Sheredent Smiles - Dr. Sherihan A Radwan

01/03/2026

اللهم صل وسلم وبارك على نبينا محمد وعلى آله وصحبه وسلم تسليما كثيرا إلى يوم
انتظروا مسابقتنا اليومية واستعدوا لجوايز العشر الاواخر وجايزة العيد 🎊 🎁 🎀 🎈 🎉
وكل عام وانتم بخير

01/03/2026

18/10/2025

أنتِ قلب الأسرة النابض ومصدر قوتها. ولأن صحتكِ تهمنا، نذكركِ بأن العناية بابتسامتكِ لا تعني الجمال فقط، بل هي خط دفاعكِ الأول لحماية صحتكِ العامة.

هل تعلمين أنَّ؟

· صحة فمِكِ ترتبط ارتباطاً مباشراً بصحة قلبِكِ وعظامِكِ. ❤️
· العناية بالأسنان أثناء الحمل تحميكِ وتحمي طفلِكِ من المضاعفات. 👶
· الوقاية من التهابات اللثة تساعد في التحكم بمستويات السكر في الدم. 🩺

في عيادتنا، نقدم لكِ رعاية شاملة ومتكاملة لأن صحتكِ تستحق الأفضل:

· فحص شامل وتشخيص دقيق يربط بين صحة فمِكِ وصحة جسمِكِ.
· برامج وقائية مخصصة لكل مرحلة من مراحل حياتِكِ (البلوغ، الحمل، سن اليأس).
· علاج مشاكل اللثة المتخصص للوقاية من الأمراض المزمنة.
· عناية خاصة بالأسنان أثناء وبعد الحمل.
· فريق طبي نسائي يفهم احتياجاتكِ ويشعر بكِ.

لا تؤجلي العناية بصحتكِ.. استثمري في ابتسامتكِ من أجل حياة أكثر صحةً وإشراقاً.

🌸 خدماتنا تقدم للنساء والأطفال فقط

احجزي موعدكِ الاستشاري الآن:

📞[ 01090180616 ]
🌐[ ، ]
📍[الفيوم - الخليفة المامون - بجوار الغرفة التجارية - امام سيتي بلازا مول وبنك CIB - برج الوفاء - الدور الأول]

[Bright white Dental clinic - sheredent smiles]

#السكري

26/06/2024

بوست مهم جدا خاصة اليومين دول عشان بعد العيد كل عام وانتم بخير

كتير حالات بيكون عندها جيوب في أسنانها واهي بتمشي الايام ومتعايشة معاها على آية حال
ونيجي بقى بعد العيد والتركير على اللحوم في الوجبات وتبدأ حلقة مفرغة من المشاكل
تعالو نشوف مع بعض ايه اللي بيحصل ونتعامل ازاى لغاية مانشوف حل جذري للمشكلة

الأسنان سبحان الله ربنا خالقها مثبتة جوة العظم بأنسجة من كذا نوع واربطة ومنظومة كاملة على بعضها عاملة الترابط ال ايه ده
زى ما احنا شايفين في الصورة دي

👇🏻
لما بيحصل جيب او جيوب لثوية بتتقطع جزء من الروابط دى وبدل ما الاكل بيتمضغ في هدوء وسلام ويجري عالبلع لا هنا لازم يعدى ويتقطع أجزاء صغيرة منه وتدخل ف الحفر اللثوية دى وتحلف ماهي طالعة بالساهل
نقوم نتغاظ طبعا واللثة تاكلنا أكل ونستحلفلها وبمنتهى الغيظ نقوم جايبين اي حاجة تقابلنا نظيفة بقى مش نظيفة ان شاالله خيط مخدة الانتريه اللي بيتغسل ف الاعياد
اه محدش يكلمنا دلوقتي لو سمحتوا انا عقلي كله وتركيزي بقى في المليمتير ونصف اللي محشور بين الضرسين دول ومش طايقة اشوف حد ف طريقى
ده لو جات على كدة ومقعدتيش تنخوري فيها بدبوس الطرحة🙆‍♀️🥴👎🏻 لغاية ما تصفي دمها 🥵🫣

احب اصدمك انك طالما بدأتي الدايرة دى مش طالعة منها غير بمزيد من المعاناة والالتهابات للأسف

انا معاكي انه ألم سخيف جدا ده ممكن يخليكي عايزة تخلصي على صف أسنانك كله بس ترتاحي م الشعور اللي يجنن ده، بس لو تتحملي شوية وتجاهلي رغبتك الملحة في النخورة والضغط والجز عالاسنان والرغبة ف زنق الخلع ف النص كدة وتتمزجى دقيقة وترجعي تعيطي طول الليل

مطلوب من حضرتك تعملي تشتيت للتركيز زى ما بنعمل مع الأطفال كدة وقت ما بنديهم حقنة او تطعيم
شتتي تركيزك في الوقت ده باي حاجة
بس بعد ماتعملي التالي

١. اغسلي أسنانك زى ما احنا متفقين دايما برفق برفق عارفة انها غايظاكي بس برضو برفق واوعي تجرحيها ، لو زعلتيها هترجعي انت اللي هتزعلي🥵
٢. برفق أيضا خيط اسنان وطلعى اى حاجة مزنوقة جوة الجيب عارفة انك مش عارفة تطلعيها كلها اعملى اللي قدامك من غير ما تحفري في اللثة
٣. هنا بقى جهزي مضمضة بماء دافيء مع ملح قليل وبقول قليل عشان مش نسبب مشكلة تانية، ومضمضي لو عندك سرنجة بلاستيك جديدة طبعا يبقى افضل نعمل فووو كدة داخل الجيب بحيث يلف ويخرج بقوة شوية وتملي الفم بالمضمضة دى او اي مضمضة مطهرة عندك بقوة هنا بقولك بعنف كمان مضمضى جامد جدا
٤. ولغاية هنا بقى ستوب هنعمل mind deviation تشتيت التركيز زى ما اتفقنا اشغلى نفسك ف اي حاجة غير انك تتخانقي مع العيال عشان ده هيرجعنا للجز عالاسنان ونلف ونرجع تاتي
٥. لو الآلام شديدة بزيادة يبقى ناخد مسكن طبعا بيختلف حسب الحالة الصحية العامة لكل شخص والأدوية التانية اللي ماشي عليها
٦. نقطة مهمة خلال الوقت ده حاولى ماتلامسيش أسنانك لبعض واعملي الموضوع ده قبل النوم لان النوم لوحده جسمك هيفرز الاندورفين مسكن قوى جدا زى المورفين كدة وده كفاية يودي الألم بس ضروري ماتلامسيش الأسنان لبعض عارفة انها بتاكلك وعايزة تفرميها🙄 بس بجد اسمعي كلامي هتلاقي الحالة هديت بعد ساعة أو اتنين وبقت ماشي الحال ... بقول هديت مش خفت 🤌( للعلم بس على فكرة بس في حالات بتهدى تماما وكان شيئا لم يكن) بس متنساش ان اساسا في مشكلة تحتاج علاج وده جزء من العلاج لغاية أقرب وقت تزوري طبيبة الأسنان وتحاولي تحلي الاسباب اللي بتزود فرصة تكوين الجيوب واللي هنتكلم عنها ف بوست تاني تابعوني و

09/04/2024

😁

السعرات الحرارية لحلويات العيد (القطعة الواحدة) 👌

تناول الحلويات باعتدال حفاظًا على صحتك🙏

#عيّد_بصحة

09/04/2024

كل عام أنتم بخير 🙂