Asmaa Abd Elfattah dental clinicعياده د. أسماء لتجميل الأسنان

20/11/2022

10/09/2017

حشو العصب

يعني ايه حشو العصب او علاج الجذور ؟!
عصب الضرس او السنة هوا الجزء الداخلي اللي بيمد الاسنان بالغذا عن طريق الخلايا العصبية و الشعيرات الدموية اللي فيها وهوا المسئول عن الاحساس في السنة

امتي تحتاج حشو عصب ؟!
طبعا دي حاجة يقدر يحددها بس طبيب الاسنان لكن في شوية اعراض كده لو ظهرت نعرف اننا محتاجين نتوجه لطبيب الاسنان علطول
لو ضرس مسوس من فترة و كان بيحصل معاه الم مع الساقع و بعد كده بقي يعمل الم شديد بيسمع في الودان او بيعمل صداع يبقي غالبا التسوس وصل للعصب
لو السنة اتكسرت كسر كبير محتاج علطول تروح للدكتور عشان تتاكد ان من مستوي الكسر وصل للعصب ولا لا
لو حصل ورم قدام السنة او الضرس او وشك ورم و هوا مسوس جامد حتي لو محصلش اي وجع يبقي بنسبة كبيرة هتحتاج حشو عصب

09/09/2017

😆😃

لسه تقدر تبقي ضحكتك احلي عن طريق القشرة التجميلية ( الفينير ) و اللي بتتميز انها مش بتحتاج غير تحضير بسيط جدا لسطح السنة الخارجي فقط بدون الم و بدون بنج و فقط في جلستين و بيها تقدر تعدل مشاكل كتيرة زي لون الاسنان الغامق او تزاحم الاسنان او فراغات بين الاسنان

23/08/2017

طفلك لازم يتعود يغسل أسنانه مرتين في اليوم علي الاقل ولازم معجون أطفال مينفعش معجون الكبار عشان تحافظي عليها من التسوس وخصوصا ان الاطفال دلوقتي بقو مدمنين شيبسي وحلويات .كمان اهتمي دايما انك تبصي علي اسنانه علشان لو في اي تسوس تلحقيه بسرعه وتوديه لدكتور يحشيه قبل ما الضرس يتكسر .يعني مش لازم الطفل يشتكي ويوصل لمرحله انه ما ينامش عشان نهتم بيه.أطفالنا أمانه هنتحاسب عليها

17/08/2017

تنضيف الجير
اولا هو مش بيضر الاسنان زي ما الناس معتقدة بالعكس هو بيحافظ علي الاسنان وصحتها لانه بيمنع التهابات اللثة واللي بتسبب مع الوقت في تآكل العظم اللي بيمسك الاسنان ويؤدي الي لخلختها.كمان تنصيف جيوب اللثة مهم لان الجيوب دي هيا السبب الرئىسي في التسوس اللي بين الاسنان

17/08/2017

عدسات الاسنان او الڤينير

12/05/2017