دكتور أحمد إسماعيل موسى

Call Directions Contact the practice

دكتور أحمد إسماعيل موسى لدينا كل ما هو جديد فى عالم طب الأسنان

■ دكتور أحنا بكرة أجازة ..♧ لا يا بنات مش عشان طلعتوا معايا فى فيديو دقيقة ووشكم مش باين ومنطقتوش ولا كلمة تتغروا ..متخل...
14/08/2026

■ دكتور أحنا بكرة أجازة ..
♧ لا يا بنات مش عشان طلعتوا معايا فى فيديو دقيقة ووشكم مش باين ومنطقتوش ولا كلمة تتغروا ..متخلوش الشهرة تعمى عينيكم ....أشيلكم فى المونتاج واغير الدوبلاج واعمل كلوز لو هتتغروا من دلوقتى اه أنا بقول أهو 😎😂

أهلا بيكم فى الحلقة التانية من سلسلة حاجات لو شوفتها فى طفلك اتطمن أغلبها لا تستدعى زيارة طبيب الأسنان .​🦷 ظهور بقعة زر...
09/08/2026

أهلا بيكم فى الحلقة التانية من سلسلة حاجات لو شوفتها فى طفلك اتطمن أغلبها لا تستدعى زيارة طبيب الأسنان .

​🦷 ظهور بقعة زرقاء أو انتفاخ في لثة طفلك؟ لا تقلق! (كيس البزوغ - Eruption Cyst)
​كثيراً ما تفاجأ الأم أثناء فحص فم طفلها بوجود انتفاخ صغير ملون (أزرق، بنفسجي، أو وردي داكن) فوق المكان الذي يتجهز فيه السن أو الضرس للخروج.
​هذه الحالة تُعرف بـ كيس البزوغ (Eruption Cyst) أو الورم الدموي للبزوغ (Eruption Hematoma).
​🤔 ما هو كيس البزوغ؟
​هو عبارة عن كيس صغير يتجمع فيه القليل من السوائل أو الدم فوق تاج السن مباشرة أثناء محاولته اختراق اللثة والخروج للفم.
​🔍 ما هي أعراضه وشكله؟
​الشكل: انتفاخ طري على اللثة مكان السن القادم.
​اللون: قد يكون بنفسجياً أو أزرق غامقاً بسبب تجمع قطرات من الدم تحته، أو وردياً داكناً.
​الألم: غالباً لا يسبب ألماً شديداً، لكنه قد يزعج الطفل قليلاً أثناء الضغط عليه أو الأكل.
​🛡️ هل هو خطير؟ وكيف نتعامل معه؟
​الخبر السار: هذه الحالة حميدة وغير خطيرة على الإطلاق وغالباً لا تتطلب أي تدخل جراحي أو أدوية!

​خطوات التعامل الصحيح:
​الانتظار والصبر: في أغلب الحالات، يختفي الكيس تلقائياً بمجرد أن يشق السن طريقه ويبرز للسطح.
​استخدام العضاضات الباردة: تساعد الطفل على التخفيف من حكة اللثة وتسرع من بزوغ السن.

⚠️ تنبيه هام جداً: لا تحاول أبداً ثقب الكيس أو تفريغه في المنزل باستخدام أي أداة؛ لأن ذلك قد ينقل عدوى وبكتيريا لداخل اللثة.
⚠️ مافيش أى داعى لاستخدام المضادات الحيوية.
⚠️ ممنوع استخدام جل التسنين تحت ٣ سنين وده خطأ قاتل ومنتشر وده بسبب خطر التسمم بـ "الميثيموغلوبين" (Methemoglobinemia)
​المادة المسببة: المركبات التي تحتوي على المخدّر الموضعي بنزوكاين (Benzocaine)

​🩺 متى تجب زيارة طبيب الأسنان؟
​يُفضل استشارة الطبيب في الحالات التالية:
​إذا استمر الانتفاخ لفترة طويلة دون أن يخرج السن.
​إذا كان الانتفاخ كبيراً جداً ويمنع الطفل من الأكل بشكل طبيعي.
​إذا لوحظ وجود علامات التهاب (مثل ارتفاع درجة حرارة الطفل، أو ألم شديد ومستمر، أو خروج صديد).
​في حالات نادرة جداً، قد يقوم طبيب الأسنان بعمل فتحة بسيطة جداً ولطيفة في اللثة لمساعدة السن على الخروج فوراً.
​
عيادات أل موسى التخصصية
المنزلة دقهلية شارع الدروس أعلى صيدلية دأحمد شوقى الدور الثاني
010 62398867

