Dr. Samar Sakr

07/05/2025

لكل طلاب الماجستير والدكتوراة بالتخصصات الطبية: الطب البشري، طب الأسنان، الصيدلة، العلوم 🤓.
متطلبات الرسالة كتيرة جدا والوقت ضيق ؟!!

إحنا فريق متخصص هنكون معاك خطوة بخطوة من أول مساعدتك في كتابة رسالتك لتجهيز بريزنتيشن يوم المناقشة

هنقدر نساعدك في:
1.كتابة الأطروحة Thesis Writing
2. تنسيق الأطروحة الكامل Thesis Complete Format
3. ترجمة الملخص بالعربية Arabic Summary Translation
4. المراجع References (Endnote)
5. تصحيح الأخطاء اللغوية Proofreading

على يتم الحصول مجانا مع الرسالة:🆓🆓
Turnitin Plagiarism Check Report
عايز تبدأ؟
ابعتلنا رسالة دلوقتي علشان نبدأ مشوار النجاح مع بعض✨😇

05/02/2025

Day 3:
إنهردة اليوم الثالث من تحدي ال100 يوم من الكتابة الأكايمية ... وبدأت أتحمس زيادة لأفكار أكتر فيلا نبدأ بسرعة✨✨
عارفين فيلم Finding Nemo ... كان في قرش كدا بيقول جملة مشهورة جدا Fish are friends, Not food
دي بالظبط القاعدة اللي إحنا هنتعامل بيها في السلسلة واحنا بنذكر كل أمكانيات ال Ai المتاحة حاليا الخاصة بالكتابة الأكاديمية
“Ai is a tool, Not a creator” – Samar Sakr 2025 – 😇

ببساطة جدا احنا بنستخدم ال Ai علشان يساعدنا في شغلنا ويخلينا ننجز أسرع مش انه يعمل الشغل مكانا
إلى الآن مفيش أداة بتطلع نسبة دقيقة لنسبة ال Ai في الملف ولكن في تحديثات بتتعمل دوريا للوصول لأفضل النتائج. فالأدوات الحالية ممكن تطلع نسبة Ai في ملف لم يتم استخدام الذكاء الاصطناعي فيه أصلا
ولكن طبعا حتى مع أدوات الذكاء الاصطناعي وقوتها اللامحدودة .. دورك كباحث علمي لم ولن يكون مهمش برده للاسف
في أدوات كتير جدا متاحة حاليا لعمل إعادة صياغة .... بعضهم بيستخدم ال Ai والبعض الأخر لا
عملت Ai Check لنفس الباراجراف اللي عملتله إعادة صياغة في مواقع مختلفة والنتيجة هقولها تحت
AI-Powered Paraphrasing Tools:👇🤓
1- Chatgpt
طبعا بما اننا بقينا بنستخدمه بشكل يومي فيعتبر هو الطريقة الأسهل والأسرع لعمل أي حاجة مش الصياغة فقط ... ولكن نتيجة الفحص كانت 50 % واحيانا اكتر Ai
2- QuillBot
أشهر أدوات إعادة الصياغة وأكثرها استخداما ... ولكن في بعض الحالات بيطلع جمل مغلوطة بسبب فهمه الغلط للمحتوى العلمي علشان كدا لازم مراجعة المحتوى كويس جدا بعد استخدامه .. أحيانا مش ببتم اكتشافه ف الفحص وأحيانا بيظهر 17% .. غير ان كتاباته بتكون في بعض الأحيان جامدة ومحتاجة تعديلات علشان ترجعها للحياة
3- Wordtune
من الأدوات اللي مش مشهورة بين الباحثين ... ولكن من وجهه نظري بشوف ان كتاباته قريبه من الكتابة بتاعتنا شوية ومش بيظهر في ال Ai check ... ولكن للاسف هو بفلوس

