
-بيعض علي الاصابع او اي حاجه يلاقيها
-في احمرار في وشه او الخدين
-بيمسك او بيحك الأذن ( بيشد في ودانه )
-لين في البراز ( لو اسهال شديد ده مش تسنين لازم كشف عند دكتور الأطفال )
-ارتفاع طفيف في درجة الحرارة بشرط انها متعديش ٣٨ درجه لو حرارة اكتر من كدة غالبا في سبب تاني للحرارة ( لازم كشف عند دكتور الأطفال )
-اللثة فيها احمرار او نزيف او تورم

✔ ازاي نقدر نتغلب علي مشاكل التسنين و نعدي الفترة دي بسلام ؟

اولا لازم نكون عارفين ان شدة الاعراض بتختلف من طفل للتاني حتي لو الطفل الاخر ده كان اخوه ممكن طفل الموضوع معاه يكون بسيط و طفل تاني اشد شوية

✔ الام تدلك اللثة بالاصابع
✔نستخدم عضاضه ساقعة او قطعة خيار او جزر بارده للعض او بسكوت التسنين حتساعد الطفل في تخفيف الألم

طيب انا يا دكتور عملت كل ده و لسه في الم و احمرار شديد في اللثة و الطفل مش بيبطل عياط اعمل ايه ؟

☹ في حالة الألم الشديد نستخدم مسكن و خافض للحرارة بعد استشارة الطبيب !
☹ ممنوع استخدام اي جل او مراهم تحتوي علي مواد مخدرة ليدوكايين LIDOCAINE !

نعمل ايه عشان الطفل يسنن كويس و ميتأخرش في التسنين ؟
١- فيتامين د بياخده الرضيع من عمر يوم (ڤيدروب للاطفال) ٤ نقط في السنه الاولي من عمر الطفل ٦ نقط في السنه التانيه من عمر الطفل مرة واحدة يوميا .
٢- لازم الطفل ياخد منتجات الالبان كويس جدا و دي مسموح بيها للاطفال من بعد الشهر السادس طبعا مع الرضاعة بشكل منتظم و سليم مهمة جدا .
٣- صفار البيض من الحاجات الغنية جدا بفيتامين د و الكالسيوم بيساعد الطفل علي التسنين و نمو عظامة بشكل سليم .
٤- التعرض للشمس علي الاقل مرتين اسبوعيا لمدة نص ساعه جلد الطفل ( اليدين و الرجلين ) معرضين للشمس بشكل مباشر عشان الاشعة فوق البنفسجية الي بنحتاجها من الشمس عشان ننشط فيتامين د الي موجود تحت الجلد .

تابعونا علي الهاشتاج حتلاقوا مواضيع و معلومات كتير بخصوص صحة اسنان اطفالكم


#التسنين

02/01/2022

علشان بنخاف ع شكلك وع صحه اسنانك عملنالك عروض ع تنضيف الجير بمناسبه السنه الجديده

08/12/2021

هنتكلم انهردا عن مشكله بتواجه معظمنا وهي (تكوين الجير ع الاسنان وعلاقته بتثبيت الاسنان)
في ناس كتير بتعاني من تكوين طبقه جير ع الاسنان ومبيرضوش ينظفوه طب ليه اصلا هو الاماسك سناني هتتلخلخ دانا اعرف واحد نظف جير وسنانه اتلخلخلت او وقعت اواللثه ملتهبه طبعا الكلام دا كله غلط وملهوش اساس من الصحه
(تعالو نشوف ايع المشاكل الا بيعملها الجير ع الاسنان)
ترسبات الجير بتعمل تاكل ف العضم المحيط بالأسنان ومستوي ارتفاعه بيقل مع الوقتولو فضل وقت طويل بيحدث تامل بشكل فظيع وبيكون صعب اننا نعالجه وبيكون سبب اساسي ف سقوط الاسنان علي عكش الشائع تماما
علاقه الجير بالتهاب اللثه كل ما الجير مدته تطول ع الاسنان كل ما بيزيد التهاب اللثه وبياخج وقت طويل ف العلاج
تالت مشكله وهي (اللثه الدمويه) وهي الشكوي الا معظمنا بيروح بيها لدكتور الاسنان اللثه بتاعتي بتجيب دم ي دكتور لوحدها او مع الاكل زي الخيار او مع الغسيل وممكن بصحي يلاقي نفسه بقه فيه دم
(ريحه الفم الكريههاو النفس الغير مرغوب بردو بسبب الجير)
#لابد من تنظيف الخير والمتابعه بعدها بفتره لعدم تكون ترسبات الجير مره اخري #