أهلا بيكم فى سلسلة حاجات لو شوفتها فى طفلك "متروحش لدكتور الأسنان" هنبدأ السلسلة بأكتر حاجة بنتسأل عنها يلا بينا ..1️⃣ ...
02/08/2026

أهلا بيكم فى سلسلة حاجات لو شوفتها فى طفلك "متروحش لدكتور الأسنان"
هنبدأ السلسلة بأكتر حاجة بنتسأل عنها يلا بينا ..
1️⃣ أولا الأسنان اللى بتطلع ورا الأسنان اللبنية فى الفك السفلى... لو شوفت أى حاجة من اللى فى الصور تحت اتطمن وضع الأسنان طبيعى وطفلك مش محتاج تقويم ولا خلع ولا أى حاجة الطفل ماشى زى الفل
◀️◀️ بالمناسبة الحالة الوحيدة اللى بنتدخل فيها لو السنة اللبنية وهى بتتلخلع عاملة ألم والطفل مش عارف ياكل غير كده شكرا▶️▶️
انتظروا باقى السلسلة كل يوم مساءا
عيادات أل موسى المنزلة دقهلية
شارع الدروس أعلى صيدلية دكتور أحمد شوقى الدور الثانى
010 62398867

31/07/2026

حالة زارتنى بالصدفة كانت جاية من بره المنزلة لقت يافطة طبيب أسنان وهى عندها ضرس تاعبها دخلت تكشف على ضرسها بس خرجت بصدمة عمرها !!

بعد ما كشفت وشوفت حاجة معينة فى قفلة بوقها سألتها بتعانى من حاجة تانية غير الضرس قالتلى بقوم من النوم بنهج وعندى جفاف شديد فى زورى ... لفيت على دكاترة المنزلة اللى حولونى على المنصورة ودكاترة المنصورة حولونى على القاهرة وأنا زى ما أنا تعبت يا دكتور ألاقى عندك حتى علاج عشان جفاف زورى ...
قولتلها وأنا ببتسم انتى جتيلى صدفة حتى متعرفيش اسمى وأقصى أحلامك علاج جفاف زورك صح....قالتلى أه
قولتلها تعملى ايه لو قولتلك علاج حالتك أصلا عندى مش عند ولا دكتور من اللى روحتيلهم 😅 اتصدمت فقررت أشرح للناس ايه العلاقة ...يلا بينا


​تعرف إن ضيق فكّك ممكن يكون السبب في إنك بتصحى تعبان؟ 💤🦷
​كتير من الناس بيعانوا من مشكلة انقطاع التنفس أثناء النوم (Obstructive Sleep Apnea)، وبيفتكروا إن الحل دايماً عند أطباء الصدر أو الأنف والأذن فقط.. بس الحقيقة إن طبيب تقويم الأسنان له دور أساسي ومحوري في حل المشكلة دي!

​🔍 إيه العلاقة بين تقويم الأسنان وانقطاع التنفس؟
​طريقة نمو الفكين وحجمهم بيأثروا بشكل مباشر على اتساع مجرى الهواء:
​صغر أو تراجع الفك السفلي: لما يكون الفك السفلي راجع لورا، اللسان بيرجع معاه وبيسد مجرى التنفس جزئياً أو كلياً أثناء النوم.
​ضيق الفك العلوي: بيقلل المساحة المخصصة للتنفس من الأنف، وده بيبطئ دخول الأكسجين ويرغم المريض إنه يتنفس من بؤه (Mouth Breathing).
​🛠️ إزاي التقويم بيساعد في علاج Sleep Apnea؟
​توسيع الفك العلوي (Palatal Expansion): في الأطفال والمراهقين، استخدام أجهزة توسيع الفك بيزود مساحة مجرى الهواء في الأنف وبيحل المشكلة من جذورها قبل ما تكبر.

○ ​أجهزة تقديم الفك السفلى (Mandibular Advancement Appliances): أجهزة تقويمية خاصة للبالغين بتمسك الفك السفلي واللسان لبرة أثناء النوم، فبتسيب مجرى التنفس مفتوح.

​الجراحة التقويمية (Orthognathic Surgery): في الحالات الشديدة للبالغين، بيتم تعديل وضع الفكين جراحياً بالتنسيق مع التقويم لتوسيع مجرى الهواء بشكل دائم.

​💡 علامات تحذيرية لازم تاخد بالك منها (خصوصاً في الأطفال):
​الشخير المرتفع أثناء النوم.
​التنفس من الفم بدلاً من الأنف.
​الاستيقاظ المتكرر بالليل أو الجفاف الشديد في الحلق.
​الشعور بالإرهاق وصداع الرأس الصباحي رغم عدد ساعات النوم الكافية.
​تراجع المستوى الدراسي أو قلة التركيز عند الأطفال ولون الوجه الشاحب .