في غير الأدوات دي كتير ولكن اتكلمنا على الأشهر منهم
Paraphrasing tool 👇😊
1- Grammarly
استخدام جرامرلي للAi في الصياغة محدود ودا بيخلي استخدامك له آمن ومش محتاج تعدل من وراه علشان المحتوى يكون خالي من الانتحال …
علشان كدا حاول أي محتوى تكتبه تعدله مؤخرا على جراملي مش بس هتعدل كتير من الكلام وتقلل الاقتباس كمان هيظبط ليها الجرامر وبناء الجمل بشكل سليم

ومننساش أبدا ان أدوات الذكاء الاصطناعي هي فقط أدوات بتساعدك مش بديل ليك
لو حابين نتكلم عن استراتيجيات أكتر في الPlagarism ابعتولي أكيد

أتمنى سنة 2025 تكون بداية ليك انك تكسر الحاجز اللي بينك وبين بداية كتابة رسالتك 😊😊
تقدروا تتابعوا السلسلة عن طريقة صفحتي الشخصية أو صفحة Dental -X وكمان واتساب وتلجرام
Dr. Samar Sakr Page
https://www.facebook.com/profile.php?id=61557923325811&mibextid=ZbWKwL

Dental- X Page
https://www.facebook.com/profile.php?id=61561785099753&mibextid=ZbWKwL

Dental- X Whatsapp
https://chat.whatsapp.com/GJhWaaRFUgp5IHAt1rraBb

Samar Sakr Telegram
https://t.me/samarsakr94

04/02/2025

Day 2:
إنهردة اليوم الثاني من سلسلة 100 يوم من الكتابة الأكاديمية ✨🌟🌟.... هنتكلم عن مهارة مهمة جدا لأي باحث وهي ال Paraphrasing وهي أفضل طريقة للتخلص من مشكلة السرقة الأدبية أو الانتحال أو Plagiarism
أول و أفضل طريقة وهتفضل المفضلة بالنسبة لي... على الرغم من انها صعبة شوية بس التمكن من المهارة دي بيسهل جدا عملية الكتابة الأكاديمية
Five-Step Paraphrasing Method👇👇✨
هي بالظبط عبارة عن خمس خطوات:
1️⃣الخطوة الأولى: هنقرأ الباراجراف اللي فيه مشكلة الانتحال كويس جدا وهنبدأ نفهم كل جزء فيه
2️⃣الخطوة الثانية: هنقفل الفايل وهنفتح فايل جديد ونبدأ نكتب اللي فهمناه على شكل نقاط مرقمة ... وبعد كدا هتستفيض تحت كل نقطة ... دا هيخلي عقلك منظم أكتر وتركيزك يتركز في نقط صغيرة
3️⃣الخطوة الثالثة: نكتب الكلام اللي طلعنا بيه كله تحت بعضه نبدأ التعديلات .. مثلا نغير أسلوب جملة نغير كلمات معينة علشان تبقى شكلها واضح ومظبوط أكتر
4️⃣الخطوة الرابعة: : نرجع للفايل الأصلي علشان نتأكد من سلامة اللي كتبناه
5️⃣الخطوة الخامسة والأخيرة: انك تعمل Cite للبيبر اللي انت واخد منها الباراجراف الأصلي

طبعا الطريقة دي مش سهلة أبدا لو شخص مش متعود على الكتابة .... ولكن لما تتمكن منها مش هتقدر تشتغل بغيرها
الأيام الجاية هنذكر طرق واستراتيجيات أكتر وازاي نستخدم ال Ai بشكل صحيح لحل المشكلة 🧑‍🎓

أتمنى سنة 2025 تكون بداية ليك انك تكسر الحاجز اللي بينك وبين بداية كتابة رسالتك 😊😊
تقدروا تتابعوا السلسلة عن طريقة صفحتي الشخصية أو صفحة Dental -X وكمان واتساب وتلجرام
Dr. Samar Sakr Page
https://www.facebook.com/profile.php?id=61557923325811&mibextid=ZbWKwL

