17/04/2023
بتعاني من رائحة فم كريهة بتزيد قوي في الصيام ؟
٧ أسباب غير متوقعة لرائحة الفم الكريهة و طرق علاجها👇🏻
1️⃣ جفاف الفم
اللعاب بيلعب دور مهم في إزالة الجزيئات اللي بتسبب رائحة كريهة.
بعض الأدوية / مشاكل في الغدد اللعابية / مشاكل النوم اللي بتخليك تتنفس من الفم أثناء النوم .. كل دي عوامل بتسبب "زيروستوميا" جفاف الفم و بالتالي رائحة نفس كريهة
2️⃣ أمراض الجهاز الهضمي
تتسبب بعض أمراض الجهاز الهضمي برائحة الفم الكريهة مثل الإرتجاع/ فرط نمو البكتيريا في الأمعاء / أمراض الكلى ( رائحة آمونيا)
3️⃣ التدخين
التبغ يترك رائحة كريهة في الفم بالإضافة انه بيقتل جزء كبير من البكتيريا النافعة في الفم و بيسرّع تراكم الجير على الأسنان عشان كده بننصح المدخنين بغسل الأسنان و تفريش اللسان يوميا ٣ مرات بعد الاكل و استخدام خيط الاسنان و المضمضة و المحافظة على جلسات تنظيف كل ٣ شهور
4️⃣ تراكم الجير و إلتهابات اللثة
تراكم الجير على الأسنان نتيجة للإهمال او عدم التفريش الصحيح بيؤدي الى التهاب و إحمرار اللثة و ده حقيقي بيسبب رائحة مزعجة جدا لا تزول بالتفريش او الغسول ، بيكون لازم جلسة إزالة جير و تطهير اللثة
5️⃣ خرّاج الأسنان
اي حد عانى من خرّاج الأسنان قبل كده عارف بيسبب رائحة كريهة و نفّاذة قد ايه.. إفراز الخراج بيكون صديد رائحته سيئة للغاية و طعم سيء ، عشان كدة بننصح بكشف دوري كل ٦ شهور لمتابعة صحة الفم و الأسنان و علاج اي تسوس في بدايته أحسن و أوفر
6️⃣ إلتهابات الجيوب الأنفية
دي نقطة مهمة جدا لأن كثير من مرضى الجيوب الأنفية بيعانوا من رائحة فم كريهة لا تزول بتنظيف الأسنان فقط لأن مصدرها الأساسي بيكون التهابات و إفرازات الجيوب الأنفية ، و هنا بننصح بزيارة طبيب أنف و أذن و إتباع التعليمات المناسبة
7️⃣ تركيبات الأسنان السيئة
عدم الإهتمام " المُضاعَف" بنظافة و تفريش تركيبات الأسنان قد يؤدي بعد فترة نتيجة لتراكم الأكل و الجير على حواف التركيبة الى حدوث تجويف في الضروس تحت التركيبات و ده بيكون أمر خطير جدا لأنه مش بس بيسبب رائحة كريهة ، الا انه كمان بيسبب تسوس الأسنان تحت التركيبة و تحتاج تتغير 🤷🏻♂️
📞للتواصل والاستفسار يرجي الاتصال علي:
0503611191 — 01280280803
📍شارع الزهراء بجوار وكالة السلطان
