Dr Amr Nabil Dental Clinic

04/04/2026

زراعة العظم مكلفة عشان اتأخرت في زراعة الضرس

زراعة الضرس مكلفة عشان حضرتك معملتش علاج عصب ساعتها

علاج العصب مكلف عشان حضرتك معملتش حشو عادي لما كان التسوس بسيط

والحشو العادي مكلف عشان حضرتك معندكش ثقافة زيارة دكتور الأسنان للكشف كل 6 شهور

علاج الاسنان مش مكلف.. الاهمال هو المكلف!!

20/11/2025

True story..

20/11/2025

13/09/2024

عايزين كل الناس تحتفل بمولد النبي و تاكل حلاوه المولد كتيييير 😈🤭🤭

14/06/2021

عاده ..من اخطر العادات عند كتير من الاطفال .. وهي مص الصوابع .. عاده بتكون بتزعج الاهل عشان بس شكل الطفل و هو بيمص صباعه .. انما هما مش متخيلين انها مش بس شكلها مزعج انما هي بتأثر بشكل كبير جدا علي شكل و نمو الفكين و علي شكل الاسنان و الوجه بصفه عامه ...

24/11/2018

ناس كتير بتشتكي انها بتغسل اسنانها مرتين او تلاته في اليوم و برضو اسنانهم بتسوس....النوع ده من المرضي غالبا بيكون ماعندوش معلومات عن الخيط الطبي او مش بيستخدمو خالص..عشان كده لازم نوضح ان استخدام الخيط الطبي بنفس اهميه استخدام فرشه الاسنان ..لان الخيط الطبي هو الوحيد ال بيقدر يخرج اي اكل محشور بين الاسنان ..و الاكل ده استحاله يطلع بمجرد الغسيل بالفرشه.. للاسف الاكل المحشور بيكون افضل غذاء للبكتيريا عشان تتغذا عليه و تبدأ عمليه التسوس في اسنانا..ده غير طبعا ان الاكل المحشور ده بيعمل جيوب لثويه و دي علاجها بيكون صعب شويه و بياخد وقت طويل علي ما معاناه المريض تختفي ..
عشان كده لازم نستخدم الخيط الطبي بعد كل اكل ...

06/11/2018

ايه هو حافظ المسافه اللي احيانا بنسمع ان طفلنا محتاجه عشان خلع ضروسه في سن صغير ؟

حافظ المسافه او ال Space Maintainer

عباره عن جهاز معدني صغير بيتم تركيبه علي الضرس الخلفي للضروس او الضرس المخلوع عشان يضمن عدم تحرك الضروس الخلفيه في مكان الضرس المخلوع

=طب مايتحرك ايه المشكله ؟!

تعالي نفترض ان طفل خلع الضرس اللبني في سن 7 سنوات , والمفروض الضرس ده ميعاد تبديله بيبقي عند سن 10 سنوات , فبالتالي المكان ده هيفضل فاضي لمده 3 سنين

في الفتره دي ممكن الضرس الخلفي يتحرك كرد فعل طبيعي من الجسم عشان يقفل المسافه دي

طب وايه المشكله برده ؟!

المشكله هنا لما الطفل يوصل لسن االتبدل عند 10 سنين ويجي بديل الضرس المخلوع يبدأ يطلع فيلاقي الضرس الخلفي قفل المكان اللي المفروض هيطلع فيه , فيا اما يفضل مدفون ويسبب مشاكل فيما بعد او يطلع مزنوق ومايقدرش يطلع بالكامل فيعمل تراكم للأكل في المكان ده ويسبب في تسوس الضرس نفسه والضروس اللي حواليه

او يطلع معوج اما ناحيه اللسان او سقف الحلق او ناحيه الخد وفي كل الحالات دي هيسبب مشاكل احنا في غنا عنها وهيحتاج تقويم لفتره طويله لحل المشكله