Dental- X Page
https://www.facebook.com/profile.php?id=61561785099753&mibextid=ZbWKwL

Dental- X Whatsapp
https://chat.whatsapp.com/GJhWaaRFUgp5IHAt1rraBb

Samar Sakr Telegram
https://t.me/samarsakr94

03/02/2025

Day 1:
بما ان انهردة أول يوم في سلسلة تحدي ال100 يوم . خلينا نتكلم عن أكثر المشاكل شيوعا واللي هي تقريبا بتقابل 95% من الباحثين وهي
Plagiarism
الانتحال أو السرقة الأدبية : هو ببساطة انك بتنقل كلام شخص تاني للرسالة بتاعتك أو البحث بتاعك
بس هل كل الplagarism كدا ؟ لا ... انت ممكن يظهرلك في ال report انك ناقل من بحث ثاني وانت عمرك ما فتحت البحث دا قبل كدا ....وهنا دا توارد أفكار لأن العلم واحد وطبيعي جدا أسلوبك يكون فيه تشابهه مع شخص تاني
وعلشان كدا هنلاقي مثلا في الأبحاث والرسايل بيكون مسموح ب 15% plagiarism داخل الأطروحة أو البحث بتاعك
بس السؤال هنا : هي ال 15% دول معناها اني اخد كوبي بيست 15% ؟ الحقيقة لا النسبة دي متسابة بس علشان توارد الأساليب والأفكار مش انك تنسخ الكلام بالظبط
ببساطة لأن العلوم هي شىء تراكمي يعني محدش هيطلع بأفكار من العدم ولو حصل بيبقى بنسبة نادرة جدا ... الأصل في البحوث انها بتبقى مبنية على حاجات سابقة وبالتالي بنجمع المعلومات دي علشان نقدر اننا نطلع بطوبة جديدة أو فكرة جديدة نحطها في الهرم العلمي
الأساس في النقل من أي مصدر طبعا انك تكتبه وهنتكلم فيما بعد عن ال Citation & References

طيب اي سبب نسبة ال plagiarism العالية زيادة عن اللازم ... أحيانا رسايل بتجيلي بنسبة 60 % وساعات أكتر
في أسباب عامة
1- نقل المعلومة من مصدر واحد
باحث علمي معناه انك لازم تبحث ومش بتثق بسهولة في مصدر واحد ... فبالتالي لازم المعلومة اللي انت محتاجها تدور عليها في أكتر من مصدر
فبالتالي هيكون أصلا معاك كذا أسلوب لعرض المعلومة بالإضافة انك بتتأكد من صحتها فتقدر ببساطة تجمع بين المصادر دي وتبدأ انت تكتب بأسلوبك المعلومة دي داخل رسالتك أو بحثك (هقولكم في البوستات الجاية طرق تخلي المرحلة دي سهلة جدا) ... وبعد كدا ب cite المصادر اللي أخدت منها ...
2- نسخ كم كبير من نفس المصدر
يعني لو ريفيو مثلا ناخد نصه كوبي بيست علشان املى الرسالة أو البحث بتاعي بسرعة.... في الحالة دي برده نسبة الانتحال هتكون كبيرة لأن انت هنا مش ناقل جملة أو باراجراف انت ناقل حتى ترتيب الأفكار فهتلاقي صعوبة في انك تعدلها

في بقى أسباب خاصة بالكاتب نفسه
1- ضيق الوقت
للاسف في كل نقاشاتي مع الباحثين اننا بنبقى محطوطين تحت ضغط رهيب في الوقت (وعندهم حق) فبالتالي بحتاج انجز بسرعة فيلا يلا كوبي بيست انجز قفل البحث بتاعك ابعت للنشر
2- مش بعرف أكتب
كتير من الباحثين بيعتقدوا انهم غير قادرين على انهم يكتبوا بنفسهم فعلشان كدا بياخدوا الكلام كوبي ويبدأو يعدلوا الverbs مثلا او ما الى ذلك من تقنيات مش بتكون فعالة بشكل كبير وبيكتشفوا في الاخر برده ارتفاع نسبة الانتحال