​عيادات أل موسى
فرع المنزلة ...شارع الدروس بجوار دكتور محمود حنة أعلى صيدلية دكتور أحمد شوقى الدور الثانى
010 62398867

طفلة ٨ سنين امبارح كانت بتلعب وقعت من على العربية سنتها الدائمة وقعت واللى جمبها فيها حركة بس للأسف السنة وقعت فى التراب...
29/07/2026

طفلة ٨ سنين امبارح كانت بتلعب وقعت من على العربية سنتها الدائمة وقعت واللى جمبها فيها حركة بس للأسف السنة وقعت فى التراب
🚫🚫 الأخطاء اللى حصلت :
اخوها مسكها من الجدر اداها لبابا بابا مسكها من الجدر اداها لماما ماما خدتها ومسكتها من الجدر وغسلتها تحت الحنفية وسابتها فى الهوا زى ما فى الصورة كل ده خطأ ❌️❌️

الصح ايه ✔️✔️
أول واحد هيمسكها من الطربوش ممنوع يمسك الجدر
ويحطها فى سائل مغذى زى اللبن وياخد الطفلة جرى على الدكتور (لو اتلحقت أول ساعة نسبة النجاح بتبقى مرتفعة)
طب مفيش لبن حطها فى محلول ملح من الصيدلية مفيش محلول حطها فى فم الطفل جمب خده السفلى والضروس ولو هتغسلها هيبقى ثوانى بالمية براحة خالص وممنوع تلمس الجدر ...
ناس كتير متعرفش السنة لبنية ولا دائمة فعشان كده روح للدكتور فى أسرع وقت هيعملها تثبيت بالسلك زى التقويم بس لو السنة لبنية يبقى خير الدكتور هيتطمن على الجرح ومش هيرجعها تانى لكن لو دائمة وأنت اتأخرت حكمت على طفلة تعيش طول عمرها من غير سنة
طبعا احنا خضنا شرف المحاولة وياما حالات بتمشى بتوفيق ربنا عكس ما اتعلمنا من الكتب وهنعرف النتيجة بعد أسبوعين لو القدر خبى لينا خبر حلو هشرحلكم ايه اللى هيتعمل بعد كده

عيادات أل موسى لحشو وتقويم أسنان الأطفال
الفرع الأول المنزلة دقهلية شارع أحمد عافية متفرع من شارع وسط البندر(المحكمة) بجوار دكتور محمود حنة أعلى صيدلية دأحمد شوقى الدور الثاني
010 62398867

عودة العمل أيام الجمعة من ٨ : ١١ للحالات الطارئةالمنزلة دقهلية : شارع أحمد عافية متفرع من شارع وسط البندر (المحكمة) بجوا...
17/07/2026

عودة العمل أيام الجمعة من ٨ : ١١ للحالات الطارئة
المنزلة دقهلية : شارع أحمد عافية متفرع من شارع وسط البندر (المحكمة) بجوار كريم القدوسى للطباعة أعلى صيدلية دكتور أحمد شوقى الدور الثانى
010 62398867

ابتسامة طفلك تبدأ من عندنا ..على مدار ١٠ سنين كنا سبب فى تخفيف ألم ألاف الأطفال وتجميل ابتسامتهم ..فخورين ومكملين و بدأن...
04/07/2026

ابتسامة طفلك تبدأ من عندنا ..على مدار ١٠ سنين كنا سبب فى تخفيف ألم ألاف الأطفال وتجميل ابتسامتهم ..فخورين ومكملين و بدأنا حاليا استقبال الحالات عنوانا الجديد :
المنزلة دقهلية : شارع أحمد عافية متفرع من شارع وسط البندر (المحكمة) بجوار كريم القدوسى للطباعة أعلى صيدلية دكتور أحمد شوقى الدور الثانى
010 62398867

انتهت رحلتنا فى برج أل داوود وستبدأ رحلة أخرى مع سلسلة عيادات أل موسى...ترقبوا افتتاح الفرع الأول بالمنزلة دقهلية خبرة أ...
14/06/2026

انتهت رحلتنا فى برج أل داوود وستبدأ رحلة أخرى مع سلسلة عيادات أل موسى...
ترقبوا افتتاح الفرع الأول بالمنزلة دقهلية
خبرة أكثر من ١٥ عاما فى حشو الأطفال وتقويم الأسنان والرحلة مستمرة بإذن الله..

