07/09/2026
For dentist
For benefit
• How to give dental anesthesia without pain .....
• Part 1 ( dental anesthesia for upper teeth )
Introduction :
• السلام عليكم اصدقائي واخواني الغالين ... إن شاء الله تكونون بخير وصحة وعافية ودوام التألق والنجاح بأذن الله تعالى ...
• اليوم راح نتكلم باللغة العراقية الجميلة وبعض المصطلحات الأنكليزية عن موضوع رغم بساطته ومعرفتنا به ولكنه جداً ... جداً ... جداً مهم لانه يعتبر المفتاح الأساسي لكسب ثقة ال patient ووثوقه بك كطبيب مزيل للألم لا مزيد للألم اذا تم تطبيقه بصورة صحيحة ووفق القواعد الأساسية وبالتالي سيتم تنفيذه بدون اي ألم يذكر لل patient وهو موضوع ال dental anesthesia ....
• طبعاً خلي يكون في بالنا شغلة واحدة انه ال patient أتى للعيادة متألم في اغلب الأوقات ويجب علينا ازالة ألمه وليس اضافة ألم الى ألمه .... بدون مادوخكم خلي نشوف شنو تفاصيل هذا الموضوع .....
Types of dental anesthesia :
• موضوع تخدير الأسنان ينقسم الى قسمين اساسيين وهما :
١. تخدير اسنان الفك العلوي ( Infiltration )
٢. تخدير اسنان الفك السفلي ( Block + Infiltration )
Upper dental anesthesia :
• تخدير اسنان الفك العلوي تتضمن اتجاهين وهما :
١. جهة الشفة + الخد ( buccally + labially) وهي طريقة واحدة لكل الأسنان في الفك الأعلى وذلك بأن نضع النيدل في الدهليز الشفوي او الخدي وتكون موازية للمحور الطولي للسن وندخلها بضع المليمترات بدون touch bone ونقوم بحقن مادة التخدير ، طبعاً لكل جذر يجب ان يكون له تخدير خاص به ... على سبيل المثال السن رقم 6 في الفك العلوي له جذران buccally وهما ال MB و ال DB وبالتالي يجب ان نحقن تخدير لل MB root وال DB root بصورة منفصلة .... اعتقد الموضوع واضح ....
زين هنا شلون اخلي المريض مايحس بوجع الأبرة إلي صدعتنا به وتكول انه لازم ما كو ألم اثناء أعطاء التخدير ....
خلي نضرب مثل والأمثلة تضرب ولا تقاس .... خلي اتخيل عندي sheet of rubber dam واريد اثقبها بالأبرة او النيدل شنو الطريقة إلي اخلي النيدل يمر بسرعة اكثر خلال ال sheet ؟؟؟ ... هل اوتر او اشد ال sheet لو اخلي راخي وما مشدود ؟؟؟ شتكولون ؟؟؟؟ ....
طبعاً اكيد اذا وترت او شديت ال sheet سواء بيدي او ثبته على ال frame راح تخترق النيدل او الأبرة ال sheet اسرع بكثير مقارنة اذا كان ال sheet راخي وليس مشدود .... اشو دوختنا وصدعتنا ومافتهمنا شي ....
لا لا لا ابد لا دوخون والموضوع كلش سهل .... خلي انعامل النسيج الدهليزي للثة مثل ال sheet of rubber dam وقبل اختراق النيدل له خلي انوتره شويه ونشده بواسطة سحبه بال mirror بأتجاه الخارج وبالتالي سوف تخترقه النيدل او الأبرة بسهولة وبسرعة وبدون أي الم يذكر من قبل المريض .... تحقن شويه تخدير وتخرج النيدل ليخدر المكان بدون انتفاخ ومن ثم تكرر دخول النيدل وتحقن الكمية المحددة ....
ومن راح اسوي هذه الطريقة وتكمل تخدير راح تباوع للمريض والمريض يباوع عليك وثنينكم متدرون شنو السالفة ... هو يكلك يله دكتور انطيني التخدير لاتأخرني وتوترني اكثر وانت تكله تره اطيتكياها وكملتها ويبقى هو ما مصدك الموضوع ....
الملخص اخواني ( buccally + labially ) وتر النسيج الدهليزي واسحبه قبل اختراق النيدل له لعدم حدوث الألم.
٢. جهة اللهاة ( Palatally ) وهي طريقة واحدة ايضاً لكل الأسنان في الفك الأعلى وذلك بأن نثني النيدل او الأبرة 90 درجة مع محورها الطولي او بدون ثني حسب سيطرة الطبيب ونضع الجزء المدبب بزاوية 90 درجة او اقل مع النسيج وقريب من ذروة جذر السن المراد تخديره وبعد ذلك نخترق بضع المليمترات لتخدير النسيج وبعد ذلك نكرر دخول النيدل لحين حصول ال touch bone ونكمل التخدير بالحقن البطيئ ..... طبعاً هذا التخدير اذا تريد تقلع سن او ممكن اذا سوي حشوة جذر للسن 4 او 6 او 7 او 8 لوجود palatal root .....
زين هنا لاعندي دهليز ولا نسيج غير مشدود ولا غيرها ... شلون هسه احقن تخدير بدون ألم .... هنا صعبة لاتكلي شد ولا وتر النسيج ... شلون لعد ماخلي يحس بالألم وانت تكول لازم مايحس بالألم وتفيل علينه ... انطينا حل ....
هنا اكول الحل موجود وهو انه نبلغه للمريض ونكله انه هنا النسيج سمكه عالي وفيه بعض من الألم البسيط وهي جكة بسيطة وتروح وندخل النيدل كلش قليل ونحقن كلش قليل ونخرج النيدل بدون حدوث انتفاخ في النسيج وننتظر لبضع ثواني للتخدير الأولي وهنا هي الفكرة لعدم حدوث ألم للمريض وبعد ذلك نكرر دخول النيدل لحين حدوث touch bone ومن ثم نحقن ببطئ لعدم حدوث انتفاخ وألم في النسيج ولكي نضمن ان التخدير سوف يتوغل في العظم الأسفنجي للفك الأعلى ويصل الى الي ذروة جذر السن المراد تخديره ويخدر العصب الداخل للسن عن طريق ال apical foramen وهنا سوف لم يحدث الم للمريض ونحقن الكمية المحددة او المطلوبة بدون ألم يذكر ....
الملخص اخواني انه في جهة ال palatal لازم بالبداية اخدر شوية النسيج واتركه يتخدر وبعدين اكمل اختراق النيدل لحين حدوث touch bone لعدم حدوث ألم للمريض جراء اختراق النسيج بدون تخدير النسيج .... بمعنى مادخل النيدل مباشرة من اول مرة لحين حدوث touch bone وانطي تخدير لأن طول فترة اختراقك للنسيج المريض يعاني من ألم شديد لعدم تخدير النسيج في بادئ الأمر .....
اخيراً وليس اخراً بالنسبة لأسنان الفك الأعلى بعد اعطاء التخدير ننتظر دقيقة واحدة وبعد ذلك نباشر بالعمل ....
دوام الصحة والعافية لكم إن شاء الله .... 🌹