في البوست الجاي هنتكلم أكتر عن الحلول

أتمنى سنة 2025 تكون بداية ليك انك تكسر الحاجز اللي بينك وبين بداية كتابة رسالتك 😊😊
تقدروا تتابعوا السلسلة عن طريقة صفحتي الشخصية أو صفحة Dental -X وكمان واتساب وتلجرام
Dr. Samar Sakr Page
https://www.facebook.com/profile.php?id=61557923325811&mibextid=ZbWKwL

Dental- X Page
https://www.facebook.com/profile.php?id=61561785099753&mibextid=ZbWKwL

Dental- X Whatsapp
https://chat.whatsapp.com/GJhWaaRFUgp5IHAt1rraBb

Samar Sakr Telegram
https://t.me/samarsakr94

02/02/2025

]من سبع سنين✨... بدأت طريقي في الكتابة الأكاديمية
بداية من مساعدة الباحثين على التخلص من ال Plagiarism لحد مساعدتهم في كل مراحل الماجستير / الدكتوراة من أول الرسالة والبحث التابع لها حتى البريزنتيشن الخاص بالأطروحة.
سنة 2023⏳... بدأ كتير من عملائي وأصدقائي يقترحوا اني أوثق كل حاجة اتعملتها في كورس متجمع فيه كل ال tips & tricks اللي اتعلمتها خلال مراحل شغلي ومتابعة عشرات الرسايل ... وبالفعل بدأت في بناء الكورس ولكن بسبب انشغالي الشديد الأمور لم تجري كما تم التخطيط لها .. فقررت اني هبدأ بحاجة أسهل وهي 100 يوم من نشر بعض ال tips & tricks اللي تقدر تساعد الباحثين لحين انتهاء الكورس بسلام.
معظم الباحثين بيشوفوا مرحلة الكتابة دي انها بعبع💀💀 !!! .. قد اي صعب انك تحول كل حاجة عملتها لكتابة أكاديمية سليمة💔💔 .. ولكن أنا دايما بقول ان الموضوع مش بس عبارة عن حبة قواعد بتعملها فتكتب بشكل كويس ..ولكن اللي أنا اتعلمته خلال مدة شغلي كان غير كدا تماما انك بالإضافة للقواعد انت محتاج تتعلم ازاي تحط صوتك في هيئة كلام على ورق يستمتع القارىء بقراءته🥰 ... يستمتع ؟!!! غريبة صح ؟ 🧐🤔كلنا بنفتكر ان علشان دا علم أكاديمي لازم يبقى معقد ونحط كلمات صعب فهمها .. بس الحقيقة العكس هو الصحيح انت لازم تكون بتكتب بشكل واضح وبتسلسل يخلي القارىء يقرأ للأخر ويستفيد من العلم اللي إنت بتقدمه
عمري ما أنسى أبدا كلمة دكتور زميل لما كان بيتكلم عن بيبر قد اي كانت مبهمة وانه قعد كتير جدا علشان يفهم المغزى بتاعها 😐😓
خلال ال100 يوم الجايين هشير معاكم حاجات كتير واستراتيجيات كتير اتعلمتها وحلول لمشاكل وقعت فيها أو اتسألت عليها من الباحثين زي ال Writer’s block , Plagiarism , Discussion tips وغيرها من مشاكل بتوقف الباحثين وتخلي الكتابة أصعب عليهم
ودي المواضيع اللي هتكون في البوستات ( لو محتاج تتعلم حاجة منهم تقدر تتابع) ✨👇
- كتابة رسايل الماجستير / الدكتوراة
- استخدام الذكاء الاصطناعي بشكل سليم في البحث العلمي
- العمل الحر (في مجال الكتابة أو غيره)