* ازيك يا دكتور سنتى اتخلعت من ١٥ سنة وعاوز اركب مكانها النهاردة .▪︎ هنعمل تقويم من ٦ ل ٨ شهور نرجع مساحتها لأن الأسنان...
10/06/2026

* ازيك يا دكتور سنتى اتخلعت من ١٥ سنة وعاوز اركب مكانها النهاردة .
▪︎ هنعمل تقويم من ٦ ل ٨ شهور نرجع مساحتها لأن الأسنان اتحركت وعملت شفت لليسار "يسار المريض" ومكانها مبقاش متوفر ونعدل القفلة بتاعة حضرتك و بعدها زراعة وبعدين نستنى من ٥ ل ٦ شهور بعد الزراعة وتيجى بعدها نعمل التركيبة
* أه وعندى فرح مهم جدا بعد يومين ومش هينفع اروح كده
▪︎ انت عارف ان العيد بعد بكرة !!
*البركة فيك دكتورنا دأنا جايلك مالسعودية أقسم بالله مخصوص
▪︎اتصلى عالمعمل يا علياء قوليله متقفلش بكرة اها وبكرة الوقفة مش أجازة زى ما وعدتك :)

قصة حالة .... مريضة زارتنا فى العيادة مش بتنام الألم مسمع فى نص الوجه الأيسر أخدنا تاريخها المرضى الألم عندها من زمان .....
10/04/2026

قصة حالة ....
مريضة زارتنا فى العيادة مش بتنام الألم مسمع فى نص الوجه الأيسر
أخدنا تاريخها المرضى
الألم عندها من زمان ...ألم ملوش علاقة بأكل أو شرب ألم مستمر على شكل نبضات كهربية ...راحت لطبيب أسنان من فترة قرر يخلع ضرس العقل العلوى 8 وضرس سفلى 5 واللى على كلامها مكانوش مسوسين والألم زى ما هو نبض بيكهرب فى نص وشها ....طبيب الأسنان حولها لطبيب مخ وأعصاب اللى شخصها بالتهاب العصب الخامس trigeminal nerve....تابعت معاه بس جاتلى بعد ما يأست لأن الألم استمر حتى مع أدوية الأعصاب حد نصحها تجيلى فقالت تاخد بالأسباب..
بعد الكشف قولتلها مش لاقى أى حاجة غير طبيعية أها فى جذر متبقى من خلع قديم وحشوات مش أحسن حاجة بس الأمور ظاهريا طبيعية عملت كل حاجة وكل ال tests تطلع
-Ve وللأسف كانت أخده مسكن فكده كل اللى عملته غير دقيق ...كان ممكن أحولها لطبيب مخ وأعصاب بس شيئ داخلى قالى لأ ...قولتلها أنا رايح بكرة المنصورة وهتجيلى من غير مسكن.
روحت المنصورة اشترى ايثيل كلورايد اسبراى وده اسبراى بيعمل بروده تصل إلى سالب 50 بس للأسف غير متوفر بالشركات لأنه بيأثر على طبقة الأوزون .....قدرت اجيب اسبراى أخر وعملت cold test والعجيب انه بردو -ve لكل الضروس والأسنان بالفكين فوق وتحت مفيش ألم...قولتلها اتفضلى قعدت عالمكتب أنهينا الزيارة وهى قايمة تمشى الألم اشتغل ....هنا اتأكدت ان الألم من عندنا وعدت ال cold test الضرس بيستجيب بعد وقت طويل جدا بس أنا كنت شاكك فيه من أول ما شوفت ال pulp horn الضرس هو lower left 6
فتحت عصب اللى كان صعب بسبب القنوات الضيقة جدا بس الحمد لله النتيجة كانت طيبة .....المريضة جاتلنا تانى بتقول الألم اختفى لأول مرة
قولتلها حمد الله عالسلامة حضرتك مكونتيش مريضة مخ واعصاب والعصب الخامس زى الفل هو بس كان فى فرق بسيط leakage أقل من نص مل هو اللى عمل كل ده .....طبعا مريضة خلعت 3 ضروس لو كنت دخلت أعمل حشو عصب والألم فضل زى ما هو كان هيبقى شكلى وحش بس ربنا ألهمنا الصواب .

Address

شارع أحمد عافية متفرع من شارع المحكمة أعلى صيدليه د احمد شوقي
El-Manzala
12345

Opening Hours

Monday 12pm - 2pm
5pm - 11pm
Tuesday 12pm - 2pm
5pm - 11pm
Wednesday 12pm - 2pm
5pm - 11pm
Thursday 12pm - 2pm
5pm - 11pm
Saturday 12pm - 2pm
5pm - 11pm
Sunday 12pm - 2pm
5pm - 11pm

Telephone

+201002794500

Website

Alerts

Be the first to know and let us send you an email when دكتور أحمد إسماعيل موسى posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتور أحمد إسماعيل موسى:

Shortcuts

Share

Category