28/02/2026
حابة أحكي قصه من قصص العيادة اللي أثرت فيا شخصيا
وحسيت فيها انه إخلاص النيه أهم شئ
من فتره نزلت مسابقه كلكم شفتوها ع الصفحه
(50% خصم لحالة تقويم واحده )
كان نفسي تروح لحد مميز ويستحق
طبعا الاختيار كان في بث مباشر عشوائي وعلني قدام الكل
بس انا من جوايا فيه مشتركه لفتت نظري من المشتركين
ومعرفش إحساسي كان بيقولي يارب هي تكسب معرفش الاحساس ده جاي من فين ...بس قولت مجرد إحساس
وعملنا المسابقه ورزق ربنا ليها انها كسبت
من جوايا فرحت ع الرغم انا معرفش هي مين
وقولتلها تتواصل معانا وتيجي العياده
المفاجأه هنا بقي انه هي جت قبل كده العيادة وقالت هاشترك وإن شاء الله هاكسب
انا تعجبت من الثقه دي وتعجبت أكتر من إحساسي اتجاهها انه نفسي تكسب
الحمد لله دلوقت بدأنا التقويم
وبعتتلي ريفيو
حسسني فعلا انه الحمد لله انه ربنا اختارها