أتمنى سنة 2025 تكون بداية ليك انك تكسر الحاجز اللي بينك وبين بداية كتابة رسالتك 😊😊
تقدروا تتابعوا السلسلة عن طريقة صفحتي الشخصية أو صفحة Dental -X وكمان واتساب وتلجرام
Dr. Samar Sakr Page
https://www.facebook.com/profile.php?id=61557923325811&mibextid=ZbWKwL

Dental- X Page
https://www.facebook.com/profile.php?id=61561785099753&mibextid=ZbWKwL

Dental- X Whatsapp
https://chat.whatsapp.com/GJhWaaRFUgp5IHAt1rraBb

Samar Sakr Telegram
https://t.me/samarsakr94

05/07/2024

زي ما وعدناكم على جروبنا على الواتساب إن هيتم الإعلان عن فائز المنحة يوم 5/7 🎊،
IELTS Schoalarship 2024 🥳🤩
مقدمة من Dental -X
✨طب ايه المنحة دي و هتفيدنا في ايه؟؟!
✅ هي منحة خاصة بالIELTS ، و هو الاختبار الدولي الموحد لإتقان اللغة الإنجليزية لغير الناطقين بها؛و تعتبر شرط أساسي من شروط السفر حاليا 💫
المنحة لتغطية تكلفة الامتحان بالكامل واللي تكلفته في المجلس الثقافي البريطاني حاليا تصل إلى ٦٠٠٠ جنية.
مبروك للدكتور سيف الدين إيهاب 🎊🎊
مع التمنيات بالمزيد من النجاح و التفوق
يمكنكم تصفح النتيجة من على الموقع
https://dental-x.net/
تابعونا على جروبنا على الواتساب:
https://chat.whatsapp.com/GJhWaaRFUgp5IHAt1rraBb
Stay tuned👀

زي ما وعدناكم على جروبنا على الواتساب إن هيتم الإعلان عن فائز المنحة يوم 5/7 🎊،
IELTS Schoalarship 2024 🥳🤩
مقدمة من Dental -X

✨طب ايه المنحة دي و هتفيدنا في ايه؟؟!
✅ هي منحة خاصة بالIELTS ، و هو الاختبار الدولي الموحد لإتقان اللغة الإنجليزية لغير الناطقين بها؛و تعتبر شرط أساسي من شروط السفر حاليا 💫

المنحة لتغطية تكلفة الامتحان بالكامل واللي تكلفته في المجلس الثقافي البريطاني حاليا تصل إلى ٦٠٠٠ جنية.

مبروك للدكتور سيف الدين إيهاب 🎊🎊
مع التمنيات بالمزيد من النجاح و التفوق

يمكنكم تصفح النتيجة من على الموقع
https://dental-x.net/

تابعونا على جروبنا على الواتساب:
https://chat.whatsapp.com/GJhWaaRFUgp5IHAt1rraBb

Stay tuned👀

08/05/2024

ان كان نصيبك من الدنيا لين قلبك، فقد نجوت ✨✨

04/05/2024

Fresh Feedback 🤩🥳

23/04/2024

تم اكتمال استقبال المشاريع إلى نهاية شهر مايو ... وسيتم استقبال مشاريع جديدة مع بداية شهر يونيو بإذن الله .... شكرا لثقتكم 💫

13/04/2024

أول الغيث قطرة
Alhamdulillah, the submission of my first paper in the year 2024 has been successfully completed after a reasonable absence from international publishing.

Thanks to my colleague Dr Hada Ehab for his contribution to case report writing. And definitely my godfather and supervisor,Dr Yosry Thakeb our special surgeon.
نسأل الله القبول والايديتور الحنين 😃

12/04/2024

نظرا لأن بعض الريفيوز أتمسحت لسبب لا نعلمه حتى الآن 💔
الريفيوز ☺️ ⬇ ⬇